بويىڭىزدى شىمىرلاتار شىعارمالار, جاۋىنگەرلەر رۋحىن اسقاقتاتاتىن اسەم-سازدى اۋەندەر, تەمىردەي ءتارتىپكە تاربيەلەيتىن ءتالىمدى جاتتىعۋلار شارانىڭ شىرايىن كەلتىردى. ارنايى كونتسەرتتىك باعدارلامادا ەلىمىزدىڭ ەڭبەك سىڭىرگەن قايراتكەرلەرى ەلميرا باققالي, مۇرات نۇرعازيەۆ, ەستاي مۇقاشەۆ, ەدىل قۇسايىنوۆ, سونداي-اق عايني جۇماشەۆا, اسحات تاۋشەۆ, باۋىرجان تۇرعىمباەۆ, مارجان اراپباەۆا سىندى كوپتەگەن بايقاۋلاردىڭ لاۋرەاتتارى ونەر كورسەتتى. ۇلتتىق ۇلان ءانسامبلىنىڭ فولكلورلىق توبى, ۆوكالدىق ۇجىمى جيىلعانداردى اسەم سازعا بولەپ ءوز ونەرلەرىن ورتاعا سالدى. كونتسەرتكە ۇلتتىق ۇلان ءان-بي ءانسامبلىنىڭ باسشىسى دارحان راحىمعاليەۆ كوركەمدىك جەتەكشىلىك جاسادى.
شارا بارىسىندا كەش قوناقتارى ۇلتتىق ۇلاننىڭ فوتوتىلشىسى ۆياچەسلاۆ گەلبينگتىڭ ۇجىمنىڭ قىزمەتتىك-جاۋىنگەرلىك تىنىس-ءتىرشىلىگى جايلى فوتوكورمەسىن تاماشالادى. وسى رەتتە ءبىر ايتا كەتەرلىگى, ەگەمەن ەلىمىزدىڭ وتان قورعاۋشىلارىنىڭ فوتوشەجىرەسىن جاساۋدا ۆياچەسلاۆ گەلبينگتىڭ سىڭىرگەن ەڭبەگى اۋىز تولتىرىپ ايتارلىقتاي. ونىڭ كوپشىلىك فوتوسۋرەتتەرى كەش قوناقتارىنىڭ كوڭىلىنەن شىقتى. قازىرگى تاڭدا مايتالمان ماماننىڭ جەكە مۇراعاتىندا ءاسكەري سالاعا قاتىستى ءبىر ميلليوننان اسا فوتوسۋرەت جيىلعان.
– جاۋىنگەرلىك رۋح تازالىق پەن جوعارى مادەنيەتتەن, ىزگىلىكپەن ونەردەن باستاۋ الادى. سوندىقتان, بۇگىنگى شارانىڭ ءمان ماڭىزى زور. بۇل مادەني ءىس-شارا قازاقستان رەسپۋبليكاسى پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ەلىمىزدىڭ رۋحاني جاڭعىرۋىنىڭ ءبىرەگەي باعدارلاماسى اياسىندا ۇيىمداستىرىلدى, – دەيدى قازاقستان رەسپۋبليكاسى ۇلتتىق ۇلانىنىڭ باس قولباسشىسى, گەنەرال-لەيتەنانت رۋسلان جاقسىلىقوۆ.
ارمان وكتيابر,
«ەگەمەن قازاقستان»
الماتى
