جاعارماي جەتكىلىكتى

جىلداعىشا كوكتەمگى دالا جۇمىستارى دا باستاۋ الدى. وسىعان وراي شارۋا ادامىن ۇكىمەتتىڭ تاپسىرماسىمەن ديزەل وتىنىنىڭ قانشا كولەمدە بولىنگەنى مازالايتىنى داۋسىز. جانە ونىڭ باعاسى قانداي بولادى؟ مىنە, وسى ساۋالعا وراي «قازمۇنايگاز» ۇك ماركەتينگ جانە مۇناي وڭدەۋ ءجو­نىندەگى باسقارۋشى ديرەكتورى دانيار تيەسوۆ تومەندەگىشە تۇسىنىكتەمە بەردى: – كوكتەمگى دالا جۇمىس­تا­رى­نىڭ ويداعىداي ءوتۋىن ديزەل وتىنىمەن قامتۋ ماقساتىندا مۇناي جانە گاز مينيسترلىگى اقپان ايىندا ارنايى ءماجىلىس وتكىزدى. وعان مەملەكەتتىك ورگاندار مەن اكىمدىكتەر وكىلدەرى دە قاتىستى. وسى باسقوسۋدا اۋىل شارۋا­شى­لىعى قۇرى­لىم­دا­رى­نا بەرىلەتىن ديزەل وتى­نىنىڭ 1 تون­ناسى 70 000 تەڭگە بولىپ بە­كىتىلدى. ءبىز­دىڭ اتىراۋ جانە پاۆلودار مۇناي وڭدەۋ زاۋىتتارىنان قوستاناي, اقمولا, سولتۇستىك قازاقستان, پاۆلودار, شىعىس قازاقستان وب­لىستارىنا جىبەرىلەتىن ديزەل وتىنىنىڭ مولشەرىن 220 مىڭ توننا كولەمىندە بەلگىلەدى. اتال­عان وبلىستارعا ءتيىستى كولەمدەگى ديزەل وتىنى ناۋرىز ايىنان باستاپ جىبەرىلۋدە. دانيار تيەسوۆتىڭ مالىمەتىن­شە, اتىراۋ مۇناي وڭدەۋ زاۋى­تى­نان قوستانايعا – 70 مىڭ, اق­مو­لا وبلىسىنا 30 مىڭ توننا ديزەل وتىنى بوساتىلادى. ال پاۆلودار مۇناي وڭدەۋ زاۋىتى سولتۇستىك قازاقستان وبلىسىنا 50 مىڭ توننا, پاۆلودارعا –15 مىڭ, شىعىس قازاقستانعا – 23 مىڭ جانە اقمولا وبلىسىنا قوسىمشا 32 مىڭ توننا جاعارماي جىبەرۋگە تاپسىرما الىپتى. «باعادا ەشقانداي وزگەرىس بولمايدى. اتالعان زاۋىتتاردا ديزەل وتىنىنىڭ قورى جەتكىلىكتى. بولىنگەن ديزەل وتىنى اۋىل شارۋاشىلىعى قۇرىلىمدارىنا كەستەگە سايكەس مەزگىلىندە جىبەرىلەدى» دەپ جانە ءبىر شەگەلەدى باسقارۋشى ديرەكتور د.تيەسوۆ. جولداسبەك شوپەعۇل. اتىراۋ وبلىسى.