ۆەدومستۆو باسشىلارى قوعامدىق رەزونانس تۋدىرعان ءىس پروكۋراتۋرا مەن ىشكى ىستەر دەپارتامەنتىنىڭ ەرەكشە باقىلاۋىندا بولاتىنىن جەتكىزدى.
«قاندى وقيعا بولدى, ءىستىڭ نەگىزگى فيگۋرانتتارى – قۇقىق قورعاۋ ورگاندارىنىڭ بۇرىنعى قىزمەتكەرلەرى ەكەنىن بىلەمىز. تەرگەۋ بارىسىندا ەشقانداي فاكتىلەردىڭ بۇرمالانبايتىنىن, بۇرا تارتۋ بولمايتىنىن ايتقىمىز كەلەدى. ارنايى پروكۋروردىڭ باسشىلىعىمەن جەدەل تەرگەۋ توبى قۇرىلدى. كۇدىكتىلەردىڭ بارلىعى ۇستالدى, ولاردىڭ ەشقايسىسى دا جازاسىز قالمايدى. قازىرگى كەزدە تەرگەۋ امالدارى جۇرگىزىلۋدە, قىلمىس كەزىندە قولدانىلعان قارۋلار دا تاركىلەندى. تەرگەۋ بارىسىن ءوزىم جانە شقو ءىىد باسشىسى تىكەلەي باقىلاۋعا الدىق. كىنالىلەر قاتاڭ جاۋاپكەرشىلىككە تارتىلادى», – دەدى وبلىس پروكۋرورى.
باعبان تايىمبەتوۆ پەن جاناربەك باقتىباەۆ قايتىس بولعانداردىڭ تۋىستارىنا وبلىس پروكۋراتۋراسى مەن ىشكى ىستەر دەپارتامەنتىنە كەز كەلگەن سۇراقپەن ارىزدانا الاتىنىن جانە جۇرگىزىلەتىن تەرگەۋ شارالارىنا قىلمىستىق-پروتسەسسۋالدىق كودەكسى تالاپتارىنىڭ شەڭبەرىندە قاتىسۋعا بولاتىنىن ايتتى.
ازامات قاسىم,
«ەگەمەن قازاقستان»
