التىنشى رەت ۇيىمداستىرىلعان القالى جيىنعا 400-دەن استام جاس دارىندار جينالدى, دەپ حابارلايدى ينستيتۋتتىڭ ءباسپاسوز قىزمەتى.
ولاردىڭ اراسىندا قازاقستاننىڭ بارلىق ايماعىنداعى ورتا مەكتەپ پەن جوعارى وقۋ ورىندارىنىڭ ستۋدەنتتەرى, ماگيسترانتتارى مەن دوكتورانتتارى بار. سونداي-اق, شاراعا تانىمال تاريحشىلار مەن بەلگىلى عالىم-زەرتتەۋشىلەر, قازاقستان, جاپونيا جانە قىرعىزستاننىڭ ارنايى ءبىلىم بەرۋ مەكەمەلەرىنىڭ قىزمەتكەرلەرى دە شاقىرىلعان.
پەداگوگيكالىق وقۋ ورنى كونفەرەنتسيانى ەلىمىزدەگى جاس عالىمداردىڭ شىعارماشىلىق قابىلەتىن شىڭداۋ ءۇشىن ەكى جىلدا ءبىر رەت ۇيىمداستىرادى. بيىلعى كەڭەس تارمپي-دىڭ 50 جىلدىعىنا ارنالىپ وتىر.
تاراز مەملەكەتتىك پەداگوگيكالىق ينستيتۋتىنىڭ تاربيە ءىسى جانە الەۋمەتتىك ماسەلەلەر جونىندەگى پرورەكتورى ورىنقىز جولداسوۆا ينستيتۋت رەكتورى داريا قوجامجاروۆانىڭ كونفەرەنتسياعا قاتىسۋشىلارعا جولداعان قۇتتىقتاۋ حاتىن وقىپ بەردى.
– مەملەكەت باسشىسى نۇرسۇلتان نازارباەۆ ەلىمىزدى عىلىمي-يننوۆاتسيالىق سالادا زور سەرپىلىس جاساپ, ەۋرازيالىق كەڭىستىكتە وسى سالانىڭ كوشباسشىلاردىڭ ءبىرى بولۋ كەرەكتىگىن مىندەتتەدى. قازىرگى كۇندە جان-جاقتى دامىعان عىلىمسىز وركەنيەتتى مەملەكەتتەردىڭ قاتارىنا قوسىلۋ مۇمكىن ەمەس ەكەنى بارشاعا بەلگىلى اقيقات. سىزدەر – سول عىلىم الەمىندە باق سىناپ جۇرگەن جاس ۇرپاقتىڭ وكىلدەرىسىزدەر. تۋراسىن ايتساق, سىزدەردىڭ بولاشاقتارىڭىز – ەلدىڭ بولاشاعى, ۇلتتىڭ ەرتەڭى. الدىمىزعا قويىپ وتىرعان بۇل مىندەتتەر اسا اۋقىمدى. ول ءۇشىن بارىمىزگە ۇلكەن كۇش-قايرات, ەرىك پەن جىگەر كەرەك. باستىسى ءبىلىم مەن عىلىم كەرەك. قازاقستان ەكونوميكاسىنىڭ وزەگى ءبىلىم مەن عىلىمعا نەگىزدەلۋى قاجەت. سوندا عانا جوسپارىمىز ورىندالىپ, كوزدەگەن ماقسات ۇدەسىنەن شىعاتىنىمىزعا سەنىمدىمىز, – دەلىنگەن رەكتور قۇتتىقتاۋىندا.
كونفەرەنتسيا بارىسىندا تاراز مەملەكەتتىك پەداگوگيكالىق ينستيتۋتىنىڭ ساياساتتانۋ عىلىمدارىنىڭ PhD دوكتورانتى, ءبىلىم عىلىمدارىنىڭ PhD دوكتورانتى ءلاززات يليمحانوۆا «اكادەميالىق حاتتاردىڭ قازاقستان عىلىمىنداعى ماڭىزى: الەمدىك تەندەنتسيالار», قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ پروفەسسورى, پەداگوگيكا عىلىمدارىنىڭ دوكتورى گۇلنار مۇراتباەۆا «باعالاۋ ولشەمدەرى – ءبىلىم ساپاسىن باقىلاۋدىڭ سەنىمدى قۇرالدارى», تاراز مەملەكەتتىك پەداگوگيكالىق ينستيتۋتىنىڭ دوتسەنتى, فيلولوگيا عىلىمدارىنىڭ كانديداتى گالينا بەدۋسەنكو «رول ديالوگا ۆ پروتسەسسە وبۋچەنيا رۋسسكومۋ يازىكۋ نەرۋسسكوي اۋديتوري», قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ PhD دوكتورانتى رايليا ىزماعامبەتوۆا «وقىتۋدىڭ يننوۆاتسيالىق ءادىس-تاسىلدەرى» جانە تاراز مەملەكەتتىك پەداگوگيكالىق ينستيتۋتى جانىنداعى ج. بالاساعۇن اتىنداعى تۇركىستان ولكەسىنىڭ تاريحىن زەرتتەۋ ورتالىعىنىڭ ديرەكتورى, تاريح عىلىمدارىنىڭ كانديداتى وردالى قوڭىراتباەۆ «تۇرار رىسقۇلوۆ جانە ورتالىق ازيا ستۋدەنتتەرى» تاقىرىپتارىندا باياندامالار جاسادى.
كونفەرەنتسيانىڭ باستى ماقساتى – جاس عالىمداردىڭ جاسامپازدىق الەۋەتىن دامىتۋ, ولاردى زاماناۋي عىلىمنىڭ ماڭىزدى ماسەلەلەرىن شەشۋگە بەلسەندى تۇردە تارتۋ, عىلىمي ءبىلىم بەرۋ كەڭىستىگىن دامىتۋ. سونداي-اق, جيىننىڭ تاعى ءبىر كوزدەگەنى – ىزدەنۋشىلەردىڭ ءوزارا بايلانىس ورناتۋلارىنا, تاجىريبە الماسۋلارىنا ىقپال جاساۋ. ايتا كەتۋ كەرەك, بۇل ورايدا تاراز مەملەكەتتىك پەداگوگيكالىق ينستيتۋتىندا «Kids University» جوباسى ىسكە اسىرىلۋدا.
بيىلعى كونفەرەنتسيا گۋمانيتارلىق جانە جاراتىلىستانۋ عىلىمدارى باعىتتارى بويىنشا وتكىزىلدى. اتالعان سەكتسيالارعا بارلىعى 500-دەن استامجۇمىس كەلىپ تۇسكەن.
شارا بارىسىندا قازاقستاندىق جاس ىزدەنۋشىلەردىڭ عىلىمي جەتىستىكتەرىنىڭكورمەسى وتكىزىلىپ, وتاندىق جانە شەتەلدىك عالىمداردىڭ جاستارعا ارنالعانشەبەرلىك سىنىپتارى جۇرگىزىلدى.
جامبىل وبلىسىنداعى كوكدونەن ورتا مەكتەبىنىڭ 9-سىنىپ وقۋشىسى باقنۇربايەليەۆ كونفەرەنتسياعا ەلدى مەكەندەردى اۋىز سۋمەن قامتاماسىز ەتۋگەارنالعان عىلىمي جاڭالىعىن الا كەلىپتى.
– ءبىزدىڭ اۋىلدا سۋ كۇندىز عانا اعادى. ول كەمشىلىكتى جويۋ ءۇشىن سۋدى قايتااينالمالى جولمەن ۇلكەن مۇناراعا قۇيىپ, جىبەرگىم كەلەدى. ەگەر تاۋلىك بويى سۋدى ۇزدىكسىز اعىزساق, ولاردى تىكەلەي ۇيگە قويىپ السا دا بولادى, – دەيدى ب.بايەليەۆ.
– وسكەلەڭ ۇرپاقتىڭ شىعارماشىلىق, عىلىمي-زەرتتەۋ جۇمىستارىن ناسيحاتتاۋ مەن ونى كەڭ كولەمدە جاريالاۋدا, ولاردىڭ تۇلعالىق دامۋدىڭ ءتاسىلى رەتىندەگى جوبالىق زەرتتەۋ ءىس-ارەكەتتەرىنە تارتۋدا جانە ءبىلىم بەرۋ ءۇردىسىنىڭ تيىمدىلىگىن كوتەرۋ مەن قولدانبالى عىلىمعا دەگەن قىزىعۋشىلىقتارىن دامىتۋدا وسى تاقىلەتتەس جيىنداردىڭ ماڭىزى زور, – دەيدى شارا ۇيىمداستىرۋشىلارى.
كونفەرەنتسياعا كەلىپ تۇسكەن ماتەريالدار نەگىزىندە ارنايى جيناق شىعارۋ كوزدەلىپ وتىر. بۇل ءوز كەزەگىندە ەلىمىزدەگى ىزدەنۋشى جاستارعا, عىلىمي جۇمىستارمەن اينالىساتىن عالىمدارعا جانە يننوۆاتسيالىق دامۋ ستراتەگياسىن جوسپارلاپ, جۇزەگە اسىرۋشىلار ءۇشىن ماڭىزدى تەوريالىق جانە ادىستەمەلىك كومەكشى قۇرال بولماق.
