كەزدەسۋ بارىسىندا جەڭىل رەلستى كولىك جەلىسىن سالۋ جوباسى تالقىلاندى.
ناتاليا حانجەنكوۆا وتكەن جىلدىڭ قورىتىندىسىندا الەم بويىنشا بانك بولگەن ينۆەستيتسيالار كولەمى جاعىنان قازاقستاننىڭ ەكىنشى ورىن العاندىعىن اتادى. ول ەۋروپالىق بانكتىڭ الماتىدا ۇزاق مەرزىمدى جوبالاردى جۇزەگە اسىرۋعا قاتىسۋعا ىنتالى جانە قالا اكىمدىگىنە قولداۋ كورسەتۋگە قاشاندا دايىن ەكەندىكتەرىن جەتكىزدى.
«ءبىز الماتىدا جرك جەلىسىنىڭ قۇرىلىسىن جۇرگىزۋدىڭ ستراتەگيالىق ماڭىزدى ەكەنىن كورىپ وتىرمىز. بۇل جوبا مەگاپوليستىڭ الەۋمەتتىك جانە ەكونوميكالىق دامۋىنا جاڭا سەرپىلىس بەرەتىن بولادى. سوڭعى بىرنەشە اي ىشىندە ونى قولعا الۋدا ەلەۋلى العاجىلجۋشىلىق بايقالادى», – دەدى ەقدب باسقارۋشى ديرەكتورى.
ەستەرىڭىزگە سالا كەتەيىك, قازىرگى كەزدە قالا اكىمدىگى جرك ۇزىندىعى 22,9 كم بولاتىن ءتيىمدى قارجى مودەلىنىڭ تەحنيكالىق شەشىمدەرىن جاساۋ ۇستىندە. جوبا قالا كولىك ينفراقۇرىلىمىن دامىتۋدىڭ, كەپتەلىس جانە ەكولوگيا ماسەلەلەرىن شەشۋ مەن جولاۋشى تاسىمالىنىڭ ساپاسىن ارتتىرۋدىڭ ءبىر بولىگى بولىپ ەسەپتەلەدى.
ايناش ەسالي,
«ەگەمەن قازاقستان»
