نۇركەن ءابدىروۆ اۋىلدىق وكرۋگىندەگى 9 ءۇيدى سۋ شايىپ كەتكەن. ايماقتاعى توتەنشە جاعدايدى قالىپقا كەلتىرۋگە 80-نەن استام ادام مەن 12 كولىك جۇمىلدىرىلعان.
ال شەت اۋدانىنىڭ اعادىر كەنتىندە تاۋ بوكتەرىندەگى قار ەرىپ, قىزىل سۋ تۇرعىن ۇيلەرگە جاقىنداپ كەلەدى. ەرىگەن سۋ جىرالارعا تولىپ, التى اۋلا مەن ءبىر ءۇيدى شايىپ كەتكەن. قازىرگى تاڭدا سۋدى بۇرىپ, قۇم تولتىرىلعان قاپتاردى توسەۋ بويىنشا جۇمىستار جۇرگىزىلىپ جاتىر. اتالعان جۇمىستارعا 72 ادام مەن 12 ارنايى كولىك قۇرالدارى تارتىلعان. وبلىستا قاۋىپتى جويۋ ماقساتىندا تاسقىنعا قارسى جەدەل شتاب جۇمىس ىستەۋدە. سۋ دەڭگەيى تومەندەپ كەلەدى.
ميراس اسان,
«ەگەمەن قازاقستان»
قاراعاندى وبلىسى
