دەپۋتاتتار يكرام ادىربەكوۆ, نۇرتاي ابىقاەۆ, مۇحتار التىنباەۆ, سەرىك جاقسىبەكوۆ, لياززات كينوۆ, گەورگي كيم قورداي جانە اقجول وتكىزۋ بەكەتتەرىنىڭ جۇمىستارىمەن دە تانىستى.
سەناتورلار قىرعىز ارىپتەستەرىمەن كوشى-قون, پارلامەنتارالىق جانە شەكارالىق ايماقتارداعى ىنتىماقتاستىق, ساۋدا-ەكونوميكالىق ارىپتەستىك پەن ءتۋريزمدى كەڭەيتۋ ماسەلەلەرىن تالقىلادى.
قازىرگى كەزدە ەكى ەلدىڭ ىنتىماقتاستىق سالاسى 150-دەن استام قۇجاتتاردى قامتيتىن كەلىسىم شارت-قۇقىقتىق بازاسىمەن بەكىتىلگەن.
جوگوركۋ كەنەشتىڭ توراعاسى ا.جەەنبەكوۆتىڭ 2015 جىلعى ماۋسىمدا استاناعا جۇمىس بابىنداعى ساپارى اياسىندا قازاقستان پارلامەنتى مەن جوگوركۋ كەنەش اراسىنداعى پارلامەنتارالىق كەڭەس تۋرالى كەلىسىمگە قول قويىلىپ, وسى كەڭەستىڭ وتىرىسى وتكەن بولاتىن. «كەڭەس قازاقستان مەن قىرعىزستان اراسىنداعى ءوزارا ءتيىمدى ەكىجاقتى بايلانىستى نىعايتۋعا, ونىڭ ىشىندە پارلامەنتارالىق ءوزارا ءىس-قيمىلدى دامىتۋعا جاردەمدەسەدى دەپ ويلايمىن», - دەدى د.نازارباەۆا.
سەناتور سونداي-اق ەكىجاقتى نەگىزدە دە, حالىقارالىق جانە ايماقتىق ۇيىمدار اياسىندا دا ورتاق كۇش-جىگەردى ۇيلەستىرۋدىڭ ماڭىزدىلىعىن اتاپ ءوتتى.
«ەاەو اياسىنا بىرىگە وتىرىپ, ءبىز ءوزارا ءتيىمدى ىنتىماقتاستىقتىڭ جاڭا دەڭگەيىنە شىقتىق. ەكىجاقتى قاتىناستاردى دامىتۋدىڭ وڭ قارقىنىن اتاپ وتۋگە بولادى. بۇل رەتتە جوعارى دەڭگەيدە قول جەتكەن بارلىق كەلىسىمدەردىڭ ىسكە اسۋىنا قول جەتكىزۋ ماڭىزدى دەپ سانايمىن»», - دەدى سەنات كوميتەتىنىڭ توراعاسى.
