بانكيرلەردىڭ مايىتتەرى تابىلدى

“نۇربانكتىڭ” توپ-مەنەدجەرi قىزمەتiن اتقارعان جولداس ت­ە­مiراليەۆ پەن ايبار حاسەنوۆ 2007 جىلى  iز-ءتۇزسiز جوعالىپ كەتكەن ەدى. ولاردىڭ جوعالۋىنا بايلا­نىس­تى بۇقارالىق اقپارات قۇرال­دارىندا ءتۇرلى جورامالدار جازى­ل­دى. سوندىقتان وسى كەزگە دەيىن اتالعان وقيعاعا ناقتى نۇكتە قو­يىلماعان بولاتىن. وسىعان وراي كەشە ەلىمىزدىڭ باس پروكۋراتۋراسى ج.تەمىراليەۆ پەن ا.حاسەنوۆتىڭ مايىتتەرى تابىلعانىن حابارلادى. كەزىندە اليەۆ, كوشلياك, مۇ­ساەۆ­تىڭ باسشىلىعىمەن جانە باس­قا­لاردىڭ قاتىسۋىمەن وزگەنىڭ ءمۇل­كىن بوپسالاۋ ماقساتىندا «نۇر­بانك» اكتسيونەرلىك قوعامى­نىڭ مەنەدجەرلەرى ءابىلماجىن گيليموۆ, جولداس تەمىراليەۆ جانە ايبار حا­سەنوۆتى ۇرلاۋعا بايلا­نىستى 2007 جىلدىڭ قاڭتار-اق­پان ايلا­رىن­دا ورىن العان وقيعا­لار وقىرماندارعا بەلگىلى. جوعا­رى­دا اتالعان وسى ادام­دار ال­ماتى قالاسىنداعى ال­مالى اۋدان­دىق سوتىنىڭ ۇكىمىمەن ۇيىمداس­قان قىلمىستىق توپ قۇرۋ, ادام­دار­دى ۇرلاۋ, وزگەنىڭ مۇلكىن ۇرلاۋ جانە بوپسالاۋ بويىنشا ايىپتى دەپ تابىلىپ, سوتتالعان بولاتىن. بىراق اليەۆ, كوشلياك, مۇ­ساەۆ, ساپوجنيكوۆ, يماشەۆ اۆس­ت­ريا­نىڭ اۋما­عىن­دا سوت تورەلىگىنەن جا­سىرىنىپ قالدى. «نۇربانكتىڭ» ۇرلانعان مە­نەدجەر­لەرىنىڭ ەكەۋى جولداس تە­مىراليەۆ پەن ايبار حاسەنوۆ قا­زاقستاننىڭ قۇقىق قورعاۋ ورگان­دارى قابىلداعان تەڭدەسسىز شارا­لار­عا قاراماستان, سول ۋاقىتتا تا­بىل­مادى. سودان ۇرلانعان بانكيرلەردى ىزدەۋ جۇمىستارى وسى ۋاقىتقا دەيىن جالعاستى. ناتيجەسىندە, 2011 جىل­دىڭ 13 مامىرىندا الماتى قا­لا­سىنىڭ تاۋ بوكتەرىندەگى «قازتەلە­را­ديونىڭ» قويمالار بازاسىنىڭ اۋ­ماعىندا 3-3,5 مەتر تەرەڭدىكتە  تەمىر بوشكەلەرگە جەرلەنگەن جانە اق بال­شىق­پەن جاسىرىلعان ەكى شىرىگەن ءمايىت قازىپ الىندى, دەدى باس پرو­كۋ­را­تۋرانىڭ رەسمي وكىلى جاندوس ءومىر­اليەۆ.  مايىتتەردىڭ باس­تارىنا قارا باس كيىمدەر كيگىزىلگەن, پوليەتي­لەن قاپشىقتارمەن ورالعان, مويىن­دارى جىپپەن جانە سىم تەمىرمەن بايلانعان ەكەن. مايىتتەردى الدىن-الا قاراۋ ءنا­تيجەسى بويىنشا ولاردى جولداس تەمىراليەۆ پەن ايبار حاسەنوۆتىكى دەپ جورامالداۋعا بولادى. وسىن­داي تۇجىرىم جاساۋعا مى­نا­داي نەگىزدەر بار دەيدى رەسمي وكىل. بىرىنشىدەن, مايىتتەر تابىل­عان ورىن بۇرىن تەرگەۋ بارى­سىندا قىلمىس قۇرباندارىنىڭ جەرلەنگەن ورنى بولۋى مۇمكىن اۋماق رەتىندە انىقتالعان بولا­تىن. بىراق ىزدەۋ جۇمىستارى ءما­يىت­تەردىڭ تابىلعان جەرىنەن 100-150 مەتر جوعارىدا جۇرگىزىلگەن كورىنەدى. ەكىنشىدەن, 2007 جىلعى  اق­پان­نىڭ 9-نان 10-نا قاراعان ءتۇنى تە­مىراليەۆ پەن حاسەنوۆتى بەلگىسىز با­عىتقا الىپ كەتكەن ۋاقىتتا قىل­مىس­كەرلەردىڭ ءدال وسى ءمايىتتى تاپ­قان اۋداندا بولعاندارى تۋرالى تەرگەۋدە جەتكىلىكتى دەرەكتەر بار دەيدى. ۇشىنشىدەن, قىلمىسكەرلەر بانكيرلەردى الىپ كەتەر الدىندا ولار­دىڭ باستارى مەن بەتتەرىن قارا ءتۇستى باس كيىمدەرمەن جاپقان. ءتورتىن­شىدەن, ءدال سول كەزدە حاسەنوۆتىڭ شاشىن تاقىرلاپ الىپ تاستاعان, ال تابىلعان مايىتتەردىڭ بىرەۋىنىڭ باس سۇيەگىنىڭ شاشى وسىلايشا الىنعان. بەسىنشىدەن, مايىتتەردىڭ بىرەۋىندە «Blazer» ەتيكەتكاسى ساقتالعان ءىش كيىمنىڭ قالدىقتارى تابىلعان, حا­سەنوۆتىڭ زايىبى بۇرىن ونىڭ كۇ­يەۋىندە ءدال وسىنداي ءىش كيىم بارىن ايتقان ەكەن. سونىمەن قاتار, ءمايىت­تەردىڭ بىرىنەن تابىلعان ءتىس پروتەزى سارالانعان سيپاتتامالارى بويىنشا تەمىراليەۆتىڭ ءتىس پروتەزىنە سايكەس كەلەدى. قازىرگى ۋاقىتتا قازاقستان ما­ماندارى گەرمانيانىڭ ساراپ­شى­لارىن تارتا وتىرىپ, مايىتتەرگە سا­راپ­تامالىق تەكسەرۋ جۇرگىزۋدە. جۋىق ارادا بيولوگيالىق, فيزي­كو-تەحنيكالىق جانە گەنومدىق ساراپتامالار جۇرگىزىلەدى جانە وسى­لاردىڭ ناتيجەلەرى  99,9 پايىز ءما­يىت­تەردىڭ كىمدىكى ەكەنىن انىق­تاۋعا مۇمكىندىك بەرەدى. ءسويتىپ قازىرگى تاڭ­دا اتالعان مايىتتەردىڭ تابىلۋ دەرەگى بويىنشا قىلمىس­تىق ءىس قوز­عالعان. باس پروكۋ­رور­دىڭ قاۋلىسى­مەن باس پروكۋراتۋرا, ىشكى ىستەر جانە ۇلتتىق قاۋىپ­سىزدىك ورگاندارى­نىڭ قىزمەت­كەر­لەرى­نىڭ قۇ­را­مىنان جەدەل-تەرگەۋ توبى قۇرىلىپ جانە ولار بارلىق قاجەتتى جەدەل-تەرگەۋ جۇمىس­تارىن جۇرگىزۋدە. سونىمەن قاتار, باس پروكۋرا­تۋرا­نىڭ رەسمي وكىلى كەشە ۇيىم­داسقان قىلمىستىق توپ قۇرا­مىن­دا بىرنەشە قىلمىس جاساعانى ءۇشىن سەزىكتى بولعان ماقاتوۆ را­حىم­جاننىڭ جاۋاپكەرشىلىكتەن بوي تاسالاۋ ماقساتىندا,  اقتوبە وبلىسى ۇلتتىق قاۋىپسىزدىك كومي­تەتى­نىڭ  عيماراتىندا  ءوزىن-ءوزى  جارىپ جىبەرگەندىگىن حابارلادى. ر.ماقاتوۆ قولدان جاسالعان كۇشى شاعىن جارىلعىش قون­دىر­عىنى قول­­دانعان. جارىلىس سال­دارى­نان ر.ماقاتوۆ وقيعا ورنىندا كوز جۇم­عان, قاسىندا بولعان 2 ادام جارا­لان­عان. ولارعا مەدي­تسينا­لىق كومەك كورسەتىلدى, دەيدى ج.ومىراليەۆ. بۇل فاكتى بويىنشا دا قىلمىستىق ءىس قوزعالىپ, قازىر قاجەتتى جەدەل تەرگەۋ ءىس-شارالارى جۇرگىزىلۋدە.