مۇحيت ءانى سامعادى

بۇرناعى كۇنى الماتىنىڭ «قازاقكونتسەرت» زالىندا حالقى­مىزدىڭ قايتالانباس اتاقتى كومپوزيتور ءانشىسى مۇحيت مەرالى­ ۇلىنىڭ 170 جىلدىعىنا وراي ءال-فارابي اتىنداعى قازاق ۇلتتىق ۋنيۆەرسيتەتى مەن «ادىر­نا» ۇلت­تىق-ەتنوگرافيالىق ءبىر­لەس­تىگىنىڭ بىرلەسىپ ۇيىمداس­تىرۋىمەن «ءان مۇحيتى» اتتى كەش ءوتتى. قازاق مۋزىكا ونەرىنىڭ ماقتانىشى مۇحيتتىڭ اندەرىن ساعىنىپ, سۋساپ قالعان انسۇيەر قاۋىم كوپ جينالدى. سالتاناتتى كەشتى اتاق­تى ءانشى عاريفوللا قۇرمانعا­ليەۆ­تىڭ شاكىرتى, ودان ءتالىم-تاربيە العان, رەسپۋبليكاعا ەڭبەگى سىڭگەن ءارتىس ساۋلە جانپەيىسوۆا جۇرگى­زىپ وتىردى. ساۋلە مۇحيتتىڭ قارا­توبە توپىراعىندا ومىرگە كەلگەنىن, ونىڭ شىعارما­شىلىق مۇرا­سى­نىڭ مۋزىكالىق ال­تىن قورى­مىزعا ەنگەنىن, ول اسىل مۇرانى ءالى دە بولسا تەرەڭ زەرتتەۋ قاجەت ەكەنىن تىلگە تيەك ەتىپ, تولعامدى پىكىرلەرىن ءبىلدىردى. كەشكە قاتىسىپ ونەر كورسەت­كەن  رامازان ستام­عازيەۆ, ايگۇل قو­سانوۆا, قايرات كاكىموۆ, جولامان قۇجيمانوۆ, ىرىستى ءسۇ­لەي­مەنوۆا, ەركىن ءشۇ­كى­مانوۆ, ءازىم­حان بايما­عانبەتوۆ, نۇرىم اس­قانوۆ, جانعوزا اياپوۆ, جۇلدىز ءسۇن­دەتقاليەۆا, ۆەنەرا قارجاۋ­باەۆا, بيبىگۇل ساۋىت­وۆا, سامال ومىرزاقوۆا, گۇلسىم ارىس­باەۆا, مار­حابات مىقتى­بەكوۆ, ەركىن نۇرقانوۆ, ەرلان رىس­­قالي مۇحيتتىڭ اندەرىن ءناشى­نە كەلتىرە ورىنداپ, انسۇيەر قاۋىمدى قۋا­نىشقا كەنەلتتى. ساۋلە جانپەيىسوۆا مۇحيتتىڭ بۇرىن اي­تىل­ماعان, حا­لىق­قا جەتپەگەن بىرنەشە اندەرىن شىرقاپ, كورەرمەن­دەردىڭ قوشەمەتى­نە ءبو­لەن­دى. ۇلتتىق ءان-كۇي – قازاق­تىڭ جانى مەن رۋحى. رۋحىنان ايى­رىل­عان حالىق قۇل­دىق­تىڭ قامىتىن كيەدى. ەل بولا­شا­عىنا بەيجاي قاراي ال­مايتىن ونەر جانا­شىر­لارى كوبەيە بەرسىن دەگىمىز كەلەدى. عالىم قۇراش, جۋرناليست. سۋرەتتى تۇسىرگەن اۆتور.