بۇل تۋرالى تارمپي-دىڭ اقپاراتتىق-يميدجدىك قىزمەتىنىڭ جەتەكشىسى جاندار اسان حابارلادى. باسقوسۋدا ينستيتۋتتىڭ تاربيە جۇمىسى جانە الەۋمەتتىك ماسەلەلەر جونىندەگى پرورەكتورى ورىنقىز جولداسوۆا بۇل مازمۇنى تەرەڭ, ۇلتتىق مۇددەمىزبەن ساباقتاس قۇندىلىقتاردى جانداندىرۋعا باعىتتالعان سۇبەلى ەڭبەك ەكەندىگىن ايتتى.
– مەملەكەت باسشىسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ەلىمىزدىڭ بولاشاق دامۋ باعىتى ايقىندالدى. ءبىز – بىرلىك پەن بەرەكەنى, تۇراقتىلىق پەن ءوزارا كەلىسىمدى نىعايتا وتىرىپ, «ماڭگىلىك ەل» ۇلتتىق يدەياسىن ناقتى جۇزەگە اسىرا باستادىق. وسى جولدا ەلباسى قوعامنىڭ, ءاربىر ەل ازاماتىنىڭ ساناسىن جاڭعىرتۋدىڭ ناقتى بىرنەشە باسىم باعىتتارىن ناقتىلاپ بەردى. مۇنىمەن قوسا, پرەزيدەنت ماقالادا مەملەكەتتىڭ باسەكەگە قابىلەتتى بولۋىن ەرەكشە اتاپ ءوتتى. البەتتە, كەز كەلگەن ورتادا باسەكەگە قابىلەتتى بولۋ – تابىستى ادامنىڭ فورمۋلاسى. ول بۇگىنگى زاماننىڭ تالابى, – دەدى و. جولداسوۆا.
تارمپي-دىڭ قازاقستان تاريحى كافەدراسىنىڭ مەڭگەرۋشىسى اۋەزحان شاشاەۆ ماقالادا رۋحاني سالاعا ەرەكشە كوڭىل بولىنگەندىگىن جانە بۇل مەملەكەت دامۋىنىڭ ءۇشىنشى تۇعىرى بولۋى تيىستىگىن اڭگىمەلەدى.
– ەڭ باستى ياكي نەگىزگى ماسەلەنىڭ ءبىرى «تۋعان جەر» باعدارلاماسىنىڭ قولعا الىناتىندىعى. ءبىز وسكەن ءوڭىرىمىزدى جاقسى كورىپ, تۋعان جەرىمىزدى ماقتان ەتۋ ارقىلى وتانىمىزعا, مەملەكەتىمىزگە دەگەن سۇيىسپەنشىلىگىمىز ارتا تۇسەدى. سونىمەن قاتار, ماقالاداعى باسىمدىقتاردىڭ ءبىرى قازاقتىڭ سالت-ءداستۇرىن, ۇلتتىڭ مادەني كودىن حالىقارالىق, گۋمانيتارلىق, ەكونوميكالىق پروتسەستەرگە سايكەستەندىرىپ, سول ۇدەرىستەرگە ىلەستىرىپ جىبەرۋ بولىپ تابىلادى. سونداي-اق, ەلباسى قازاقستاندا لاتىن ءالىپبيىن قولدانىسقا ەنگىزۋ ماسەلەسىنە دە ەرەكشە ءمان بەرۋ قاجەتتىگىن العا تارتتى. كۇن سايىن قارقىندى دامىپ جاتقان زاماناۋي تەحنولوگيا, كوممۋنيكاتسيا جانە يننوۆاتسيانىڭ تەحنيكالىق ءتىلىن جەدەل مەڭگەرۋدە لاتىن قارپىنىڭ ءرولى ايرىقشا ماڭىزدى بولماق, – دەپ اتاپ ءوتتى ءا. شاشاەۆ.
جيىن بارىسىندا ماقالادا كورسەتىلگەن «ۇلتتىق سانا», «تۋعان جەر» باعدارلاماسى, «قازاق تىلىندەگى 100 جاڭا وقۋلىق», «100 جاڭا ەسىم», «مادەني-گەوگرافيالىق بەلدەۋ», «باسەكەلىك قابىلەت», «پراگماتيزم», «ۇلتتىق بىرەگەيلىكتى ساقتاۋ», «قازاقستاننىڭ رەۆوليۋتسيالىق ەمەس, ەۆوليۋتسيالىق دامۋى» جانە وزگە دە ماسەلەلەر تۋراسىندا كەڭىنەن اڭگىمە قوزعالىپ, قاتىسۋشىلار تاراپىنان قولداۋعا يە بولدى.
