ازىرشە «ارلاندار» الدا

جەڭىمپاز كوماندا تاعدىرى كەلەسى جەكپە-جەكتەردە شەشىلەتىن بولادى كەشە گۋيانگ قالاسىندا بىلتىردان بەرى حالىق­ارالىق اۋەسقوي بوكس قاۋىم­داستىعىنىڭ باستاماسى­مەن وتكىزىلىپ كەلە جاتقان دۇنيەجۇزى­لىك بوكس سەريا­سىنىڭ فينالدىق كەزدەسۋ­لەرى­نىڭ العاشقى جەكپە-جەك­تەرى ءوتتى. گۋيدجي پروۆينتسياسى ۋنيۆەر­سيتەتىنىڭ سپورت ارەناسىندا كەرىلگەن شارشى الاڭدا ازيا, امەريكا جانە ەۋروپا قۇرلىق­تارى­نان قاتىسقان 12 كومان­دانىڭ اراسىنان فينالعا جولداما العان «استانا ارلان­دارى» مەن «پاريج يۋنايتەد» كومانداسىنىڭ العاش­قى بەستىگى كۇش سىناستى. وسى كۇنگى جەكپە-جەكتەرگە شار­شى الاڭعا باس باپكەر بەيبىت ەسجانوۆتىڭ جەتەكشىلىگىمەن قا­نات ءابۋتالىپوۆ, مەرەي اقشالوۆ, قانات ءسىلام, رامجون احمەدوۆ پەن رۋسلان مىرساتاەۆ شىعىپ, قارسىلاستارى – فران­تسيا­لىق كلۋبتىڭ گرۋزين لەگيونەرى گەورگي كليناۆامەن, تەگى افريكالىق راشيد اززەدينمەن, ستەفان گۋەۆاسپەن, حرۆوج سەپپەن جانە اسا اۋىر سالماقتاعى توني يوكامەن قولعاپ ءتۇيىستىردى. بۇل ايقاستار­دىڭ بارىندە قازاق بوكسشىلارى قىتايدان قۇرالا­قان قايتۋ ءۇشىن ەمەس, جەڭىسكە دەگەن زور قۇلشى­نىس­پەن كەلگەندەرىن كورسەتتى. ەڭ جەڭىل سالماقتا رينگكە شىققان ق.ءابۋتالىپوۆ (50-54 كگ. اراسى) گرۋزين بوكس­شى­سىمەن كۇش سىناسىپ, تازا جەڭدى. م.اقشالوۆ  پەن ر.اززەديننىڭ ارا­سىن­داعى كەزدەسۋدە (57-61 كگ. اراسى) جەڭىس قازاقستاندىقتىڭ قارسىلاسىنا بە­رىلدى. 68-73 كيلو سالماقتا شار­­شى الاڭعا شىققان ق.ءسىلام كەز­دەسۋ تاع­دىرىن العاشقى راۋندا-اق شەش­تى. قارسىلاسى س.گۋەۆاس جەكپە-جەكتى جالعاستىرۋدان باس تارتتى. ال ر.اح­مەدوۆ پەن ح.سەپتىڭ (80-85 كيلو اراسى) اراسىنداعى باسە­كە قى­زىق­تى ءارى تارتىستى ءوتتى. ەكەۋى دە جەڭىس ءۇشىن بارىن سالىپ جۇ­دى­رىقتاستى. ءسويتىپ, ەڭ سوڭعى راۋندتا جەڭىس ءبىزدىڭ بوكس­شىعا بەرىلدى. اسا اۋىر سالماق­تاعى (91 كيلودان جوعارى) ر.مىر­ساتاەۆ ءوزىنىڭ قار­سىلاسى ت.يوكامەن كەزدەسۋىندە جەڭىلۋگە ءماجبۇر بولدى. ءسويتىپ, العاشقى كۇنگى جەكپە-جەكتەردەن كەيىن «ارلاندار» 3:2 ەسەبىمەن الدا تۇر. «ارلاندارعا» الداعى جەكپە-جەكتەر دە وڭاي سوقپايتىن سىڭايى بار. ول دا ءتۇسى­نىكتى. ويتكەنى, بۇل فينال عوي. بۇل باسەكەلەرگە ازيالىق تورەشىلەر قازىلىق جاساعان جوق. باس تورەشى برازيليالىق بولسا, قالعاندارى ەۋروپا مەن امەريكا قۇرلىقتارىنان كەلگەن قازىلار بولدى. ەندى فينالدىڭ ەكىنشى كۇنى ءمىرجان راقىمجانوۆ, ەرجان ءمۇ­ساپىروۆ, باقىت سارسەكباەۆ, مارات مولداگەرەەۆ پەن ساردور ابدۋللاەۆ قولعاپ تۇيىستىرەدى. جالپى, «استانا ارلاندارى­نىڭ» فينالعا دايىندىعىن باس بارماقپەن باعالاۋعا بولادى. ءبارىنىڭ جارىسقا ساقاداي ساي دايىندالىپ كەلگەندەرى كورىنىپ تۇر. سول ءۇشىن كوماندانىڭ باس ديرەكتورى بولات مانكەنوۆ پەن باس باپكەر بەيبىت ەسجانوۆقا, بوكس­شىلاردىڭ جاتتىقتىرۋ­شى­لارى مەن دارىگەرلەرىنە, كومان­دا­نى كۇزدەن بەرى جەڭىسكە جەتەلەپ كەلە جاتقان باسقا دا ما­ماندارعا العىس ايتقانىمىز ءجون. ال فينالدىق كەزدەسۋ وتكەن گۋيدجي پروۆينتسياسى ۋنيۆەرسيتەتى سپورت كەشەنىنىڭ الماتىنىڭ قازۇۋ قالاشىعىنا ۇقساستىعى كوپ ەكەن. بۇل جەردە سپورت ارە­نا­سىنان باسقا ءبىلىم ورداسىنا كەرەكتى نارسەنىڭ ءبارى بار دەسە بو­لا­دى. وقۋ ورنىنىڭ اينالاسى عي­ماراتتارعا تولى, اراسىندا سپورت ارەناسىنان باسقا حالىقتىڭ دەنە تاربيەسىمەن اينالاسۋىنا بولا­تىن ورىندار كوپ. «استانا ارلان­دارى» كومانداسى قىتايعا كەلگەن كۇنى بوكسشىلار وسى جەردەگى جاتتىعۋ زالدارىندا فينالدىق سىنعا العاشقى دايىندىقتارىن باستادى. فينالدى ۇيىمداستىرۋ جاعىنا وسىلاي كوڭىل ءبولىنىپ جاتقاندا ءبىزدىڭ جىگىتتەر دە ءۇش كۇننەن بەرى وسىندا جاتتىعىپ, جەكپە-جەكتەرگە دايىندالدى. قى­تايعا كەلگەندە ءبىزدىڭ بوكسشى­لارىمىز گۋيانگتىڭ اۋا رايىنا تەز بەيىمدەلىپ, ەكى-ءۇش كۇندە جەرگىلىكتى تابيعاتقا ۇيرەنىسىپ قالدى. ال نەگىزى بوكسشىلارعا شەتەلگە شىققاندا بەس-التى كۇن كەرەك ەكەنىن بەلگىلى. قىتايلىقتار فينالدى لا­يىق­تى وتكىزۋ ءۇشىن 1 ملن. اقش دوللارىن جۇمساپ, سپورتشى­لاردى ساقتاندىرۋ ءۇشىن دە ءاربىر بوكسشىعا بەلگىلى ءبىر كولەمدە قار­جى ءبولىپتى. بۇل ماسەلەمەن جەرگىلىكتى ساقتاندىرۋ كومپا­نياسى اينالىسقان. ساقتاندىرۋ­دىڭ مەر­­زىمى 28 مامىرعا دەيىن جارامدى. تاعى ءبىر ايتاتىن نارسە, وسى ايقاسقا 200 ەرىكتىلەر تار­تىلسا, جارىستى ناسيحاتتاۋعا كەل­گەن شەتەلدىك جۋرناليستەردىڭ سانى 100-گە جەتەدى. فينالدىق جەكپە-جەكتەردىڭ العاشقىسىن «ەۋرونيۋس» تەلەارناسى تىكەلەي ترانسلياتسيا ارقىلى كورسەتسە, باس­قا 30 ەلدىڭ تەلەارنالارى دا كەزدەسۋلەردەن  رەپورتاج بەرۋدى جوسپارلاپ وتىر ەكەن. وسى ەكى كۇندىك فينالدا جەڭىسكە جەتكەن كوماندا باس جۇلدەگە يە بولىپ, 500 000 اقش دوللارى تابىس ەتىلەدى. سونىمەن بىرگە, ءار نوميناتسيا بويىنشا باپكەرلەر مەن بوكسشىلار مارا­پاتتالادى. ال فينالدان كەيىن ءبىزدىڭ بوكسشىلاردى تاعى ەكى ماڭىزدى جەكپە-جەكتىڭ كۇتىپ تۇرعانى بەلگىلى. 27-28 مامىر كۇندەرى ماكاودا WSB جارىسىنىڭ جەكەلەگەن چەمپيوناتىندا كۇزدەن بەرى ءدۇ­نيەجۇزىلىك بوكس سەرياسىنىڭ ەڭ جوعارى رەيتينگىسىنە يە بول­عان قانات ءابۋتالىپوۆ پەن ەرجان ءمۇساپىروۆ قولعاپ ءتۇيىس­تىرەدى. قاناتتىڭ قارسىلاسى الجيرلىك ءابدىلحاميد بەنشابلا بولسا, ەرجانمەن كۇش سىناساتىن بوكسشى قىتايلىق جيمين ۆانگ. وسى جەكپە-جەكتە جەڭگەنگە 20 000 اقش دوللارىمەن قوسا, وليمپياداعا جولداما بەرىلەدى.  جەڭىلگەن بوكس­شى 10 000 اقش دوللارىن الادى. ال گۋيانگتەگى فينالدا جە­ڭىلگەن ۇجىمعا 150 000 اقش دوللارى تيەدى. داستان كەنجالين, – گۋيانگ (قحر-دان).