قاسيەتتى ولكەمىزدە ەلگە ادال قىزمەت ەتىپ,حالىقتىڭ ىستىق ىقىلاسىنا بولەنىپ جۇرگەن قالامگەرلەرىمىزدىڭ شىعارمالارىن وقۋعا ناسيحاتتاۋ,ولاردىڭ ەڭبەك, ونەگەلى ءومىر جولدارىن وسكەلەڭ ۇرپاققا ۇلگى تۇتىپ,ولاردى ارقاشاندا ارداقتاۋ يگى شارالارعا وقىرمانداردى كوپتەپ تارتۋ ارقىلى جۇزەگە اسىرىلادى.
ءداستۇرلى وتەتىن «بالالار مەن جاسوسپىرىمدەر كىتاپتارىنىڭ اپتالىعى» حامزا ەسەنجانوۆ اتىنداعى وبلىستىق بالالار جانە جاسوسپىرىمدەر كىتاپحاناسى ۇيىمداستىرعان رەسپۋبليكاعا تانىمال پروزايك, قازاقستان جازۋشىلار وداعىنىڭ مۇشەسى, حالىقارالىق «شابىت» شىعارماشىل جاستار فەستيۆالىنىڭ لاۋرەاتى, «ماحاببات باعى»,«شۇبەرەك قۋىرشاق», «جۇرەكتەگى قۇپيا», «وكىنىش» كىتاپتارىنىڭ اۆتورى, «جايىق ءۇنى» گازەتىنىڭ باس رەداكتورى,جازۋشى ميرا حامزاقىزى شۇيىنىشاليەۆامەن كەزدەسۋ كەشىمەن قورىتىندىلاندى.ولكەمىزدەگى ايەل-انا , جازۋشى رەتىندە كوش باستاعان ميرا حامزاقىزىنىڭ وقىرمانمەن كەزدەسۋ كەشى م.وتەمىس ۇلى اتىنداعى بقمۋ-ءنىڭ فيلولوگيا فاكۋلتەتىنىڭ, جاڭگىرحان اتىنداعى بقاتۋ-ءنىڭ, «ماقسات» مەديتسينا, قۇرمانعازى اتىنداعى ساز كوللەدجدەرىنىڭ ستۋدەنتتەرىمەن, ءا.مولداعۇلوۆا اتىنداعى №38, №1 مەكتەپ وقۋشىلارىمەن بىرلەسە ءوتتى. جاۋحار ءسوزى جۇرەگىندە تەربەگەن جازۋشىعا دەگەن قۇرمەت كىتاپحانا ۇيىمداستىرعان جازۋشىنىڭ بىرنەشە جىلعى شىعارماشىلىعىنا ارنالعان «قارىمدى قالامنىڭ قۇدىرەتى» تاقىرىبىنداعى كەڭ كولەمدى كىتاپ كورمەسىنەن باستاۋ الدى. كەزدەسۋ اياسىندا ايتىس ونەرىنىڭ بەلدى اقىنى,ۇلاعاتتى ۇستاز د.مۇشتانوۆانىڭ جانە ت.ب اقىنداردىڭ جازۋشىعا ارنالعان ارناۋ ولەڭى وقىلدى,ءوز كەزەگىندە شارا قوناعىنىڭ سۇيىكتى اندەرى دە شىرقالدى. كورەرمەن اۋديتورياعا جازۋشىنىڭ شىعارماشىلىعىمەن تەرەڭىرەك تانىستىرۋ ءۇشىن وتباسى جاراسىمدىلىعىنا ارنالعان «جانگۇل جانە بالا مىسىق» اتتى ءازىل اڭگىمەسىنەن جانە قوعامداعى كەيبىر ۇرپاقتىڭ يمانسىزدىعىن بەينەلەيتىن «قارا شالدىڭ قايعىسى» پوۆەسىنەن تەاترلاندىرىلعان ءۇزىندى قويىلىمدار كورسەتىلدى. كوزىقاراقتى قاتىسۋشى وقىرماندار ءار قويىلىم سوڭىنان,ءتۇرلى تاقىرىپتا (كىتاپتارى,جازۋعا تۇرتكى بولعان ماسەلەلەر,جوسپارلار) ت.ب سۇراقتار قويىپ, جازۋشىنىڭ شىعارماشىلىعىنا قىزىعۋشىلىق تانىتىپ, ءساتتى مۇمكىندىكتى ۇتىمدى پايدالانىپ قالۋعا تىرىستى. جازۋشىمەن ەمەن-جارقىن كەزدەسۋ كەشىندە ع.قۇرمانعاليەۆ اتىنداعى وبلىستىق فيلارمونيا ءانشىسى ساۋلە تاۋداەۆا جازۋشىنىڭ شىعارماشىلىعىنا اقجارما تىلەگىن تىلەپ,ءان تارتۋ ەتسە, «مەكتەپتەن تىس جۇمىس» ورتالىعىنىڭ ونەرلى ورەندەرى, جاس ءانشى ايانا قاجيموۆا جانە قۇرمانعازى اتىنداعى ساز كوللەدجىنىڭ ستۋدەنت جاستارى قويىلىمداردى شىنايى بەينەلەۋمەن ءوز ۇلەستەرىن قوسىپ,وقىرماندىق ىقىلاستارىن ءبىلدىردى.كەزدەسۋ سوڭىندا كىتاپحانا ديرەكتورى ءزۇبايدا بيسەنقىزى سىرلى ءسوز يەسىنە كىتاپحانا ۇجىمى جانە وقىرماندار اتىنان العىس ايتىپ,شىعارماشىلىق تابىس تىلەدى.
جۇرتشىلىقپەن بايلانىس جانە بۇقارالىق جۇمىس ءبولىمىنىڭ باسشىسى گ.م.حامزينا
