مەرەيتويلىق مونەتا مەن پوشتا ماركاسى اينالىمعا شىعارىلدى

كەشە سىرتقى ىستەر مينيسترلىگىندە شانحاي ىنتىماق­تاس­تىق ۇيىمىنىڭ (شىۇ) قۇرىلعانىنا 10 جىل تولۋىنا باي­لانىستى «شانحاي ىنتىماقتاستىق ۇيىمىنا – 10 جىل» مە­رەي­تويلىق مونەتانىڭ تۇساۋكەسەرى جانە قازاقستاننىڭ شىۇ-عا توراعالىعىنا وراي «قازاقستان رەسپۋبليكاسىنىڭ شانحاي ىنتىماقتاستىق ۇيىمىنداعى توراعالىعى» اتتى پوشتالىق ماركانىڭ ءراسىمى بولدى. قازاقستان سىرتقى ىستەر مي­نيس­ترلىگىنىڭ ەرەكشە تاپسىرمالار جونىندەگى ەلشىسى, ەلىمىزدىڭ شىۇ ماسەلەلەرى بويىنشا ۇلتتىق ءۇي­لەستىرۋشىسى شاحرات نۇرىشەۆتىڭ حاباردار ەتۋىنشە, قازاقستان 2010 جىلدىڭ ماۋسىمىنان باستاپ شىۇ-عا توراعالىق ەتىپ كەلەدى. ەلىمىز ۇيىمعا مۇشە بارلىق مەملەكەتتەرمەن كەلىسىلگەن 2010-2011 جىلدارعا ارنالعان ءىس-قي­مىل جوسپارىن جانە ەلباسى بەكىتكەن قازاقستان رەسپۋبلي­كاسى­نىڭ شىۇ-عا توراعالىعىنىڭ ءىس-قيمىل باعدارلاماسىن باسشى­لىق­قا الا وتىرىپ, توراعا رەتىندە بەلسەندىلىكپەن جۇمىس ىستەۋدە. ون ءبىر اي ىشىندە توراعالىق ايا­سىندا ۇيىمعا مۇشە مەم­لەكەت­تەردىڭ اۋماعىندا 100-گە جۋىق ءتۇرلى دەڭگەيدەگى جانە پىشىندەگى ءىس-شارالار وتكىزدى. قازاقستاننىڭ وسىنداي بەدەلدى ۇيىمداعى ءتور­اعا­لىعى 15 ماۋسىمدا استانادا شىۇ-نىڭ 10 جىلدىعىنا ار­نال­عان سامميتپەن اياقتالعالى وتىر. الداعى ءىس-شارانىڭ مەرەيتويلىق سيپاتىن جانە قازاقستاننىڭ ۇيىم تاريحىنداعى وسىنداي ەلەۋلى وقيعانىڭ قارساڭىندا توراعا­لىق ەتۋىن ەسكەرىپ, قازاقستان سىرت­قى ىستەر مينيسترلىگى شىۇ حاتشىلىعىنىڭ قولداۋىمەن, سون­داي-اق ۇلتتىق بانكپەن جانە «قاز­پوشتا» اق-پەن بىرلەسە وتى­رىپ, ەستەلىك مونەتانى جانە پوش­تالىق ماركانى اينالىمعا شىعاردى. – بۇگىنگى «شىۇ-نىڭ 10 جىل­دىعى» اتتى مەرەيتويلىق مونە­تا­نىڭ تۇساۋكەسەرى جانە «قازاق­ستان رەسپۋبليكاسىنىڭ شىۇ-داعى توراعالىعى» ماركاسىنىڭ سال­تاناتتى ءوشىرۋ ءراسىمى قازاق­ستان­نىڭ توراعالىعى, شانحاي ىن­تىماقتاستىق ۇيىمىنىڭ قىز­مەتى جانە استانادا وتەتىن سامميت تۋرالى وڭ سيپاتتاعى اقپا­رات­قا قوسقان ءبىزدىڭ ورتاق ۇلە­سىمىز بولىپ تابىلادى. اتالعان مونەتا مەن ماركا حالىقارالىق فيلاتەليستەر مەن نۋميزماتتار تىزبەلەرىندە لايىقتى ورىن الارىنا سەنىمدىمىز, – دەدى شاحرات نۇرىشەۆ. شىۇ-نىڭ باس حاتشىسى مۇ­راتبەك يماناليەۆتىڭ اتاپ ءوتۋىن­شە, قازاقستاننىڭ توراعالىعى بەلسەندى ءارى قارقىندى جۇرۋدە. شىۇ-عا مۇشە مەملەكەتتەردىڭ قول­داۋىمەن الداعى مەرەيتويلىق سامميت ءوز دەڭگەيىندە وتەدى. مونەتا مەن پوشتا ماركاسىنىڭ شى­عارىلۋى ۇيىمنىڭ 10 جىلدىق مەرەيتويىنا ۇلكەن تارتۋ بولماق. بۇدان سوڭ ۇلتتىق بانك ءتور­اعا­سىنىڭ ورىنباسارى باقىتجان تاجياقوۆ پەن «قازپوشتا» اق-تىڭ باسقارما توراعاسى اركەن ارىستانوۆ مەرەيتويلىق مونەتا مەن پوشتالىق ماركانىڭ سىرتقى كورىنىستەرىنە سيپاتتاما بەردى. باقىتجان تاجياقوۆتىڭ ايتۋىن­شا, مەرەيتويلىق مونەتانىڭ ءۇس­تىڭگى بەتىندە شىۇ-عا قاتىسۋشى مەم­لە­كەتتەردىڭ الەم كار­تاسىن­داعى ورنالاسقان اۋماق­تارى بەينەلەنگەن. ونى قورشاعان «شانحاي ىن­تى­ماق­تاستىق ۇيى­مى» دەگەن سوزدەر قازاق, ورىس جانە قى­تاي تىلدەرىندە جازىلعان. مونە­تانىڭ ەكىنشى بەتىندە ەلىمىزدىڭ مەم­لەكەتتىك نى­شا­نى – ەلتاڭ­بانىڭ بەينەسى ور­نالاستىرىلعان. مونەتا 4 مىڭ دانامەن شىعارى­لىپ وتىر. قۇنى 6 مىڭ تەڭگە, تازا كۇمىستەن جاسالعان. – 15 ماۋسىمدا استانا الەمدىك ساياسي قوعامداستىق وكىلدەرىنىڭ نا­زارىن اۋداراتىن ءىرى حالىق­ارالىق ءىس-شارا – شىۇ-نىڭ مەرەيتويلىق ءسامميتىن قابىل­داي­تىن بولادى, – دەدى «قاز­پوش­تا» اق-تىڭ باسقارما توراعاسى اركەن ارىستانوۆ. – ءسامميتتى وتكىزۋ قارساڭىندا «قازپوشتا» قازاقستاننىڭ شىۇ-نىڭ باسىم­دىلىعىنا قول جەتكىزۋگە دەگەن ۇمتىلىسىن, ورتالىق ازياداعى بەيبىتشىلىكتى, قاۋىپسىزدىكتى جانە تۇراقتىلىقتى قولداي وتىرىپ, ۇيىمنىڭ قۇرىلعانىنا جانە قا­زاقستاننىڭ شىۇ-عا توراعالى­عىنا ارنالعان مەرەيتويلىق پوشتا ماركاسىن شىعاردى. ماركادا شىۇ لوگوتيپى جانە قازاق, ورىس, اعىلشىن, قىتاي تىلدەرىندەگى ماتىندىك كومپوزيتسيا بەينەلەنگەن. ماركانىڭ قۇنى – 210 تەڭگە, كولەمى – 28 ح 40 مم, تا­رالىمى – 50 000 دانا. پەرفو­را­تسياسى جوتالى, ءتورت ءتۇستى بوياۋمەن, وفسەتتىك تاسىلمەن باسىلعان. سۋرەتشىسى – دانيار مۇحامەد­جانوۆ. مەرەيتويلىق پوشتا مار­كا­سى قازاقستان رەسپۋبليكاسى­نىڭ پوشتا ماركالارى كوللەك­تسياسىنداعى 729-شى ماركا بولىپ تابىلادى. ءاليسۇلتان قۇلانباي.