كەزدەسۋ بارىسىندا مەملەكەت باسشىسىنا بانكتىڭ قىزمەتى, سونداي-اق ونىڭ بۇدان ءارى دامۋ پەرسپەكتيۆالارى مەن باسىمدىقتارى تۋرالى مالىمدەلدى. بۇل تۋرالى اقوردانىڭ ءباسپاسوز قىزمەتى حابارلادى.
نۇرسۇلتان نازارباەۆ ەۋرازيا دامۋ بانكىنىڭ قۇرىلۋ ماقساتىنا, ونىڭ الدىندا تۇرعان بۇگىنگى مىندەتتەرگە توقتالىپ, ينتەگراتسيالىق جوبالاردى قارجىلاندىرۋدىڭ ماڭىزدىلىعىن اتاپ ءوتتى.
– بانكتىڭ نەگىزگى قۇرىلتايشىلارى قازاقستان مەن رەسەي بولىپ سانالادى. بانك ەۋرازيالىق ەكونوميكالىق وداقتىڭ مۇددەسى ءۇشىن قۇرىلدى. جۇمىستىڭ تاڭدالعان باعىتى دۇرىس. قازاقستان جاعدايىندا نەسيەنى كوبىنە تەڭگەمەن بەرۋ مۇمكىندىگىن قاراستىرۋدى ۇسىنامىن, – دەدى مەملەكەت باسشىسى.
سونداي-اق, قازاقستان پرەزيدەنتى ەۋرازيالىق ەكونوميكالىق وداققا مۇشە مەملەكەتتەر باستاماشىلىق ەتكەن شاعىن جوبالارعا نەسيەنى قوسا قارجىلاندىرۋ شارتىمەن بەرۋ ماسەلەسىن قاراستىرۋدى ۇسىندى.
– كولىك-ينفراقۇرىلىم, سۋ جانە اگرارلىق باعىتتاعى ورتاق جوبالاردى قوسا قارجىلاندىرۋعا بانكتىڭ مۇمكىندىگى بار. بۇل جوبالار وداققا مۇشە بارلىق مەملەكەتتەر ءۇشىن جۇمىس ىستەيتىن بولادى. مۇنداي جوبالار ەڭ الدىمەن ولاردى ۇسىناتىن ەۋرازيالىق ەكونوميكالىق كوميسسيانىڭ جۇمىسىنا بايلانىستى بولماق, – دەدى نۇرسۇلتان نازارباەۆ.
د.پانكين قازاقستان پرەزيدەنتىنە جاڭا جوبالار جونىندەگى شارتتاردىڭ جاسالۋ بارىسى تۋرالى, سونداي-اق بانكتىڭ نەسيەلىك قورىنىڭ احۋالى, ونىڭ وتكەن جىل قورىتىندىسى بويىنشا ايتارلىقتاي ارتقانى جونىندە باياندادى.
