ەكسپورتقا ەت تە دايىن

ءمالىم بولىپ وتىرعان ءبىر جا­عىمدى جاڭالىق قاراعاندى مال ەتىمەن ءوزىن-ءوزى تولىق قامتاما­سىز ەتەتىن ايماققا اينالدى. وسىعان بايلانىستى ەندىگى ماق­سات ىشكى تۇتىنۋدان ارتىلعان بۇل ءونىمدى سىرتقى رىنوكقا شىعا­رۋعا قول جەتكىزۋ سانالادى. كە­شە­­گە دەيىن ەلەستەي بولىپ كەلگەن وسى ماسە­لەنى مامانداردىڭ بول­جامى بويىن­شا جۇزەگە  اسىرۋعا  ءمۇم­كىندىك جوق ەمەس. سونى جەتىلدىرىپ, كەڭەيتۋ  ءۇشىن مال تۇقى­مىن اسىلداندىرۋعا بەرىك بەت­بۇرۋ العا قويىلدى. ەكسپورتقا ارنا­لا­تىن ەت سەمىز ءارى ءدامدى بولۋى­مەن عانا وتىمدىرەك ەكەنى بەلگىلى. سوندىقتان وسىنداي دەڭگەيگە تەڭەلۋ نەگىزگى تالاپ. ال ەكسپورتتىق قارىم-قابىلەت بارشىلىق. اتاپ ايتقاندا , 16 مىڭ باس ءىرى قارا  سوعان ىڭعايلى. بۇلاردىڭ باسىم بولىگى تەز قوڭ­دا­نا­تىن تۇقىم ءتۇرى.  «سىباعا» باعدارلاماسى ارقىلى 326 شا­عىن شارۋا قوجالىعى جەڭىلدە­تىلگەن نەسيە الۋعا جانە اتالعان جوباعا قاتىسۋعا قۇلشىنىس ءبىلدىردى. الدى  ەتكە وتكىزىلەتىن وگىز­شەلەردى ىرىكتەپ, بورداقىلاۋعا كىرىسىپ كەتتى. قازىر ءۇش شارۋاشىلىقتىڭ نەگىزىندە ارقايسىسى 1 مىڭ باسقا ارنالعان مال سەمىرتۋ ورىندارى جۇمىس ىستەۋدە. تاياۋداعى ءتورت جىل­دا سانىن 10-عا جەتكىزۋ كوز­دەلگەن. اتالعان مىندەتكە بايلانىس­تى مال سويۋ مەن   ەتىن وڭدەۋدى حالىقارالىق ستاندارتتارعا ساي   اتقارۋدى قايتادان قۇرىلاتىن ەت كومبيناتتارى قولعا الماق. بۇل كۇندە قاراعاندىدا بولگارلىق مامانداردىڭ كومەگىمەن سونىڭ بىرىنە  قاجەتتى قۇرال-جابدىقتار, قوندىرعىلار ورناتۋ اياقتالىپ كەلەدى. وسى جازدا ەت ءتيىستى تا­لاپ­تارعا سايكەس وندىرىلە باس­تايدى. دايىندالعان ءونىمدى ءوت­كىزۋ تۋرالى الدىن-الا كەلىسىم-شارتتار جاسالىپ تا جاتىر. ءمۇيىزدى ءىرى قارامەن بىرگە قوي ەتىن ەكسپورتقا جونەلتۋگە دە جاعداي بار. بىلتىر وبلىستا بولعان يراندىق ەكونوميكالىق دەلەگاتسيا  بۇل ت ۇلىكتىڭ ءونىمىن ساتىپ الۋعا قىزىعۋشىلىق بىلدىرسە, قىتايلىق تۇتىنۋشىلار تاراپىنان دا ىسكەرلىك قاتىناس نىعايتۋعا ىنتالىلار تابىلۋدا. «كوز قورقاق, قول باتىر» دەگەن وسىندايدا ويعا ورالار بولار. ءيا, ەندى بۇرىنعىسىنشا تار­تىنشاقتاي بەرۋدىڭ كەزى وتكەن. وزگەلەرگە تەڭەسىپ قويماي,  وزۋ­دىڭ  دەر شاعى. ءار سالا وسىلاي­شا العا ۇمتىلۋدىڭ وڭتايىن تاۋىپ جاتسا, البەتتە ورتاق ماق­ساتقا قوسىلعان زور ۇلەس. ادەتتە ءوندىرىسى باسىمىراق ءوڭىردىڭ اۋىل شارۋاشىلىعىنىڭ بەتىن ەكس­پورت­تىق باعىتقا تۇزەۋى سەنىمدىلىك پەن سەرپىندىكتىڭ ناقتى اي­عاعى بولماق. سونىمەن ازىرگە ءىرى قارا, قوي, شوشقا ەتى  سىرتقى رىنوكتا ءبا­سە­كەلەسۋگە دايىندالۋدا. الايدا, اۋىزعا الىنباسا ءجونسىز, نەگە ەكەنى بەلگىسىز ەكسپورتتىق ساناتتا جىلقى جارىقتىق جوق. كورىپ جۇرگەندەي, شەتتەن كەلىپ-كەتۋشىلەر الدىمەن سونىڭ قازىسى مەن قارتاسى, جاياسى مەن جالىنىڭ ءدامىن تاتۋعا قۇشتار. ارتىق جارنا­مالاۋدىڭ قاجەتتىگى دە شا­مالى. تاريحي وتاندارىنا قونىس اۋدا­رۋشىلار ارقىلى الىستاعى ءبىراز جۇرت  ونىڭ قادىرىنە دە قانىق. ەندەشە, ول دا ۇمىتىل­ماۋى كەرەك-اق. مال ءونىمىن پۇلداپ وتكىزۋ ارقاسىندا تابىس كوزىن مولىنان قۇراعان ەلدەر جەتكىلىكتى. ەلباسى تاپسىرماسى سوعان دىتتەيدى. مىنە, وبلىستاعى جاڭا ءبىر ۇمتىلىس ماقساتى دا سول. ايقىن نەسىپباي. قاراعاندى.