ەلىمىزدىڭ حالىقارالىق ۇردىستەردى تەرەڭىرەك تانىپ, سوعان سايكەس شەشىمدەر قابىلداۋعا جانە جاھاندىق وزگەرىستەرگە وراي لايىقتى ءىس-قيمىل جاساۋعا مۇمكىندىگى مول.
ءبىزدىڭ ەلىمىز قاۋىپسىزدىك ايماعى بولعىسى كەلەدى, بولىپ تا ءجۇر. بۇل ۇستانىم قازاقستاندى ينۆەستيتسيالىق سەنىمدىلىك بويىنشا ەڭ وزىق ەلدەر قاتارىنا قوستى. شەتەلدىك ينۆەستورلار بىزدەن ەڭ ءتيىمدى شارتتاردى پايدالانادى جانە جۇمىس ىستەۋلەرىنە مۇمكىندىك مول. كوپشىلىك, اسىرەسە, جاستار, باتىستىق تاجىريبەنى, وعان قوسا, الەۋمەتتىك جەلىلەر ينتەرنەتتى تەز مەڭگەرۋدە, اعىلشىن ءتىلىن بىلەتىندەر ۇلەسى ارتا ءتۇسىپ وتىر.
قازاقستاندا ءتۇرلى ەتنوستاردىڭ بەيبىت ءومىرى, ولاردىڭ قۇقىعى, ءتىلى مەن ءدىلىن, مادەنيەتىن دامىتۋ مۇمكىندىگى جوعارى دەڭگەيدە قورعالعان. ەڭ باستىسى, ەلىمىز تاريحي ادىلدىكتى قالپىنا كەلتىرۋ جولىمەن ءجۇرىپ كەلەدى. زاماناۋي الەمدە ەتنوستاردان تىس مەملەكەت قۇرۋ ساتسىزدىككە ۇشىرايدى. ماسەلەن, كەزىندە ەتنوستاردى جوققا شىعارۋ جولىمەن جۇرگەن ەۋروپالىق وداق وعان قايتا اينالىپ كەلدى.
قازاقستاننىڭ ەتنوستىق قۇندىلىقتارىن قازىرشە قازىرگى الەمنىڭ رۋحاني-مادەني قورى قۇراپ وتىر. ولار ءالى سوڭىنا دەيىن تانىلماعان, بىراق جاھاندىق قوعامداستىقتىڭ وڭتايلى بايۋىنا ىقپال ەتۋى مۇمكىن. ال قازاق ۇلتىنىڭ داستۇرلەرى مەن قۇندىلىقتارى ادام مەن ورتا ارا-
سىنداعى قارىم-قاتىناستا ەرەكشە پراگماتيزمدى ۇسىنادى, ول تۇتىنۋشى قوعام قۇندىلىقتارىنىڭ داعدارىسىن باسىنان كەشىرىپ وتىرعان الەم ءۇشىن وتە ماڭىزدى. سونداي-اق, ەلىمىزدە قوعامدىق كوڭىل-كۇيدىڭ مونيتورينگىن جۇرگىزۋ, باعالاۋ مەن كورسەتۋ تاۋەلسىزدىكتىڭ العاشقى كۇنىنەن باستاپ باسىم باعىتتاردىڭ ءبىرى بولىپ كەلەدى. ەكى بازالىق ينديكاتور ءمانى ءوستى – ول كەدەيلىكتىڭ ەڭ تومەنگى شەگىن تولىق جويۋ جانە ءومىر ءسۇرۋ ۇزاقتىعىن ارتتىرۋ. بۇل كورسەتكىش ەلىمىزدە بۇرىنعىدان دا جاقسى جانە ۇزاق ءومىر سۇرۋگە مۇمكىندىك بار ەكەندىگىن اڭعارتادى. قازاقستان ءوزىنىڭ تەڭگەرىمدەلگەن دەموگرافيالىق قۇرىلىمىمەن ەرەكشەلەنەدى. بۇل رەتتە حالىق وزگەرمەلى جاعدايلارعا بەيىمدەلۋگە ۇلگەرە وتىرىپ, ديناميكالىق تۇردە وسە تۇسۋدە. ەلىمىز بۇگىندە دامۋدىڭ جاڭا كەزەڭىنە اياق باستى. «قازاقستان-2050» ستراتەگياسى, «نۇرلى جول», «100 ناقتى قادام» ۇلت جوسپارى سىندى اۋقىمدى باعدارلامالار, دەنساۋلىق ساقتاۋ جانە ءبىلىم بەرۋ, تىلدەردى دامىتۋ باعىتتارى بويىنشا جۇرگىزىلىپ جاتقان دايەكتى مەملەكەتتىك جوبالار تىزبەگى الەۋمەتتىك-ەكونوميكالىق جاڭعىرتۋدى جەدەلدەتۋدىڭ نەگىزىن قالادى.
جوعارىدا اتاپ وتكەن جاعىمدى وزگەرىستەرمەن جانە ىلكىمدى جوبالارمەن قاتار, ساياسي جاڭعىرۋ – كونستيتۋتسيالىق رەفورمالاردى جۇزەگە اسىرۋ, اكىمشىلىك سالا مەن مەملەكەتتىك قىزمەتتەر جۇيەسىن جە ءتىلدىرۋ, اشىق ۇكىمەت قالىپتاستىرۋ ءۇردىسى ەلىمىزدىڭ حالىقارالىق قوعامداستىقتاعى بەدەلىن ءارى قاراي وسىرە تۇسكەنى انىق.
مادەني جاڭعىرۋ دا جۇزەگە اسىرىلۋدا. ونىڭ باستاۋىندا «مادەني مۇرا» مەملەكەتتىك باعدارلاماسى, «حالىق تاريح تولقىنىندا» باعدارلاماسى, «قازاقستان-2050» ستراتەگياسىنىڭ تەرمينولوگيالىق جانە عىلىمي جۇمىستارى تۇر.
سونىمەن, بۇگىنگى تاڭدا قازاقستاندا مادەنيەتتىڭ باستاپقى قۇرىلىمى مەن ەلەمەنتتەرىن, قوعامدىق پسيحولوگيا مەن پراكتيكانى تەرەڭ وزگەرتۋ جانە ونى جاڭعىرتۋعا نەگىزدەلگەن ۇلتتىق جاڭعىرۋ مودەلى دە قولعا الىنۋدا. بۇل رەتتە وسىن-
داي ماڭىزدى قادامدار ارقىلى عانا قازىرگى الەمدە ءوزىمىزدىڭ ۇلتتىق ۇيلەسىمدىلىگىمىزبەن قۇندىلىقتارىمىزدى ساقتاپ قالا الاتىندىعىمىزدى اتاپ وتكەن ءجون.
ەلىمىز جاھاندىق جانە ايماقتىق ۇردىستەرمەن ۇندەسە جۇرمەسە, مىنا زاماناۋي الەمدەگى سىن- قاتەرلەرگە توتەپ بەرۋىمىز نەعايبىل. سوندىقتان ەلباسىمىز ايقىنداپ بەرگەن بۇگىنگى باعىتىمىز ءبىزدىڭ حالىقارالىق قوعامداستىقتاعى لايىقتى ورنىمىزدى بەكەمدەي تۇسەدى.
زارەما شاۋكەنوۆا,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى, ۇعا
