ال ورىسشا سويلەي الاتىن ازاماتتار سانى 2015 جىلى 0,6% ازايىپ, 89,4%-عا تومەندەدى, دەپ حابارلايدى ranking.kz.
الدىن الا بولجام بويىنشا, 2025 جىلعا قاراي قازاقستاندىقتاردىڭ 95%-ى قازاقشا, 90%-ى ورىسشا سويلەي الاتىن بولادى.
ءبىلىم بەرۋ سالاسىندا قازاق ءتىلىنىڭ مارتەبەسى نىعايىپ كەلەدى. 2016 جىلى قازاق ءتىلدى مەكتەپتەردى بىتىرگەندەر سانى 70%-عا جەتكەن. ال مەكتەپتەر سانىنا كەلەر بولساق, قازىرگى تاڭدا ءبىلىم بەرۋ مەكەمەلەرىنىڭ 53%-ى, ياعني 3,8 مىڭ مەكتەپ قازاقشا وقىتادى. ەستەرىڭىزگە سالا كەتەيىك, 1991 جىلى بۇل كورسەتكىش 32% بولعان ەدى.
اقپارات قۇرالدارىنىڭ ۇلەسىنە توقتالار بولساق, 2016 جىلى ەلەكتروندى باق-تاعى قازاق ءتىلدى كونتەنتتىڭ ۇلەسى 12,7% كوبەيىپ, 84%-عا جەتتى. ال ورىس ءتىلدى كونتەنت كولەمى 10,8% ازايدى. دەگەنمەن, ەلەكروندى اقپارات قۇرالدارى ەلدەگى جالپى اقپارات كوزدەرىنىڭ تەك 16%-ىن عانا قۇرايتىنىن ەسكەرۋ كەرەك. قالعاندارى ءداستۇرلى باسىلىمدار. ونداعى قازاق ءتىلدى كونتەنت كولەمى 50%-دان اسىپ جىعىلادى.
2016 جىلدىڭ سوڭىندا ەلدە 2,9 مىڭ بۇقارالىق اقپارات قۇرالى تىركەلگەن. بۇل 2015 جىلعىدان 11% ارتىق. سونىڭ ىشىندە 23%-ى مەملەكەتتىك اقپارات قۇرالدارى. مەملەكەتتىك باق-تاعى اقپارات اعىنىنىڭ 71%-ى قازاق تىلىندە تارايدى. ءبىر جىل بۇرىن عانا بۇل كورسەتكىش 60% بولعان ەدى. دەگەنمەن, قر مادەنيەت جانە سپورت مينيسترلىگىنىڭ مالىمەتىنشە, قازاق ءتىلدى اقپارات قۇرالدارى مەيلىنشە قىزىقسىز جانە وزەكتىلىگى تومەن كورىنەدى. سونىمەن قازاق قازاق ءتىلدى باسىلىمدار اراسىندا اقپاراتتىق ەمەس جانە مازمۇنسىز اقپارات قۇرالدارىنىڭ بار دەگەن پىكىر قالىپتاسقان.
قازاقتار سوڭعى كەزدەرى اعىلشىن ءتىلىن بەلسەندى مەڭگەرۋدە. 1991 جىلى اعىلشىن ءتىلىن بەلەتىن قازاقستاندىقتار سانى تەك 2% بولسا, قازىرگى تاڭدا بۇل كورسەتكىش 23,7%-عا جەتتى.
وسىنىڭ ىقپالىمەن 2015 جىلى 16%-دى قۇراعان ءۇشتىلدى ازاماتتار سانى 2016 جىلى 20% بولدى.
