قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى №14-1/113

2011 جىلعى 15 ناۋرىز      №14-1/113          استانا قالاسى قازاقستان رەسپۋبليكاسىندا ارنايى سۋ پايدالانۋعا رۇقسات بەرۋگە ارنالعان وتىنىشتە كورسەتىلەتىن مالىمەتتەردى بەكىتۋ تۋرالى قازاقستان رەسپۋبليكاسى سۋ كودەكسىنىڭ 37-بابىنىڭ 6-1) تارماقشاسىنا سايكەس, بۇيىرامىن: 1. قوسا بەرىلىپ وتىرعان قازاقستان رەسپۋبليكاسىندا ارنايى سۋ پايدالانۋعا رۇقسات بەرۋگە ارنالعان وتىنىشتە كورسەتىلەتىن مالىمەتتەر بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ تابيعات رەسۋرستارىن پايدالانۋ ستراتەگياسى دەپارتامەنتى (ج.ى.وماروۆ) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ اۋىل شارۋاشىلىعى ۆيتسە-ءمينيسترى م.ءا.ورازاەۆقا جۇكتەلسىن. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەننەن سوڭ قولدانىسقا ەنگىزىلەدى. مينيستر ا.كۇرىشباەۆ. قازاقستان رەسپۋبليكاسى اۋىل شارۋاشىلىعى ءمينيسترىنىڭ 2011 جىلعى 15 ناۋرىزداعى  № 14-1/113 بۇيرىعىمەن بەكىتىلگەن ارنايى سۋ پايدالانۋعا رۇقسات بەرۋگە ارنالعان وتىنىشتە كورسەتىلەتىن مالىمەتتەر ارنايى سۋ پايدالانۋعا رۇقسات بەرۋگە ارنالعان وتىنىشتە مىناداي مالىمەتتەر كورسەتىلەدى: 1) سۋ پايدالانۋدىڭ ءتۇرى (قازاقستان رەسپۋبليكاسى سۋ كودەكسىنىڭ 66 - بابىنىڭ 6 - تارماعىنا سايكەس); 2) جەر ءۇستى سۋلارىن جيناپ الۋ جانە (نەمەسە) پايدالانۋ (سارقىندى سۋلاردى اعىزۋ, جەر استى سۋ كوزىن) ورىندارىنىڭ كوورديناتتارى كورسەتىلگەن احۋالدىق سحەماcى; 3) سۋ پايدالانۋ ماقساتى; 4) سۋ وبەكتىسىنىڭ اتاۋى, نەگىزگى گيدرولوگيالىق جانە گيدروگەولوگيالىق سيپاتتامالارى, سۋ پايدالانۋدىڭ باسقا دا شارتتارى; 5) جەر ءۇستى سۋلارىن جيناپ الۋ جانە (نەمەسە) پايدالانۋ (اعىزىلاتىن سارقىندى سۋلاردىڭ, جيناپ الىناتىن جەر استى سۋلارىنىڭ) بولجانىپ وتىرعان كولەمى (تەكشە مەتر/ جىل, تەكشە مەتر /تاۋلىك, ليتر/سەكۋند); 6) ءونىم بىرلىگىنە كەتەتىن جەر ءۇستى, جەر استى جانە سارقىندى سۋلاردىڭ ۇلەستىك شىعىستارى; 7) سۋ پايدالانۋدى باستاۋ مەن اياقتاۋدىڭ بولجانىپ وتىرعان مەرزىمدەرى; 8) سۋ تۇتىنۋ مەن سۋ جىبەرۋدىڭ تەڭگەرىمدىك سحەماسى مەن ەسەپتەمەلەرى; 9) جەكە تۇلعا ءۇشىن - اتى-ءجونى, بايلانىس تەلەفونى; زاڭدى تۇلعا ءۇشىن - زاڭدى تۇلعانىڭ اتاۋى جانە دەرەكتەمەلەرى; 10) سۋ پايدالانۋشىنىڭ وندىرىستىك قىزمەتىنە سيپاتتاما (شىعارىلاتىن ءونىمنىڭ كولەمى, قىزمەتكەرلەردىڭ, قىزمەت كورسەتىلەتىن حالىقتىڭ سانى, قۋاتى, سۋارىلاتىن ۋچاسكەلەرىنىڭ الاڭدارى); 11) ءوتىنىش بەرۋشىنىڭ تەحنيكالىق جانە تەحنولوگيالىق ءىس-شارالاردى, قايتا وڭدەۋدى جانە جۇمىستاردىڭ قاۋىپسىزدىك تەحنيكاسىن قامتاماسىز ەتۋدى قوسا العاندا, جەر ءۇستى جانە جەر استى سۋلارىن سارقىلۋ مەن لاستانۋدان قورعاۋعا, سارقىندى سۋلاردى قابىلداعىشقا, قورشاعان ورتانى قورعاۋعا قاتىستى نيەتى; 12) ءوتىنىش بەرۋشىنىڭ كەن ورنىنان (ونىڭ ۋچاسكەسىنىڭ) جەر استى سۋلارىن جيناپ الۋ كەزىندەگى سۋ پايدالانۋ شارتتارى تۋرالى نيەتى; 13) ارنايى سۋ پايدالانۋعا بۇرىن بەرىلگەن رۇقساتتىڭ دەرەكتەرى ء(نومىرى, بەرىلگەن كۇنى, كىم بەردى, قولدانىلۋ مەرزىمى, ەگەر وسىلار ءوتىنىش بەرۋشىدە بار بولسا, جەر ءۇستى جانە جەر استى سۋلارىن جيناپ الۋ جانە (نەمەسە) پايدالانۋ جونىندەگى پايدالانۋ, ونەركاسىپتىك جانە باسقا دا سارقىندى سۋلاردى جەر بەتى سۋ وبەكتىلەرىنە اعىزۋ تاجىريبەسى); 14) جەر ءۇستى جانە جەر استى سۋلارىن پايدالانعانى ءۇشىن تولەنەتىن تولەمدەرىنىڭ بولجانىپ وتىرعان ەسەبى; 15) سۋدى پايدالانۋدى ەسەپكە الۋعا, رەجيمدىك بايقاۋلاردى جانە زەرتحانالىق تالداۋلار جۇرگىزۋگە ارنالعان جابدىقتارىنىڭ سيپاتتامالارى; 16) سۋدى ۇتىمدى پايدالانۋدى قامتاماسىز ەتەتىن ءىس-شارالار. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 5 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6870 بولىپ ەنگىزىلدى.