قوعامدىق كەڭەستە ىشكى ءىستەر ورگاندارى جۇيەسىندە مەديتسينالىق كومەك كورسەتۋ, قوعامدىق كەڭەسكە جولداناتىن نورماتيۆتىك- قۇقىقتىق اكتىلەر جوباسىنىڭ ءبىرىڭعاي تالاپتارىن ازىرلەۋ ءجانە ولاردى قاراستىرۋ مەرزىمىن قىسقارتۋ, سونداي-اق, ازاماتتار مەن پوليتسيا اراسىنداعى سەنىمگە نەگىزدەلگەن ءوزارا ءىس-قيمىلدى جاقسارتۋ جونىندەگى قوعامدىق تىڭداۋدى وتكىزۋگە دايىندىق ماسەلەلەرى قاراستىرىلدى.
وتىرىس بارىسىندا ءىىم ءجۇيەسىندە مەديتسينالىق قامتاماسىز ەتۋ جەكە قۇرامنىڭ جاۋىنگەرلىك قابىلەتىن قولداۋدىڭ نەگىزگى جانە مىندەتتى ەلەمەنتتەرىنىڭ ءبىرى ەكەنى اتاپ ءوتىلدى, ونىڭ قىزمەتتىك-جاۋىنگەرلىك ءمىندەتتەرىن ورىنداۋعا ۇنەمى دايىن بولۋى الەۋمەتتىك قورعالۋدىڭ نەگىزگى فاكتورى بولىپ تابىلادى.
2015 جىلى ءىىم-دە ەمحاناسى بار ورتالىق گوسپيتالدىڭ جاڭا عيماراتى قولدانىسقا ەنگىزىلدى, وندا تەراپيالىق, نەۆرولوگيالىق, حيرۋرگيالىق, كارديولوگيالىق, رەانيماتسيالىق بولىمشەلەر, سونداي-اق, تراۆماتولوگيالىق, ۋرولوگيالىق, فيزيوتەراپيالىق ءجانە وڭالتۋ بولىمشەلەرى جۇمىس ءىستەيدى.
دەگەنمەن, ىشكى ىستەر ورگاندارىنىڭ وڭىرلەردەگى دەربەس ەمحانالارىندا جانە ەمحاناسى بار گوسپيتالدارىندا ەسكى مەديتسينالىق قوندىرعىلارعا قاتىستى ماسەلەلەر بار. بۇعان قوسا, اتىراۋ, قىزىلوردا ءجانە ماڭعىستاۋ وبلىستارىندا گوسپيتالدارعا ارنالعان جاڭا عيماراتتار سالۋ, ال قالعان ءوڭىرلەردەگى وسىنداي عيماراتتارعا كۇردەلى ءجوندەۋ جۇرگىزۋ قاجەت.
وتىرىستىڭ قورىتىندىسى بويىنشا قوعامدىق كەڭەستىڭ مۇشەلەرىنە, سونداي-اق, مينيسترلىك قىزمەتتەرىنىڭ باسشىلارىنا قارالعان ءماسەلەلەر بويىنشا ناقتى تاپسىرمالار بەرىلدى.
