جاس ورىنداۋشىلاردىڭ شىعارماشىلىعىن, كاسىبي بىلىكتىلىگىن دامىتىپ, جاڭا ەسىمدەر انىقتاۋدى ماقسات ەتكەن بايقاۋعا قازاقستان مەن رەسەيدىڭ ءار وڭىرىنەن 27 ۇمىتكەر, 8 انسامبل قاتىستى. ولاردىڭ ونەرىن رەسەي حالىق ءارتىسى, ۆورونەج ونەر اكادەمياسىنىڭ پروفەسسورى الەكساندر سكلياروۆ باستاعان قازىلار القاسى باعالادى. ءتورت كۇنگە سوزىلعان ونەر دوداسىندا بايان-اككوردەون اسپاپتارىندا ورىنداۋشى انسامبلدەر اراسىندا استانالىق «اللەگرو» ءانسامبلى جەڭىمپاز اتاندى.
جوعارى وقۋ ورىندارى اراسىندا «استانا» ءانسامبلى ەڭ ۇزدىك ونەر ۇجىمى اتاعىن يەلەندى. ال ورتا ارنايى وقۋ ورىندارىندارىنىڭ ستۋدەنتتەرى اراسىندا پاۆلودار قالاسىنان كەلگەن رۋسلان نۇرلانوۆ ءبىرىنشى ورىننىڭ تۇعىرىنان كورىندى. جوعارى وقۋ ورىندارىنىڭ ستۋدەنتتەرى اراسىنان باس جۇلدە اتىراۋلىق باۋبەك ومىرعاليعا بەرىلدى.
- بايان-اككوردەون اسپاپتارىندا شەبەر وينايتىن ونەرلى جاندار از ەمەس, بىراق سوڭعى كەزدە بۇل اسپاپتارعا جەتكىلىكتى كوڭىل بولىنبەي كەتتى. مۇنداي بايقاۋلار ونەرپازدار اراسىنداعى بايلانىستى نىعايتىپ, تاجىريبە الماسۋلارىنا مۇمكىندىك بەرەدى, - دەيدى ن.ءجانتورين اتىنداعى وبلىستىق فيلارمونيانىڭ ديرەكتورى عادىل دۇيسەنعاليەۆ.
باقىتگۇل باباش,
«ەگەمەن قازاقستان».
اتىراۋ
