زاڭ جوبالارى ايقىندالدى

كەشە پارلامەنت ءماجىلىسىنىڭ توراعاسى ورال مۇحامەد­جا­نوۆ­تىڭ جەتەكشىلىگىمەن پالاتا بيۋروسىنىڭ كەزەكتى وتىرىسى ءوتتى. وندا ءماجىلىستىڭ جالپى وتىرىسىنا شىعارىلاتىن ماسەلەلەر سارالاندى, دەپ حابارلاندى وسى پالاتانىڭ ءباسپاسوز قىزمەتى. قارجى جانە بيۋدجەت كوميتەتى ەكى زاڭ جوباسى ءبىرىنشى وقىلىمعا دايىن ەكەنىن مالىمدەدى. ولار, اتاپ ايتقاندا, كەيبىر زاڭنا­ما­لىق اكتىلەرىنە سالىق سالۋ ءما­سە­لەلەرى بويىنشا تۇزەتۋلەر ەنگىزۋدى كوزدەيتىن جانە كەيبىر زاڭدارعا يسلامدىق قارجىلاندىرۋدى ۇي­ىم­داستىرۋعا قاتىستى زاڭ جو­بالارى. سونىمەن قاتار, ەلىمىزدىڭ كەيبىر زاڭنامالىق اكتىلەرىنە ۇيىمداسقان قىلمىسقا قارسى ءىس-قيمىل ماسەلەلە­رى بويىنشا ءوز­گە­رىستەر مەن تولىق­تى­رۋلار ەنگىزۋ جونىندەگى جانە قىل­مىستىق جانە قىلمىستىق ءىس جۇرگىزۋ زاڭنا­ما­سىن جەتىلدىرۋ ءۇشىن بىرقاتار زاڭ­دارعا تۇزەتۋلەر كوزدەلگەن زاڭ جو­بالارى دا ءبىرىنشى وقىلىمعا دايىن. بۇل زاڭ جوبالارىن پالا­تا­نىڭ زاڭ­نا­ما جانە سوت-قۇقىق­تىق رەفورما كوميتەتى ۇسىنىپ وتىر. ال حالىقارالىق ىستەر, قور­عانىس جانە قاۋىپسىزدىك كوميتەتى قا­زاق­ستان مەن سولتۇستىك اتلانت شارتى ۇيى­مى اراسىنداعى اۋ­عان­ستانداعى قاۋىپ­سىزدىككە ءجار­دەم­دەسۋ حالىق­ارا­لىق كۇشتەرىنىڭ قىزمەتىنە قاتىسۋ تۋرالى نوتالار الماسۋ نى­سا­نىن­داعى كەلىسىمدى بەكىتۋ ءجونىن­دەگى, «ءۇشىنشى مەملەكەتتەردەن كەلگەن زاڭسىز ەڭبەك كوشى-قونىنا قار­سى ءىس-قيمىل جونىندەگى ىنتىماق­تاستىق تۋرا­لى كەلىسىمدى راتيفيكاتسيالاۋ تۋ­را­لى» جانە  «ەڭبەكشى-مي­گرانت­تار مەن ولاردىڭ وتباسى ءمۇ­شە­­لەرى­نىڭ قۇقىقتىق مارتەبەسى تۋ­را­لى كەلىسىمدى راتيفيكاتسيالاۋ تۋ­را­لى» زاڭ جو­بالارى دەپۋتاتتار تال­قى­سىنا شىعا­رىلاتىنىن حابارلادى. بيۋرو وتىرىسىندا ۇكىمەتتەن كەلىپ تۇسكەن جاڭا زاڭ جوبالارىنا قورىتىندى ازىرلەۋ ماسەلەلەرى دە قارالدى.