«ەكى ەزۋ» ەزۋ جيعىزبادى

بيىلعى ەل تاۋەلسىزدىگىنىڭ جيىر­ما جىلدىق مەرەكەسى قار­ساڭىن­دا ەلىمىزدە ءتۇرلى ءىس-شارا­لاردىڭ وتەتىندىگى بەلگىلى. بۇدان ونەر سا­لاسى دا قالىس قالماق ەمەس. وسى­عان وراي ءتول مەرەكە­نىڭ قۇرمەتىنە اقتوبەلىك «ەكى ەزۋ» ءازىل-سىقاق تەاترى گاسترولدىك ساپارىن ەلى­مىز­دىڭ جۇرەگى استانادان باستادى. راس, ەلورداعا كەلىپ, ەلىمىزگە بەلگىلى ءازىل-سىقاق تەاترلارى اۋىق-اۋىق ءوز ونەر­لەرىن بۇعان دەيىن دە كورسەتكەن. الايدا «ەكى ەزۋدىڭ» تاۋەل­سىز­دىگىمىزدىڭ تورقالى تويىنا تارتۋ رەتىندەگى ارنايى باعدار­لامامەن كەلۋىن ەرەكشە اتاعان ءجون. سونىمەن, «ەكى ەزۋ» ءازىل-سىقاق تەاترى كونگرەسس-حوللعا جينال­عان ەلوردا جۇرشىلىعىن ەرەكشە كوڭىل كۇيگە بولەدى. – ايتۋلى مەرەكەگە وراي ەلى­مىزدىڭ بارلىق وڭىرلەرىن ارالاپ, كورەرمەندەرگە شات كۇلكى سىي­لاي­­مىز دەگەن ماقساتپەن جوسپار­لان­­عان ساپارىمىزدى, مىنە, ەل­ور­دادان باستاپ وتىرمىز. ءبىزدىڭ قولى­مىز­دان كەلەتىنى – كورەر­مەن­گە كۇلكى سىيلاۋ. ءسويتىپ, قار­لىعاش­تىڭ قا­نا­تىمەن سۋ سەپكەندەي ءتول مەرەكەگە ءوز ۇلەسىمىزدى قوسساق دەپ وتىر­­مىز, – دەدى تەاتر دي­رەكتورى نۇرلىبەك جۇباتقان. ساحنا ارتىستەر ازىرلەگەن ءازىل ءان­دەر­مەن اشىلدى. «جانجال», «تەر­ريتوريا», «ءبىز تاۋىپ بەرەمىز», «ۇيلەنۋ», «تاستاندى شارانا» اتتى ينتەرمەديالار ارقى­لى قوعامدا بولىپ جاتقان ءتۇرلى كە­لەڭسىز قۇبىلىستاردى وتكىر تىلمەن جەتكىزۋى دە ارتىستەر شەبەر­لىگىنىڭ شىڭدالا تۇسكەنىن كورسەت­كەندەي. ەندى جوعارىداعى «تاس­تان­دى شارانا» اتتى شىعار­ماعا قىسقاشا توقتالار بولساق, قازىرگى تاڭداعى تاستاندى سابيلەر­دىڭ شەتەلدىك بالا اسىراپ الۋشى­لارعا بەرىلىپ, ويناقتاپ ءجۇرىپ وت باسقان جاستارىمىزدىڭ تاسباۋىر بولىپ بارا جاتقاندىعىن ءاجۋا­مەن كەلتىرەدى. كۇلدىرىپ وتىرىپ, كۇڭىرەنتىپ جىبەرەتىن وسىنداي قويىلىمدار كىم-كىمدى دە بەيجاي قالدىر­ماي­تىنى انىق دەسەك, «ءبىز تاۋىپ بەرەمىزدەگى» قازاق ءتىلىنىڭ مۇشكىل ءحالىنىڭ بەينەسى, «باسىپ الۋ» اتتى مونولوگتا قازاق­تىڭ كەيبىر عاجاپ ءسوز­دەرى جاستار اراسىندا جاعىمسىز جارگون تىلىنە الماستىرىلىپ بارا جاتقاندىعى اششى باياندالسا, «كو­رەرمەن» ءدۇ­نيە­سى دە كۇلدىرىپ وتىرىپ وي­لان­تادى. العاش 1998 جىلى كۇلكى كلۋ­بى بولىپ قۇرىلعان «ەكى ەزۋ» ءازىل-سى­قاق تەاترى 2011 جىلدىڭ ءساۋى­رىندە اقتوبە وبلىستىق اكىم­دى­گىنىڭ قول­داۋىمەن مەملەكەت قۇ­زى­رىنا ءوتىپ, ەسترادالىق مينياتيۋرا تەاترى بول­عان ەكەن. بۇگىندە تەاتردا جالپى سانى جيىرماعا جۋىق ادام جۇمىس جاسايدى. اتال­عان تەاتر وزدەرىنىڭ تالانتتارى مەن تا­بان­دى ەڭبەك­تەرىنىڭ ارقا­سىندا 2002 جىلى حالىقارالىق «شابىت» شىعارما­شىل جاستار فەستيۆالىندە گران-پري ءجۇل­دە­سىن جەڭىپ الىپتى. سونداي-اق ءبىرىنشى رەسپۋبليكالىق بايقاۋدا ءبىرىنشى ورىندى يەلەنگەن كورى­نەدى. ءسويتىپ, قۇرىلعالى بەرگى ون ءۇش جىلدىڭ ىشىندە تەاتر ەلى­مىزدىڭ تۇپكىر-تۇپكىرىن ارالاپ, شال­عاي­داعى اۋىلدارداعى اعا­يىن­داردىڭ دا ريزاشىلىعىنا ءبو­لەنىپ كەلەدى. «ەكى ەزۋدى» ايتقان كەزدە ونىڭ ىرگەتاسىن قالاۋدا زور ەڭ­بەك ءسى­ڭىر­­گەن باقىت ايتوۆا, گۇل­سىم قا­را­تاەۆا سىندى ءارتىس­تەردى اينا­لىپ وتە المايمىز. قا­زىرگى كەزدەرى كو­رەرمەندەرىن كۇلكىمەن كوم­كە­رىپ, ولاردىڭ ري­زا­شىلى­عىنا ءبو­لە­نىپ جۇرگەن تەاتردىڭ ديرەك­تو­رى نۇر­لىبەك جۇباتقان مەن قۇ­رال­بەك قۇر­مانعاليەۆ, بەرىك نۇر­ماعان­بەتوۆ, بەكبول تاتەباەۆ سەكىلدى ءارتىس­تەر تەاتر­دىڭ جاڭا باع­دار­لا­مالارىن جاساۋ بارى­سىن­دا تى­­نىم­سىز ىزدەنىس ۇستىندە ءجۇر. «استانادان باستالعان وسى­­­­ناۋ شارا الداعى ۋاقىتتا ءبىزدىڭ شىعار­ماشىلىق جۇمىسى­مىزعا وزىندىك سەرپىن بەرەدى», دەيدى ولار. ءابدىراحمان قىدىربەك. _______________________ Cۋرەتتى تۇسىرگەن اعىباي اياپبەرگەنوۆ.