جىل سايىن داستۇرگە اينالعان سايىستىڭ ماقساتى – ۇستازداردىڭ دەنساۋلىعىن نىعايتۋ, سپورتتىق شەبەرلىگىن شىڭداۋ جانە سالاۋاتتى ءومىر سالتىن قالىپتاستىرۋ.
سپورتتىڭ شاعىن فۋتبول, ۇستەل تەننيسى, پرەزيدەنتتىك كوپسايىس, باسكەتبول, دويبى, ۆولەيبول, شاحمات, توعىزقۇمالاق سەكىلدى ون تۇرىنەن وتكەن جارىسقا 9 كوماندا قاتىسىپ, باپتارى مەن باقتارىن سىنادى.
«بارشا ازاماتتاردىڭ دەنساۋلىعىن نىعايتۋ – جارقىن بولاشاققا اپاراتىن التىن سۇرلەۋ دەسە دە بولادى. مەملەكەت باسشىسى قازاقستان حالقىنا ارناعان جولداۋىندا دەنە شىنىقتىرۋ مەن سپورتتى دامىتۋعا ايرىقشا كوڭىل ءبولۋ قاجەتتىگىنە باسىمدىق بەرگەن بولاتىن. قازىرگى تاڭدا وسى باعىتتا اۋقىمدى مەملەكەتتىك باعدارلامالار قابىلدانىپ, جۇزەگە اسىرىلۋدا. جالپى ءبىلىم بەرەتىن ورتا مەكتەپتە جان-جاقتى, دامىعان, دەنساۋلىعى مىقتى, سالاۋاتتى ءومىر سالتىن مۇرات تۇتقان جەكە تۇلعالاردى تاربيەلەۋ باستى تالاپ ەتىلىپ وتىر. بۇگىنگى جاس ۇرپاقتىڭ ءبىلىمدى دە بىلىكتى, ساپالى ازامات بولىپ جەتىلۋى ءتالىم-تاربيە بەرەتىن ۇستازعا, اتا-اناعا, وسكەن ورتاسىنا تىكەلەي بايلانىستى. سوندىقتان دا بولاشاق پەداگوگ مامانداردى دايارلايتىن ۇجىمنىڭ الدىندا تۇرعان باستى ماسەلەنىڭ ءبىرى – سالاۋاتتى ءومىر سالتىن ناسيحاتتاۋ», – دەدى ينستيتۋتتىڭ تاربيە ءىسى جانە الەۋمەتتىك ماسەلەلەر جونىندەگى پرورەكتورى ورىنقىز جولداسوۆا.
ينستيتۋت باسشىلىعى سپورت باسەكەسىندە «جۇزدەن – جۇيرىك, مىڭنان – تۇلپار» شىققان كوماندالار مەن جەكەلەي قاتىسۋشىلارعا العىس حاتتار جانە باعالى سىيلىقتار تابىستادى.
