«ەرتەڭ ءبىز تۇجىرىمدامانى تالقىلاۋدى باستايمىز. الدىمەن دەنساۋلىق ساقتاۋ مينيسترلىگى جانىنداعى قوعامدىق كەڭەستە, كەيىن كاسىپكەرلەردىڭ ۇلتتىق پالاتاسىنىڭ بازاسىندا, باق-تا تالقىلايمىز. بۇل زاڭ جوباسى قوعامدا تالقىلاۋدىڭ بارلىق كەزەڭىنەن ءوتۋى ءتيىس. زاڭ جوباسىن بيىل كۇزدە پارلامەنتكە جىبەرۋ جوسپاردا بار», - دەدى ەلجان ءبىرتانوۆ.
دەنساۋلىق ساقتاۋ مينيسترلىگىندە زاڭ جوباسىن 2017 جىلدىڭ سوڭىنا دەيىن قابىلداپ, 2018 جىلعى 1 قاڭتاردان باستاپ بولشەك ساۋدادا بارلىق ءدارى-دارمەكتەرگە شەكتى باعالاردى بەكىتۋ جوسپارلانعان.
بۇدان وزگە, ءباسپاسوز كونفەرەنتسياسى اياسىندا ە. ءبىرتانوۆ دەنساۋلىق ساقتاۋ مينيسترلىگى امبۋلاتوريالىق-دارىلىك قامتاماسىز ەتۋدىڭ جاڭا ۇلگىسىن ازىرلەگەنىن مالىمدەدى. اتالعان ۇلگى حالىقتىڭ جەڭىلدىككە يە بولاتىن توبىن ءدارى-دارمەكپەن تەگىن قامتاماسىز ەتۋدىڭ بارلىق تۇيىتكىلدى ماسەلەلەرىن جۇيەلى تۇردە شەشۋگە مۇمكىندىك بەرەدى. ەندىگى بىرىڭعاي ديستريبيۋتور جاڭا ۇلگىگە سايكەس ەلىمىزدىڭ بارلىق تۇكپىرىنە ءدارى-دارمەكتەردى ۋاقىتىلى جەتكىزۋ, تاراتۋ جانە ەسەپكە الۋعا جاۋاپ بەرەتىن بولادى.
ەرتەڭ دەنساۋلىق ساقتاۋ مينيسترلىگى جانىنداعى قوعامدىق كەڭەس وتىرىسىندا امبۋلاتوريالىق-دارىلىك قامتاماسىز ەتۋدىڭ جاڭا ۇلگىسى قارالادى. سونداي-اق, ونى ىسكە اسىرۋ ءۇشىن بيزنەس-قوعامداستىقپەن پىكىر الماسۋ قاجەت.
