ءوزارا ىقپالداستىقتىڭ وزەكتى ماسەلەلەرى ءسوز بولدى

كەشە استانادا قازاقستان رەسپۋبليكاسى  سىرتقى ىستەر ءمينيسترىنىڭ ورىنباسارى كونستانتين جيگالوۆ ناتو باس حاتشىسىنىڭ ورتالىق ازيا مەن كاۆكاز بويىنشا ارنايى وكىلى دجەيمس اپپاتۋرايدى   قابىلدادى, دەپ حابارلادى قر ءسىم-ءىنىڭ ءباسپاسوز قىزمەتى. ەلباسى نۇرسۇلتان نازار­باەۆ­تىڭ 2010 جىلدىڭ قازان ايىندا ناتو-نىڭ شتاب-پاتەرىنە بارعان ساپارىمەن ناتو-نىڭ باس حات­شىسى اندەرس فوگ راسمۋسسەنمەن كەزدەسۋى استانا مەن بريۋس­سەلدىڭ ءوزارا ىقپالداسۋىنىڭ دامۋىنا  ما­ڭىزدى سەرپىن بەرگەنى بەلگىلى. بۇعان سونداي اق وتكەن جىل­دىڭ قاراشا ايىندا اليانستىڭ ليسسابوندا بولعان ءسامميتىنىڭ دە  ايتارلىقتاي ۇلەس قوسقانى انىق. كەزدەسۋدىڭ قو­رىتىندىسىندا ەكى جاقتى ۇنقا­تى­سۋدى ودان ارى تە­رەڭ­دەتۋگە ۇمتى­لىس تانىتىلدى جانە ەكى جاقتى ءوزارا ءىس-قيمىلدى دامىتۋدىڭ ناق­تى جولدارى ناقتىلاندى. ناق وسى نەگىزدە ك.جيگالوۆ پەن دج. اپپاتۋراي قازاقستان مەن ناتو قارىم-قاتىناسىنىڭ قازىرگى جاعدايى مەن دامۋ پەرسپەكتيۆا­لارىن جانە الداعى كەزەڭدەگى با­سىمدىقتار مەن مىندەتتەردى تال­قىلادى. ارنايى وكىل ناتو-نىڭ ليسسابون سامميتىندە قابىلدان­عان جاڭا سترا­تە­گيالىق تۇجى­رىم­داماسىنىڭ ءىس جۇزىنە اسىرىلۋ بارىسىنان حاباردار ەتتى. تاراپتار قازاقستان مەن ناتو اراسىنداعى ارىپتەستىكتىڭ سەرپىندى دامۋ سيپاتىنا قاناعات­تا­ناتىن­دىقتارىن ءبىلدىرىپ, بەيبىت­شى­لىكتىڭ نىعايۋى, قاۋىپسىزدىك, ءوزارا ءتيىمدى ىنتىماقتاستىقتى دامىتۋ تۇر­عىسىندا پىكىر الماستى. كەزدەسۋدە تاراپتار قازاقستان اليانستىڭ ورتالىق ازياداعى   ەڭ وركەندى ارىپتەسى ەكەندىگىن اتاپ ءوتتى. بۇگىندە تاراپتار قازاقستان مەن ناتو-نىڭ 2012-2013 جىل­دار­عا ارنالعان كەزەكتى, جەكە ءارىپ­تەس­تىك جوسپارىنىڭ ءۇشىنشى اينالىمىن جاساۋدى باستادى. ال 2009-2011 جىلدارعا ارنالعان ەكىنشى اي­نالىمىن جۇزەگە اسىرۋ بارىسى تۋ­رالى كەلىسسوزدەر مامىر ايى­نىڭ سوڭىندا بريۋسسەلدە  «ناتو-نىڭ  28 مەملەكەتى + قا­زاقستان» پىشىنىندەگى كەزەكتى ماجىلىسىندە جال­عاستىرىلاتىن بولادى. سونىمەن قاتار, كەزدەسۋدە  ور­تالىق ازياداعى تۇراقتىلىق جانە قاۋىپسىزدىك, سولتۇستىك افريكا مەن تاياۋ شىعىستاعى جاع­دايلار بارىسى جايىندا تولىق­قان­دى پىكىر الماسۋ ءوتتى. اڭگىمە­لە­سۋشىلەر اۋعان پروبلەماتي­كا­سىنا دا ەرەكشە نازار اۋداردى. قازاقستان ۇكىمەتى اۋەل باستان حالىقارالىق قوعامداس­تىق­تىڭ اۋعانستانداعى كۇش-جىگەرىن بەكەم قولداپ كەلدى جانە قول­داۋ­ىن جالعاستىرۋدا. اتاپ ايتقاندا, قازاقستاننىڭ 2010 جىلعى ەقىۇ-عا توراعالىعى شەڭبەرىن­دە­گى نەگىزگى باسىمدىقتارىنىڭ ءبىرى اۋعانستاندا تۇراقتىلىقتى ورنىقتىرۋ بولعانى بەلگىلى. اڭگىمە بارىسىندا تاراپتار, سونىمەن قاتار,  قازاقستاننىڭ ەقىۇ-­عا توراعالىعىنىڭ ءناتي­جەلەرى, شىۇ-عا اعىمداعى ءتور­اعالىعى جانە الداعى يكۇ-عا توراعالىعى جايىندا وي ءبولىستى.