مەملەكەتتىك رامىزدەر – ەلىمىزدىڭ ماڭىزدى اتريبۋتتارى

كەشە اقوردادا مەملەكەتتىك حات­شى قانات ساۋداباەۆتىڭ ءتور­اعا­لىق ەتۋىمەن مەملەكەتتىك ءرا­مىزدەر جونىندەگى رەسپۋبليكالىق كوميسسيانىڭ قازاقستان رەسپۋب­لي­كاسى تاۋەلسىزدىگىنىڭ 20 جىل­دى­عىنا ارنالعان كەزەكتى وتى­رى­سى بولىپ ءوتتى. وتىرىستا اقمو­لا, اتىراۋ وبلىستارى اكىم­دە­رىنىڭ جانە ادىلەت ءمينيسترىنىڭ مەملەكەتتىك رامىزدەردى پايدالانۋ جانە ناسيحاتتاۋ جۇمىستارى تۋرالى ەسەپتەرى تىڭدالدى. مەملەكەتتىك حاتشى, كوميسسيا توراعاسى ءوز سوزىندە تۇڭعىش پرەزيدەنت نۇرسۇلتان نازارباەۆتىڭ جاسامپاز ساياساتى مەن كەمەل باس­تاۋىنىڭ ارقاسىندا تاۋەلسىز قا­زاق­ستان ءوزىنىڭ مەرەيتويىن ەكونو­مي­كاسى قۋاتتى, دەموكراتياسى دا­مىعان جانە الەمدە وزىندىك قۇرمەتكە يە بولعان ەل رەتىندە قارسى الىپ وتىرعانىن ەرەكشە اتاپ ءوتتى. ءبىزدىڭ مەملەكەتتىك ءرا­مىزدەر بۇگىنگى كۇنى الەمنىڭ كوپ­تەگەن ەلدەرى مەن حالىقارالىق ۇيىمدارعا كەڭىنەن تانىلعان, ال ءبىزدىڭ وتانداستارىمىز ءوز رەس­پۋبليكاسىمەن زاڭدى تۇردە ماقتانا الادى. – مەملەكەتتىك رامىزدەر – تاۋەلسىز قازاقستاننىڭ بولىنبەس جانە ماڭىزدى اتريبۋتتارى, – دەدى مەملەكەتتىك حاتشى قانات ساۋداباەۆ. – ولارعا دەگەن مەملەكەتتىك ورگانداردىڭ, ەلىمىزدىڭ ازا­مات­تارىنىڭ كوزقاراسى ءبىزدىڭ پات­ريوتتىعىمىز بەن وتانعا دەگەن قۇرمەتىمىزدىڭ كورسەتكىشى بو­لىپ تابىلادى. بۇل  سەزىمدەر ءتاۋ­ەلسىزدىكتىڭ 20 جىلدىعى مەرەيلى مەرەكەسىندە مەيىرىمدى, بەرەكەلى ورتانى قالىپتاستىرىپ, ارتتىرا ءتۇسۋى كەرەك. سالتاناتتى مەرەكەنى وتكىزۋ مەن دايىندالۋدا ورتالىقپەن قاتار, جەرگىلىكتى جەر­لەردە دە مەملەكەتتىك ءرامىز­دەرگە ماڭىزدى ورىن ءبولىنۋى شارت. قورىتا ايتقاندا, 20 جىلدىقتى مەرەكەلەۋ ءبىزدىڭ مەملەكەتتىلىگىمىزدى, حالقىمىز بەن ونىڭ ەلباسىنىڭ بىرلىگىن نىعايتۋدا, سونداي-اق قازاقستاننىڭ حالىق­ارالىق بەدەلىن ودان ءارى كوتەرۋگە وڭ ىقىلاسىن تيگىزۋى ءتيىس. وتىرىس قورىتىندىسىندا «قا­­زاقستان رەسپۋبليكاسىنىڭ مەم­­لەكەتتىك رامىزدەرى تۋرالى» كونس­تيتۋتسيالىق زاڭنىڭ بۇلجىتپاي ساقتالۋى جونىندە ناقتى ۇسى­نىستار مەن تاپسىرمالار بەرىلدى. ءاليسۇلتان قۇلانباي.