ءتول ويىنىمىزدان سپارتاكيادا ءوتىپ جاتىر

11 مامىر كۇنى استانادا تۋريزم جانە سپورت مينيسترلىگى مەن توعىزقۇمالاق قاۋىمداستىعىنىڭ ۇيىمداستىرۋىمەن زياتكەرلىك ويىننىڭ وسى تۇرىنەن ءىىى جازعى سپارتاكيادا باستالدى. 17 مامىرعا دەيىن جالعاساتىن جارىسقا 12 وبلىس پەن استانا جانە الماتى قالالارىنىڭ كوماندالارى قاتىسۋدا. سپارتاكيادا «قازاقستان» سپورت كەشەنىندە ساعات 10.00-دەن 14.00-گە دەيىن جانە ۇزىلىستەن كەيىن ساعات 14.00 مەن 20.00 ارالىعىندا وتۋدە. توعىزقۇمالاق ءۇش رەت: 2006 جىلى – لوندوندا, 2008 جانە 2009 جىل­دارى چەحيادا دۇنيەجۇزىلىك زياتكەرلىك وليم­­پيادانىڭ باعدار­لاما­سىنا ەندى. 2007 جىلى ماكەدونيانىڭ وحريد قالاسىندا وتكەن تۇركى تىلدەس حالىق­تاردىڭ جاستار قۇرىلتايىندا 40 ەلدەن كەلگەن 240 دەلەگاتقا ۇلتتىق ويىننان سەمينار وتكىزىلدى. شەتەلدەگى قازاقتار ءۇشىن 2009 جىلى انگليادا, 2008 جىلى قىتايدا, 2007-2009 جىلدارى تۇركيا­دا, 2009-2010 جىل­دا­رى وزبەكستاندا, 2007-2008 جىل­دارى رەسەيدە, بىلتىر فرانتسيادا بىرنەشە تانىستىرۋشىلىق شارالار, جارىستار ۇيىمداستىرىلدى. ويىن جاناشىرلارى 2008 جىل­دىڭ 1 – 8 ماۋسىم كۇندەرى قازاقستان رەس­پۋب­ليكاسى پرەزيدەنتىنىڭ جۇلدەسى ءۇشىن حالىقارالىق جارىس بارىسىندا شەتەلدەن كەلگەن دەلەگاتتارمەن بىرىگىپ, حا­لى­قارالىق توعىزقۇمالاق قاۋىم­­­داستى­عىن قۇردى. وعان قازاق­ستان, قىر­عىز­ستان, وزبەكستان, مونعو­ليا, قى­تاي ءجا­نە رەسەي ەلدەرى مۇشە بولدى. قاۋىم­داستىق­تىڭ پرەزيدەنتى بولىپ ءاليحان بايمەنوۆ سايلاندى. شتاب-پاتەرى استانا قا­لا­سىندا ورنا­لاسقان جاڭا ۇيىمنىڭ 4 ۆيتسە-پرەزيدەنتى, 20 اتقارۋ القاسىنىڭ مۇشەسى بولاتىن بولىپ كەلىسىلدى. 2009 جىلدىڭ 15 قىركۇيەگىنەن باستاپ, الەمدىك عالامتوردا توعىز­قۇمالاق زياتكەرلىك ويىن رەتىندە تىركەلىپ, www.iggamecenter.com سايتىن­دا توعىز­قۇما­لاقتىڭ ونلاين جۇيەدە وينايتىن باع­دارلاماسى جاسالدى. ال­داعى ۋاقىتتا تورتكۇل دۇنيەنىڭ مىقتى وي شەبەرلەرىمەن وسى سايتقا كىرۋ ارقىلى ەلەك­تروندىق باعدار­لامادا توعىزقۇمالاق ويناۋعا, ويىن شەبەرلەرىنىڭ پارتيا­لا­رىن تالداۋعا, ساقتاۋعا بولادى. 2009 جىلى 19-26 قازان ارا­لىعىن­دا شىمكەنتتە توعىزقۇما­لاق­تان ازيانىڭ ءبىرىنشى اشىق چەم­پيوناتى بولىپ ءوتتى. چەمپيوناتقا 9 ەلدەن بارلىعى 31 ويىنشى قا­تىستى. قازاق­ستان, قىرعىزستان, ءوز­بەك­ستان, ءازىر­باي­جان, تۇركىمەنستان, رەسەي, مون­عو­ليا, قىتاي, تۇركيا ەل­دەرىنىڭ ويىن­شىلارى ونەر كور­سەتتى. سودان كەيىن بىلتىر 1-7 قاراشا كۇندەرى استانا قالاسىندا توعىزقۇ­ما­لاقتان ءبىرىنشى الەم چەمپيوناتى ءوتتى. وعان ءتورت قۇرلىقتىڭ 16 ەلىنەن بارلىعى 43 ويىنشى قاتىستى. حا­لىقارالىق توعىزقۇمالاق قاۋىم­داس­­تىعى قۇرامى تاعى 7 ەلمەن تولىقتى. 1 ناۋرىزدان باستاپ اقپاراتتىق كە­ڭىس­تىكتە توعىزقۇمالاقتى ناسيحاتتاۋ ءۇشىن جاڭا www.9kumalak.kz سايتى ۇسىنىلدى. 2009 جىلدىڭ قىركۇيەك ايىنان باستاپ www.iggamecenter.com سايتىن­دا تو­عىز­قۇمالاقتى ونلاين-رەجىمىندە ويناي­تىن باعدارلاما جاسالدى. ونىڭ اۆتورى كانادالىق ارتي ساندلەر بولدى. 2010 جىلدىڭ قاراشا ايىندا تو­عىزقۇمالاقتىڭ قازاقستانداعى تۇڭ­عىش كومپيۋتەرلىك باعدارلاماسى جا­سالدى. ال مۇنىڭ اۆتورلارى س.اق­تاەۆ, د.كەنينا, ە.شامباەۆ دەگەن ازاماتتار. داستان كەنجالين.