21 مامىر، 2011

ونەردە جوق شەكارا

586 رەت كورسەتىلدى
«قازاقستان» ورتالىق كونتسەرت زالىندا شانحاي ىنتى­ماق­تاس­تىق ۇيىمىنا مۇشە مەملەكەتتەردىڭ ونەر فەستيۆالى جانە ەۋرازەق حا­لىقتارى مادەنيەتتەرى ءىى فەستي­ۆالى­نىڭ اشىلۋ سالتاناتى ءوتتى. بيىلعى جىل قازاقستان تاريحىندا ەكى ۇلكەن جاڭالىقپەن ەستە قالارى ءسوزسىز. ونىڭ ءبىرى تاۋەلسىزدىگىمىزدىڭ 20 جىلدىق مەرەيتويى بولسا، ەكىنشىسى 10 جىلدىق مەرەيتويىن وتكىزىپ وتىرعان شانحاي ىنتىماقتاستىق ۇيىمى سامميتىندەگى قازاقستاننىڭ توراعالىعى. ەستەرىڭىزگە سالا كەتەيىك، قازاق جەرىندە وسىمەن ەكىنشى رەت وتكىزىلىپ وتىرعان شىۇ ءسامميتى العاش رەت 2005 جىلى وتكىزىلگەن بولاتىن. ەۋرازيالىق ەكونوميكالىق قاۋىم­داس­تىعى ينتەگراتسيالىق كوميتەتىنىڭ ءما­دەنيەت بويىنشا كەڭەسىنىڭ جينا­لى­سى مەن شانحاي ىنتىماقتاستىق ۇيى­مىنا كىرەتىن مەملەكەتتەردىڭ مادە­نيەت مينيسترلەرىنىڭ   جينالىسى اياسىندا ءوت­كەن ەۋرازەق جانە شىۇ وكىلدەرى-مەملە­كەت­تەرىنىڭ مادەنيەت فەس­تيۆالىنىڭ كونتسەرتتىك باع­دارلاما­سىندا رە­سەي، قى­تاي، قىرعىز­ستان، ءتا­جىك­ستان، بەلورۋسسيا، قا­زاقستان ءارتىس­تەرى ءوز ونەر­لەرىن كورسەتتى. ءداستۇر بويىنشا ما­مىر ايى – ەلىمىزدە قا­زاق­ستان حالقىنىڭ بىرلىگىنە ارنالعان. سوعان وراي ەۋرازەق مادە­نيەتتەرى فەستيۆالى قا­زاق­ستاننىڭ باسقا قالا­لارىندا دا ءوز جالعاسىن تاپپاق. بۇگىن ەلىمىزدىڭ ەكى قالاسىندا جەكە كونتسەرت ۇيىمداستىرىلادى دەپ كۇتىلۋدە. ياعني، كوكشەتاۋ قالاسىنىڭ في­­لارمونياسىندا، قا­را­عاندى قالاسى­نىڭ ك.ستانيسلاۆسكي اتىنداعى ورىس دراما تەاترىندا وسىن­داي كونتسەرتتەر وتپەك. وندا قىتايدىڭ  تسزيلين ايماعىنىڭ ءان جانە بي ءانسامبلى، رەسەي فەدەراتسياسىنان «بويان» مەم­لەكەتتىك ورىس اكادەميالىق تەاترى، ءتا­جىك­ستان مەملەكەتىنەن «لولا» مەملەكەتتىك بي ءانسامبلى، قىرعىزستان ەلىنەن «شات­­تىق» حالىقتىق حورەو­گرا­فيالىق جانە «اقاق» انسامبلدەرى ءوز ونەرلەرىن ساراپقا سالادى. ءبىر ايتا كەتەتىن جايت، ەۋرازەق حالىقتارى مادەنيەتتەرىنىڭ II فەس­تيۆالىنىڭ جابىلۋ ءراسىمى 21 مامىر كۇنى ەلورداداعى كونگرەسس-حولل كونتسەرت زالىندا وتەدى. وندا ءوز ونەر­پازدارىمىزبەن قاتار، رەسەي فە­دە­راتسياسىنىڭ، قىرعىزستان، تاجىك­ستان ەلدەرىنىڭ ارتىستەرى دە ونەر كورسەتپەك. جۇلدىز ءبايدىلدا.
سوڭعى جاڭالىقتار

العاشقى كۇنى – ەكى قولا

سپورت • بۇگىن، 20:25

التىننان القا تاقتى

سپورت • بۇگىن، 20:25

ۇقساس جاڭالىقتار