وعان ۇلتتىق ەكونوميكا ءمينيسترى تيمۋر سۇلەيمەنوۆ قاتىسىپ, ەكونوميكالىق ءوسىمنىڭ جاڭا مودەلى, بيزنەستى دامىتۋ ءۇشىن قابىلداناتىن شارالار, ساۋدا قىزمەتى مەن تاريفتىك ساياساتتاعى جاڭالىقتار تۋرالى ايتىپ بەردى.
كەزدەسۋدە مينيستر بيىل ەلىمىزدە كاسىپكەرلىكتى جاپپاي دامىتۋ باعدارلاماسىنىڭ باستالاتىنىن, سونىڭ ارقاسىندا قازاقستان ازاماتتارىنا اۋىلدا نەمەسە قالادا ءوز بيزنەسى ءۇشىن 16 ميلليون تەڭگەگە دەيىن شاعىن نەسيە بەرىلەتىنىن ايتتى. سونداي-اق, ول الداعى ونجىلدىقتا جاڭا يندۋستريالاندىرۋ مەن دامۋدىڭ جاڭا مودەلىن قالىپتاستىرۋ ءۇشىن ەلدىڭ جاڭا تەحنولوگيالىق قۇرىلىسقا كوشۋىنىڭ بىرىڭعاي ستراتەگياسى ازىرلەنەتىنىن, وسى ماقساتتا «قازاقستاننىڭ ۇلتتىق تەحنولوگيالىق باستاماسى» قازاقستان-2025 ستراتەگيالىق جوسپارى جاسالاتىنىن اتاپ ءوتتى.
ودان كەيىن ول ەلىمىزدەگى مەملەكەت-جەكەمەنشىك ارىپتەستىگىنىڭ دامۋى تۋرالى اڭگىمەلەدى.
– قابىلدانعان زاڭدار مەن جۇيەلى شارالاردىڭ ارقاسىندا مەملەكەت-جەكەمەنشىك ارىپتەستىگى جوبالارىن ازىرلەۋ مەن جۇزەگە اسىرۋ بويىنشا وڭىرلەردىڭ بەلسەندىلىگى ارتتى. بۇگىندە 40 جوبا بويىنشا كەلىسىم جاسالدى, ونىڭ ىشىندە رەسپۋبليكالىق ماڭىزداعى 48,9 ملرد تەڭگەنىڭ 3 ءمجا جوباسى بار, – دەدى ت.سۇلەيمەنوۆ.
ونىڭ ايتۋىنشا, تاعى دا 312 جوبانىڭ تۇجىرىمداماسى ازىرلەنۋدە. مەملەكەت-جەكەمەنشىك ارىپتەستىگى جوبالارىن جوسپارلاۋ رەسىمدەرى دە جەڭىلدەتىلەدى.
ال قازاقستاننىڭ ساۋدا ساياساتى مەن ينتەگراتسيالىق ۇدەرىستەر تۋرالى مينيستر وسى ماقساتتا ۇلتتىق ەكسپورتتىق ستراتەگيا ازىرلەنىپ جاتقانىن ايتتى.
ول قازاقستاننىڭ ەۋرازيالىق ەكونوميكالىق قوعامداستىققا قاتىسۋى ارىپتەس ەلدەرمەن ساۋدا-ساتتىق كەزىندەگى كەدەرگىلەردى جويۋعا, وتاندىق ءونىم شىعارۋ نارىعىن كەڭەيتۋگە جانە شەتەلدىك ينۆەستيتسيا تارتۋعا قاجەتتى جاعداي تۋعىزاتىنىن اتاپ كورسەتتى. ونىڭ ايتۋىنشا, قازىرگى كەزدە يرانمەن بولاشاقتا ەركىن ساۋدا ايماعىن قۇرۋعا اكەلەتىن ۋاقىتشا كەلىسىم جاساۋ تۋرالى كەلىسسوزدەر اياسىندا ەۋرازەق بويىنشا ارىپتەستەرمەن بىرلەسكەن اۋقىمدى جۇمىستار جۇرگىزىلۋدە.
داستان كەنجالين,
«ەگەمەن قازاقستان»
