«التاي» قازاقستان كۋبوگىنا قاتىسۋدان باس تارتقاندا ءبىر نارسەنىڭ شيكى ەكەنى ءبىلىندى. بىراق ۇجىم شىمكەنتتە وقۋ-جاتتىعۋ جيىنىن وتكىزگەن بولاتىن. شاماسى كلۋب باسشىلارى ءوزارا بىرنارسەنى شەشە الماي جاتقان سياقتى. سەبەبى, كوپ نارسە تۇسىنىكسىز. مەنىڭشە, بۇل ىسكە قازاقستان فۋتبول فەدەراتسياسى ارالاسۋى كەرەك. قاجەت بولسا, جانكۇيەرلەرمەن, اكىمدەرمەن كەزدەسۋ ۇيىمداستىرعانى ءجون بولار ەدى. ەگەر «التاي» كلۋبى جابىلىپ قالاتىن بولسا, جەرگىلىكتى اكىمدىككە, قازاقستان فۋتبول فەدەراتسياسىنا ۇلكەن سىن بولادى», – دەدى ايگىلى قاقپاشى.
سونىمەن قاتار, كيپرگە جانە ارمەنياعا قارسى ويىنداعى ۇلتىق قۇرامانىڭ دەڭگەيىن سىنعا الدى.
«وسىعان دەيىن ايتقانىمداي, الەم چەمپيوناتىنىڭ ىرىكتەۋ كەزەڭى اياقتالعانعا دەيىن تالعات بايسۋفينوۆ ءوز ورنىندا قالۋى كەرەك ەدى. بۇل كەزەڭ اياقتالعاننان كەيىن باپكەرلەر قۇرامى جايلى شەشىم قابىلداسا دۇرىس بولادى. ال سوڭعى ويىنداردا ۇلتتىق قۇرامامىز قازاقستان چەمپيوناتىنىڭ دەڭگەيىن انىق كورسەتتى. ارينە, فۋتبولشىلارىمىزدىڭ ءوز دەڭگەيىن ارتتىرعانىن قالار ەدىم. سەبەبى, «قايرات» پەن «استانانىڭ» ويىنشىلارىن ەسەپتەمەگەندە وزگەلەرى بارىن سالىپ وينامايدى. وسىدان كەيىن ولارعا بوستان-بوس جالاقى تولەنىپ ءجۇر مە دەگەن ويدا قالامىز. بۇل دۇرىس ەمەس», – دەدى قۇرالبەك ورداباەۆ.
«قازاقستان چەمپيوناتىنا كەلەر بولساق, چەمپيوندى انىقتاۋ ازىرگە ەرتە سياقتى. سەبەبى, «قايراتتىڭ» ءوزى بىرنەشە ۇپايىنان ايىرىلىپ قالدى. ونىڭ ۇستىنە جىگىتتەردىڭ قانداي الاڭدا ويناپ جۇرگەنىن دە ەسكەرۋىمىز كەرەك. سەبەبى, تارازدا, قىزىلوردادا, زاتوبولدا فۋتبولشىلاردىڭ ويناپ جۇرگەن جەرىن كورسەڭىزدەر. ءوز باسىم جاساندى الاڭعا قارسى ەمەسپىن. بىراق ول فيفا-نىڭ بارلىق تالابىنا ساي كەلمەيدى. ەلىمىزدە «قايراتتىكىنە» ەشقايسىسى جەتپەيدى. ەلوردالىقتار جاساندى الاڭىن اۋىستىرۋ تۋرالى دۇرىس شەشىم قابىلدادى. سەبەبى, «استانا ارەنانى» سىنعا العاندار كوپ بولدى», – دەدى ول.
«مۇنداي كەمشىلىككە رەنىش بىلدىرگەن فۋتبولشىلار دا, جاتتىقتىرۋشىلار دا كوپ. مىنە, وسىدان كەلىپ, ەكى نارسەنى تۇيۋگە بولادى. ءبىرىنشىسى – ساپالى الاڭداردىڭ جوقتىعى, ەكىنشىسى – قازاقستاندىق فۋتبولشىلاردىڭ دەڭگەيىنىڭ تومەندىگى. ەلىمىزدە فۋتبول دامىپ جاتىر دەپ جار سالامىز, ال ۇلتتىق قۇرامامىز جەڭىلىستەن كوز اشپاي كەلەدى. دەگەنمەن, ۋاقىت وتە كەلە بارى وزگەرەدى دەپ ۇمىتتەنەمىن», – دەدى ورداباەۆ.
ايتا كەتەيىك, «التاي» بىرەر اي بۇرىن قازاقستان پرەمەر-ليگاسىنان شەتتەتىلگەن بولاتىن. فەدەراتسيانىڭ مۇنداي شەشىم قابىلداۋىنا شىعىسقازاقستاندىقتاردىڭ جاڭا ماۋسىم الدىندا سەرتيفيكاتسيادان وتە الماۋى سەبەپ بولدى. ونىڭ ورنىن «تاراز» باستى. ال بىرنەشە كۇن بۇرىن قارجىلىق قيىندىقتارعا بايلانىستى ەل كۋبوگىنا قاتىسۋدان دا باس تارتتى.
