مينيستر اباي ومىرىنە قاتىستى دەرەكتەرمەن تانىسا كەلە, شىڭعىستاۋ ءوڭىرىنىڭ تابيعاتى, تاريحي جەرلەر جايلى مول اقپاراتتان حاباردار بولدى.
مۋزەي ديرەكتورى بولات جۇنىسبەكوۆ قۇرمەتتى قوناققا ابايدىڭ ءتورت تىلدە شىققان ولەڭدەر جيناعىن سىيعا تارتتى. كەزدەسۋ بارىسىندا مينيستر ەرلان ساعاديەۆ ۇلى جازۋشى مۇحتار اۋەزوۆتىڭ تۋعانىنا 120 جىل تولۋىنا وراي جازۋشىنىڭ «اباي جولى» رومان-ەپوپەياسىنان ۇلتتىق ەتنو-مادەني كورىنىستەردى تاسقا قاشاي بىلگەن, بەلگىلى قولونەر شەبەرى سەرجان ءباشىروۆتىڭ ەكسپوزيتسياسىن كورىپ, وتە جوعارى باعا بەردى. ال شاكارىم ۋنيۆەرسيتەتىنىڭ رەكتورى مەيىر ەسكەندىروۆ مينيسترگە اباي مۋزەيىمەن ءوزارا رۋحاني تىعىز قارىم-قاتىناستا ەكەندىكتەرىن, بىرىگىپ عىلىمي-زەرتتەۋ جۇمىستارىن جۇرگىزىپ وتىرعاندىقتارىن ايتىپ ءوتتى.
راۋشان نۇعمانبەكوۆا
سەمەي
سۋرەتتى تۇسىرگەن اۆتور
