جيىنعا قازاقستان قارۋلى كۇشتەرى باس شتابىنىڭ ۇيىمداستىرۋ-جۇمىلدىرۋ جۇمىستارى دەپارتامەنتىنىڭ باسشىسى, گەنەرال-مايور ءمۇسلىم دايىروۆ, باس شتابتىڭ ۇيىمداستىرۋ-جۇمىلدىرۋ جۇمىستارى دەپارتامەنتى باسشىسىنىڭ ورىنباسارى – تولىمداۋ باسقارماسىنىڭ باسشىسى, پولكوۆنيك امانتاي ۇسەرباەۆ, قورعانىس مينيسترلىگى اسكەري-ءدارىگەرلىك كوميسسيا ورتالىعىنىڭ باسشىسى, پولكوۆنيك قانات سۇلتانعازين جانە قارۋلى كۇشتەردىڭ اسكەري پوليتسياسى باس باسقارماسىنىڭ باسشىسى, پولكوۆنيك تىلەۋحان باسقوجاەۆ قاتىستى.
سپيكەرلەر كوپ اتا-انالاردى الاڭداتىپ وتىرعان اسكەري الىمجەتتىكتىڭ جوق ەكەنىن اتاپ كورسەتتى. «ءبىزدىڭ قارۋلى كۇشتەردىڭ قۇرامىندا 70 پايىزداي كەلىسىمشارتپەن قىزمەت اتقاراتىن جوعارى ءبىلىمدى ازاماتتار بار. سولاردىڭ اراسىندا 30 پايىزدايى عانا مەرزىمدى اسكەري قىزمەتكە كەلەتىن ازاماتتار. قازىرگى ۋاقىتتا كازارمامىزدا بارلىق جاعداي جاسالعان. ءاربىر كازارمادا بەينەباقىلاۋ قويىلعان. اسكەرگە كەلگەن ءاربىر بوزبالامەن پسيحولوگ ماماندار جۇيەلى جۇمىس اتقارادى. اقپارات قۇرالدارىنىڭ بارلىعىنا ايتا كەتەيىن, ءبىزدىڭ قازىرگى قارۋلى كۇشتەرىمىزدەگى ءجۇيەلى جۇمىستىڭ ناتيجەسىندە ءالىمجەتتىك دەگەن جوق, – دەدى ا.ۇسەرباەۆ.
ەر-جىگىتتەر بولعان سوڭ ولاردىڭ اراسىندا ءتۇسىنىسپەۋشىلىك ورىن الىپ جاتاتىن جاعدايلار كەزدەسەتىنى جاسىرىن ەمەس. بىراق جۇيەلى ءتۇردە بولاتىن الىمجەتتىك جوق دەۋگە بولادى. «سوندىقتان, بارلىق اتا-انالارعا ايتارىم, بالالارىڭىزدى قورىقپاي وتان الدىنداعى بورىشىن وتەۋگە جىبەرە بەرىڭىزدەر. سەبەبى, ولار ءۇشىن بارلىق جاعداي جاسالعان», – دەدى تاعى دا امانتاي ۇسەرباەۆ.
2017 جىلدىڭ كوكتەمىندە قازاقستان رەسپۋبليكاسىنىڭ قارۋلى كۇشتەرىنە, باسقا دا اسكەرلەرى مەن ءاسكەري قۇرالىمدارىنا 1990-1999 جىلدارى تۋعان 16 مىڭنان اسا ازاماتتى شاقىرۋ جوسپارلانىپ وتىر.
راۋان قايدار,
«ەگەمەن قازاقستان»
