بۇل جوبانىڭ مىندەتى – حالىققا سمارتفوندار مەن موبايل قوسىمشالارىنىڭ مۇمكىندىكتەرى مەن ارتىقشىلىقتارى تۋرالى ءبىلىمىن ارتتىرۋ. شەبەرلىك ساباقتارىنا مەكتەپ وقۋشىلارى مەن اتا-انالار, ستۋدەنتتەر, شاعىن جانە ورتا بيزنەس وكىلدەرى, جۋرناليستەر مەن بلوگەرلەر قاتىسقان. سونىمەن بىرگە زەينەتكەرلەر ءۇشىن «اپاشكي, اتاشكي ي سمارتفون» اتتى كۋرس ارنايى ۇيىمداستىرىلىپ, وعان قاتىسۋشىلار سمارتفون قولدانۋدى, مەسسەندجەر ورناتۋدى جانە الەۋمەتتىك جەلىلەردە اڭگىمەلەسۋدى ۇيرەنىپتى. جانە زەينەتكەرلەردىڭ سمارتفونعا قىزىعۋشىلىعى جىلدان-جىلعا ارتىپ كەلە جاتقانعا ۇقسايدى.بۇل قوعامعا ىلەسۋ, جاستاردان بولەكتەنىپ قالماۋدان تۋعان قۇبىلىس دەپ ەسەپتەيدى ماماندار.
زەينەتكەرلەر WhatsApp پەن «شاحماتى» موبايل قوسىمشالارىن كوپ قولدانادى ەكەن. ستۋدەنتتەردى بارىنەن بۇرىن Udemi, Coursera جانە British Council وقىتۋ باعدارلامالارى قىزىقتىرسا, كاسىپكەرلەر «بيزنەسكە ارنالعان الەۋمەتتىك جەلىلەر» جانە «TeamWork جوبالاردى باسقارۋ جۇيەلەرى» موبايل قوسىمشالارىن كوپ قولداناتىنى بايقالعان. «بارلىق ادامعا ارنالعان ءبىلىم» - «كسەلل» كومپانياسىنىڭ الەۋمەتتىك جوبالاردى ىسكە اسىرۋداعى شەشۋشى ۇستانىمى. بۇل ءبىزدىڭ بارلىق نيەت بىلدىرۋشىگە ءوزىن-ءوزى دامىتۋ مەن ءبىلىم الۋعا مۇمكىندىك بەرەتىن قۇرالدار مەن موبايل تەحنولوگيالاردى تاڭدايتىنىمىزدى بىلدىرەدى. ءبىزدىڭ موبايل ءبىلىم بەرۋ جونىندەگى كۋرستارىمىز بۇل ماقساتقا تولىق ساي كەلەدى. ولارعا كەز كەلگەن ادام قاتىسا الادى, كۋرستار تەگىن جانە قازاقستاننىڭ بارلىق ءىرى قالاسىندا وتەدى. ءبىز قازاقستاندىقتار ءبىلىم الۋ, كاسىپ جۇرگىزۋ, دەنساۋلىقتى نىعايتۋ جانە جاي عانا قارىم-قاتىناس جاساۋ ءۇشىن ءوز سمارتفوندارىنىڭ بار الەۋەتىن پايدالانسا ەكەن دەيمىز. ءبىز ايتارلىقتاي شامادا مۇنى ىسكە اسىرا الدىق دەپ ويلايمىن», - دەپ اتاپ ءوتتى «كسەلل» اق كوممۋنيكاتسيالار ءبولىمىنىڭ جەتەكشىسى ناتاليا ەسكوۆا.
جوبا اۆتورلارى بۇل «Digital Life-ءتى» ودان ءارى جالعاستىراتىندارىن ايتتى. ويتكەنى حالىقتىڭ قىزىعۋشىلىعى بار.
باعاشار تۇرسىنباي ۇلى,
«ەگەمەن قازاقستان»
