11 مامىر، 2011

ءبىلىم مەن عىلىمدى ۇشتاستىرعان

224 رەت كورسەتىلدى
جاستاردىڭ الاتىن بىلىكتى ءبىلىمى مەن كەمەل كەلەشەگى – قاي كەزدە دە قوعامدى كوپ تولعاندىراتىن ماسەلە. بۇل ورايدا قوعام ءوز  مۇراسىن، مادەنيەتىن جانە قۇندىلىق­تارىن ودان ءارى ساقتاۋ رەتىندە وسكەلەڭ ۇرپاق بويىنا ءسىڭىرۋدى ماقسات تۇتادى. ال ءوز كەزەگىندە قازاق باس ساۋلەت-قۇرىلىس اكادەمياسى ءتار­بيە­سى ءتالىمدى، قابىلەتى قارىمدى، بىلىكتى دە ءبىلىمدى تۇلەكتەردى تۇلەتىپ ۇشىرۋ جولىندا ۇنەمى ىزدەنىس ۇستىندە. ەكو­نوميكالىق وركەندەۋ مەن دامۋ، الەم ەلدەرىنىڭ اراسى­نان لايىقتى ورىن الۋ ءتا­رىزدى كوكەيكەستى ماسەلەلەردى تال­قىعا سالعان كەزدە مۇن­داي ماقساتقا قول جەتكىزۋدە جاس­تاردىڭ شەشۋشى ءرول اتقارا­تىنى انىق. حالىق سانى مەن ونىڭ ءوسۋى ەلدىڭ دەموگرافيالىق احۋالى ماسەلەسىندە  ەڭ كوپ تالقىلاناتىن تاقىرىپ بو­لىپ وتىر. بۇل راسىندا دا كۇن تارتىبىنەن تۇسپەيتىن تۇيتكىل. ىقپال ەتۋ دەڭگەيى حا­لىق سانىنىڭ كوپتىگىنە بايلانىستى ەكەنى داۋسىز. ال، قازىرگى تاڭدا – حالىق­تىڭ  سانىمەن قاتار، ساپاسى­ دا ماڭىزدى ورىنعا شىقتى. سون­دىقتان  بولاشاق جاس ما­­مان­دى جان-جاقتى ەتىپ ءتار­بيەلەپ شىعارۋ پارىزىمىز. اكادەميامىزدىڭ قۇرى­لىس تەحنولوگيالارى، ينفرا­قۇرىلىم جانە مەنەدجمەنت فاكۋلتەتى 2005 جىلى قۇرى­لىس تەحنولوگيالارى،  ەكو­نو­­ميكا جانە مەنەدجمەنت، ينجەنەرلىك جۇيەلەر جانە تىرشىلىك ارەكەتىنىڭ قاۋىپ­سىز­دىگى فاكۋلتەتتەرىنىڭ نەگىزىندە قۇرىلدى. ءبىز جاستارعا ءبىلىم ءنارىن بارىنشا سۋسىن­داتۋعا جانە ونەگەلى تاربيە بەرۋ جولىندا تىنباي ەڭبەك ەتەمىز. وسى رەتتە امەريكا پرە­زيدەنتتەرىنىڭ ءبىرى ايت­قان مى­نا ءسوزدى مىسال ەتىپ كەلتىرۋ ارتىق بولمايدى: «امەريكا باي ەل بولعاندىقتان امەري­كالىق ۋنيۆەرسيتەتتەر مىق­تى بولىپ تۇرعان جوق، ول – امە­ريكالىق ۋنيۆەرسيتەتتەر مىق­تى بولعان­دىقتان امەريكا باي ەل بولىپ وتىر». فاكۋلتەتىمىز مىنا ما­مان­دىقتار بويىنشا دايار­لاي­دى: قۇرىلىس ماتەريال­دا­رى، بۇ­يىم­دارى مەن كونس­ترۋك­تسيا­لارىن ءوندىرۋ، اعاش وڭدەۋ تەح­نولوگياسى، قۇرى­لىس ما­مان­داندىرىلۋى بو­يىنشا قۇ­رى­لىس­تاعى ەكونو­مي­كا جانە مەنەدجمەنت (قەم)، گەودەزيا ءجا­نە كارتوگرافيا، ەكونو­ميكا. ءبىزدىڭ فاكۋلتەت قۇرىل­عان­نان بەرى 600-دەن استام ما­مان دايارلاندى. جىل سا­يىن 20-25 تۇلەك ۇلكەن ومىرگە قادام باسادى. ولاردىڭ كوپ­شىلىگى جوعارى لاۋازىمدى قىزمەتتەر اتقارادى. «نيسترويپروەكت» اق، «ال­ماتى قۇرىلىس» فيليال­دارى وقۋ ءۇردىسىنىڭ ساپاسىن جوعارىلاتتى. اعاش وڭدەۋ تەح­نولوگياسى ماماندىعىنىڭ وقى­تۋشى-پروفەسسورلىق قۇ­را­مى حالىقارالىق جانە رەس­پۋبليكالىق كونفەرەنتسيالاردا، سونىمەن قاتار قر جيھاز جانە اعاش وڭدەۋ ونەركاسىبى قىزمەتكەرلەرىنىڭ اسسوتسيا­تسيا­­سى وتكىزەتىن شارالارعا بەل­سەندى قاتىسادى. ءوندىرىس­پەن تى­عىز بايلانىس جاساي وتى­رىپ ستۋدەنتتەردىڭ تانىس­تى­رۋ جانە ديپلومالدى ءتاجى­ري­بەسىن ۇيىمداستىرۋ ءۇشىن فاكۋل­تەتتىڭ فيليالدارى اشىلعان. فاكۋلتەت ەكونوميكا، بۋحگالتەرلىك ەسەپ جانە اۋديت، ۇيىم مەنەدجمەنتى (سالالار بويىنشا)، كاسىپ­ورىن­داعى ەكو­نوميكا جانە باس­قارۋ، الەمدىك ەكونوميكا، حەق، تكقەب، باعالاۋ (سالالار ءجا­نە قولدانۋ ايماق­تارى بويىنشا) ماماندىق­تارى بو­يىنشا ەكى جارىم مىڭنان استام مامان دا­يىنداپ شى­عاردى. فاكۋلتەت ستۋدەنتتەرى شە­­­تەلدىك وقۋ ورىندارىندا دا ساپالى ءبىلىم الىپ، مەنەدجمەنتى ساپالى ءارى زاماناۋي   كومپانيالار مەن مەكەمەلەردە جۇمىس ىستەيدى. ءتا­جىريبە جي­ناعان ساۋاتتى جاس ستۋدەنتتەر  سانى ارتۋدا. وقىتۋ­شىلارى­مىز بىلىكتىلىكتەرىن ارتتىرۋ ءۇشىن ستوكگولم قا­لاسىنداعى حان تەح­نيكالىق ينستي­تۋ­تىن­دا جانە ۆەنگريا ۋنيۆەرسيتەتىندە ەكى جىل بويى «تەمپۋس» ەۋرو­پالىق جوبامەن جۇمىس ىستەدى. بۇگىنگى كۇنى قازبسقا ستۋدەنتتەرىندە تولىق كومپيۋتەرلىك تەحنيكامەن جاب­دىقتالعان ەكى تاجىريبەلىك اۋديتوريا بار. بۇل ولاردىڭ گەوينفورماتيكا، گەودەزيا، فوتوگرەممەتريا جانە ارا­لىق ادىستەردى بىلۋگە ءمۇم­كىن­دىك بەرەدى. قازبسقا ما­گيسترانتتارى «تەمپۋس» جو­باسىنىڭ باسشىسى، حتي پرو­فەسسورى حۋاان فان جا­ساعان باعدارلامامەن وقيدى. وقىتۋشىلار شۆەتسيا جانە ۆەنگريادا سىناقتان ءوتتى. فاكۋلتەتىمىزدە ماق­سات­تى ءبىلىم بەرۋدىڭ قاجەتتى اۋ­قىمىن ۇسىنۋ جانە ەڭ باس­تىسى – وقىتۋ، ۇيرەتۋ، العان ءبىلىمدى تاجىريبە جۇزىندە ىسكە اسىرۋ. ويتكەنى، ءبىلىمدى جاستار – جارقىن بولاشاق كەپىلى ەكەنى ايدان انىق. الما ەسپاەۆا، قازاق باس ساۋلەت-قۇرىلىس اكادەمياسى قۇرىلىس تەحنولوگيالارى، ينفراقۇرىلىم جانە مەنەدجمەنت فاكۋلتەتىنىڭ دەكانى، تەحنيكا عىلىمدارىنىڭ كانديداتى.
سوڭعى جاڭالىقتار

دوللار باعامى ءوستى

قارجى • بۇگىن، 15:50

27 ناۋرىز - حالىقارالىق تەاتر كۇنى

مادەنيەت • بۇگىن، 15:13

ۇقساس جاڭالىقتار