«جوبانىڭ ارقاسىندا ستانسالار مەن ولارعا ىرگەلەس جاتقان ەلدى مەكەندەردىڭ حالقى اۋرۋدىڭ الدىن الۋ ءۇشىن مەديتسينالىق تەكسەرۋدەن وتەدى, قاجەتتى العاشقى كومەك, كاسىبي كونسۋلتاتسيا جانە ءارى قاراي ەمدەلۋ ءۇشىن جاقىن ورنالاسقان مەديتسينالىق ورتالىقتارعا جولدامالار الادى. بۇدان بۇرىن ەلباسى ن.نازارباەۆ مەديتسينالىق پويىزداردىڭ جۇمىسىن جوعارى باعالاپ, كولىكتىك مەديتسينالىق قىزمەت كورسەتۋدىڭ وزەكتىلىگىن باسا اتاپ وتكەن بولاتىن. قازاقستاننىڭ وڭتۇستىك جانە باتىس وڭىرلەرىنىڭ حالقى 2017 جىلعى 18 ساۋىردەن باستاپ 2017 جىلعى 20 جەلتوقسان ارالىعىندا «دەنساۋلىق» پويىزىنىڭ ءجۇرىپ وتكەن جولى بويىنشا جوعارى بىلىكتىلىكتى مەديتسينالىق كومەك الا الادى. «سالاماتتى قازاقستان» مەديتسينالىق پويىزى قاراعاندى قالاسىنان جولعا شىعادى. 2017 جىلعى 11 ءساۋىر مەن 6 قاراشا ارالىعىندا ەلىمىزدىڭ ورتالىق, سولتۇستىك, شىعىس وڭىرلەرىنىڭ قالالارى مەن اۋىلدارىنا بارادى. ءدارىگەرلەر بريگاداسىنىڭ قۇرامىندا تەراپەۆت, پەدياتر, نەۆروپاتولوگ, وكۋليست, لور, گينەكولوگ, حيرۋرگ, ۋرولوگ, ماممولوگ, ستوماتولوگ سياقتى نەگىزگى ماماندار بار. مەديتسينالىق پويىز قىزمەتتەرىن قازاقستاننىڭ شالعايداعى ەلدى مەكەندەرىنىڭ مەديتسينالىق كومەككە مۇقتاج تۇرعىندارى, تەمىر جول قىزمەتكەرلەرى مەن زەينەتكەرلەر جانە ولاردىڭ وتباسى مۇشەلەرى پايدالانۋعا مۇمكىندىكتەرى بار», دەدى «اپاتتىق مەديتسينا تەمىر جول گوسپيتالى» اق باسقارما توراعاسى عابىلنۇر ءابدىلمانوۆ.
سونىمەن قاتار, «قتج» ۇك» اق «الەۋمەتتىك جوبالار قورى» ۇجىمدىق قورىنىڭ ديرەكتورى ەربول كەڭگىرباەۆ مەديتسينالىق پويىزدار جۇمىسىن ۇيىمداستىرۋ بارىسىنا توقتالدى.
«ۇجىمدىق قور پويىزداردىڭ قوزعالىسىن, كۇتىمى مەن جوندەلۋىن, جابدىقتار مەن قىزمەتشىلەرىنىڭ كۇزەتىلۋىن ۇيىمداستىرادى, دارىگەرلەر مەن پويىز بريگادالارىن تاماقپەن قامتاماسىز ەتەدى. توتەنشە جاعدايلار كوميتەتى دارىگەرلەر مەن جابدىقتار قىزمەتىنە جاۋاپتى. پويىزداردىڭ قوزعالىس كەستەسى ازاماتتاردىڭ ءوتىنىمى مەن مەملەكەتتىك ورگاندار سۇراۋلارى نەگىزىندە شالعايداعى ستانسالاردا مەديتسينالىق پۋنكتتەردىڭ بولماۋىن ەسكەرە وتىرىپ جاسالادى. سونداي-اق, قاي وبلىستاردا جانە قانشا ۋاقىتتا بولعانىنا تالداۋ جۇرگىزەدى. ءار مەديتسينالىق پويىز كوپبەيىندى مامانداندىرىلعان كونسۋلتاتيۆتىك-دياگنوستيكالىق كومەك كورسەتۋ ءۇشىن ارنايى جابدىقتالعان, مەديتسينالىق قىزمەتكەرلەردىڭ تۇرۋىنا ارنالعان سەگىز ۆاگوننان تۇرادى. مەديتسينالىق قىزمەتكەرلەر مەن پويىز بريگاداسىنا ارنالعان ەكى ۆاگون-كۋپەدە اۋا باپتاعىشتار, تەلەديدارلار, توڭازىتقىشتار, بيو-دارەتحانالار مەن كىر جۋ ورنى ورناتىلعان. سونداي-اق, ۆاگون-مەيرامحانا مەن ۆاگون-ديزەلدى گەنەراتورى بار. ونىڭ كۇشى توتەنشە جاعداي كەزىندە شاعىن ەلدى مەكەندەرگە جارىق بەرۋگە جەتكىلىكتى. قالعان ءتورت ۆاگون حالىقتى قابىلداۋعا جانە مەديتسينالىق كومەك كورسەتۋگە ارنالعان. دارىگەرلەرگە ارنالعان جايلى ۆاگوندار پويىزداردىڭ جولدا جىلىنا 300 كۇن بولۋىنا وراي جابدىقتالعان» دەدى ول.
قۇرامداردىڭ ءجۇرۋ باعىتى مەن ءدارىگەرلەر بريگاداسى كورسەتەتىن قىزمەتتەرى تۋرالى «Samruk-Kazyna Trust» الەۋمەتتىك جوبالاردى دامىتۋ قورىنىڭ باسقارۋشى ديرەكتورى ليما دياس, «اپاتتىق مەديتسينا تەمىر جول گوسپيتالى» اق باسقارما توراعاسى عابىلنۇر ءابدىلمانوۆ باياندادى.
راۋان قايدار,
«ەگەمەن قازاقستان»
