الاتاۋداي اسقاق تۇلعا

عاسىرلار بويى اڭ­سا­عان ازاتتىعىنا قولى جەت­كەن, ارمان-مۇراتى ىزگىلىكپەن ورىلگەن قازاق دە­گەن ەلمىز. وسى ەلدىڭ ىرى­سى مەن باعى ءۇشىن تۋ­عان ەلباسى  پرەزيدەنتتىك تۇعىرعا قاي­تا كوتەرىلدى. اتا زاڭعا قو­لىن قويىپ, ەلىنە ادال قىز­مەت ەتۋگە انت بەردى. پرە­زيدەنتىمىزدى ۇلىقتاۋ سال­تاناتى بارشا قازاق­ستاندىقتار ءۇشىن زور قۋا­نىش بولعانىن جال­پاق الەم كوردى. سوعان وراي اقىن ۇرپاعى رەتىندە ءبىر اۋىز لەبىز بىلدىرگەندى ءجون سانادىم. باتا دا  بايلىق. كيەلى, كەستەلى ءسوزدى ابىز جامبىل اتامنىڭ ەتەگىنە ورالىپ جۇرگەننەن ەستىپ ءوستىم. سودان بولار, الاپات اشارشىلىقتان امان قالىپ, اششى مەن تۇششىنى تەڭ تاتقانىم. قوعام­دا­عى سان وزگەرىستى كوز ال­دى­منان وتكىزدىم. ءما­دە­نيەت سالاسىندا ەڭبەك ەتە ءجۇرىپ, جاقسى مەن جا­ماننىڭ پارقىن اجى­رات­تىم. سونداعى كوكەيى­مە تۇيگەنىم, حالىقتىڭ تاعدىرى, اۋەلى اللانىڭ يەلىگىندە جانە ودان كەيىن بيلىككە كەلگەن جان­نىڭ ءوز ىسىنە دەگەن جاۋاپكەرشىلىگى, بىلىگى مەن بىلىمىنە بايلانىستى­لى­عى­نان ەكەندىگى ومىردە ءدا­لەلدەنگەن اقيقات. سوناۋ كەڭەستىك كە­زەڭ­دى جاپپاي جامانداۋدان اۋلاقپىن. دەسەك تە, جا­سىعان تۇسىمىز, جال­تاق­تاعان كەزىمىزدى ۇمىت­پا­سى­مىز انىق. ماسەلەن, انا ءتىلىمىزدىڭ اياسى تارى­لىپ, ءدىنىمىز بەن دىلىمىزدەن اجىراۋعا شاق قالعان كەزدى قۇداي باسقا ەندى سال­ماسىن. كەڭەس وداعى ىدىراپ, ەسكى جۇرتتا جال­­عىز قالعانداعى جاع­دايىمىزدى ەسكە الاي­ىق­شى. قاۋساعان قالا, قا­ڭى­راعان اۋىل, بوساعان ءدۇ­كەن سورەلەرى, جانىنا جايلى مەكەن ىزدەپ, قا­زاق­ستاننان ۇدەرە كوشكەن «ينتەرناتسيوناليست باۋىر­لار» لەگى... نە اسكە­رى, نە بايلىعى جوق, جاڭا ادىمداي باس­تاعان جاس سابيدەي مەملەكەت... سول مەملەكەتتى العا سۇيرەپ, قايتا قالپىنا كەلتىرىپ, قازاقتىڭ وتىن ۇرلەپ, لاۋلاتقان كىم؟ ارينە, نۇرسۇلتان ءابىش­ ۇلى نازارباەۆ. تۇڭعىش پرەزيدەنتىمىز قازاقستاندى جيىرما جىل­دا الەمنىڭ بار تا­را­بىنا تا­نىتتى. ازاپ پەن تو­زاقتىڭ وتىنا تۇسىرگەن سەمەي يادرولىق سىناق پو­ليگونىن جاپتى. كۇن­دىز-ءتۇنى ۋاقىتپەن ساناسپاي جۇمىس ىستەي ءجۇرىپ, جەر ءجۇزىن ارالادى. ءال­سى­رە­گەن ەل ەكونوميكاسىنا جاردەم ىزدەدى. ءسويتىپ, ەسى كەتە باستاعان ەلىنىڭ ەڭ­سەسىن تىكتەدى. كەلە-كەلە حالىق نا­رىق­تان ءناپا­قا­سىن تاپتى. وندىرىسكە جان ءبىتىرىپ, ءومىر­شەڭ جوس­پارلارىن جۇزەگە اسىر­دى. استى-ءۇستى تۇتاس قا­زىنا-بايلىققا تولى اتا­مەكەنى­مىزدىڭ بارىن بەرەكەگە, كەنىن داۋلەتكە اينال­دىر­دى. ەلىن بۇدان دا با­قىتتى بولاشاق كۇتىپ تۇر­عا­نىنا سەندىردى, سو­ڭى­نا ەرتتى. ال, ارقا ءتو­سىنەن اتتى كىسى ءتۇسىپ, جاياۋ كىسى جاتىپ قارايتىن, كوركىنە كوز تويمايتىن استاناداي اجارلى قالا تۇرعىزدى. ءبىر­نەشە ۇلت­تىڭ ءتىلىن تاپ­تى, بىرنەشە ءدىن وكىلدەرىن ءبىر ءما­مىلەدە سويلەتتى. با­سىن قوستى. ساليقالى, سىن­دار­لى ساياساتىن جات پەن جاقىننىڭ بارىنە موي­ىن­داتتى. جالپى جۇرت­تىڭ ماڭدايىنا بىتكەن وسىنداي ءبىرتۋار ەرگە قان­داي ماراپات ايتساق تا ارتىق ەمەس. حالىق ايتسا, قالت ايتپايدى. حالىقتى ار­ما­نىنان اداستىرۋ ءمۇم­كىن ەمەس. كۇنى كەشە ءوت­كەن كەزەكتەن تىس سايلاۋدا ونىڭ ەڭبەگىن ەلى ءتۇ­گەل باعالاپ, مويىن­دا­عا­نىن, ونىڭ نۇرلى جو­لى­نا شىن نيەتپەن قولداۋ ءبىلدىرىپ, تاعدىر تىزگىنىن سەنىپ تاپسىرا داۋىس بەرگەنىن كورگەندە, كوزىمە جاس كەلدى. ويتكەنى, حا­لىق ونى شەكسىز ءسۇيدى. ءبىزدىڭ بۇگىنگى قول جەتكىزگەن بارلىق جەتىستىگىمىز جا­سامپاز حالقىمىزدىڭ ارقاسى. ەڭبەك دەگەندە ەش ەرىنبەيتىن وتان­داس­تارى­مىز­دىڭ قاجىرلى ءىس-ارە­كەتىن ماقساتقا ساي باعىت­تاپ, ءاربىر ورەلى تابىسقا جولباسشى بولا بىلگەن اسقان پاراسات يەسى, كوش­باس­شى نۇرسۇلتان نازار­باەۆ­تىڭ ارقاسى دەسەك ورىندى. حالقىنىڭ مۇددەسى مەن نامىسىن قورعار ءسات­تەردە قايىسپاس قايسار­لىق كورسەتكەنىنە سان مارتە كۋا بولدىق. تەگىنە تارتا تۋعان اسىل ازامات ەلى مەن جەرىنىڭ تۇتاستى­عىن, قوعامنىڭ سىرتقى جانە ىشكى تىنىشتىعىن ساقتاپ, مامىلەگەرلىگىمەن ەرەكشەلەندى. جيىرما جىل­­دا دەموكراتيالىق ۇس­­تىندارى جاڭا قالىپ­تاسا باستاعان جاس مەملەكەتتى سارا جولدان اداستىرماعا­نى ءۇشىن دە ونىڭ ەسىمى ماڭگى قۇرمەت­تەۋگە ابدەن لايىق. قازىر ول ساياساتتا اسقاق تۇلعاعا اينالدى. جامبىلدىڭ باتاسىن ەستىدىم, تىلەگىمەن كور­كەي­دىم. بۇگىن جاسىم تور­قالى توقسانعا بەت الدى. ءسابي شاعىندا ۇشقوڭىر جاي­لاۋىنا شىققان جام­بىل باباسىنىڭ الدىنا وتىرىپ, جىرىن ەستىگەن نۇرسۇلتان ءابىش ۇلىنا اعالىق اق نيەتىممەن باباسىنىڭ جاسىن بەرگەي, دەيمىن. الىمقۇل جامبىلوۆ, قازاقستاننىڭ حالىق اقىنى. الماتى وبلىسى.