وتىرىسقا جەتەكشىلىك ەتكەن استانا قالاسى اكىمىنىڭ ورىنباسارى ەرمەك امانشاەۆ بۇگىنگى تاڭدا استانا قالاسىندا 12 جەكسەنبىلىك مەكتەپ جۇمىس ىستەيتىنىن جانە ول جەرلەردە 600-گە جۋىق قاتىسۋشى بەلسەندى ءبىلىم الىپ, ۇلتتىق قۇندىلىقتار جونىندە تانىم-تۇسىنىكتەرىن كەڭەيتىپ جاتقانىن اتاپ ءوتتى. ال ءماجىلىس توراعاسىنىڭ ورىنباسارى ۆلاديمير بوجكو بۇل كەزدەسۋ اسسامبلەيانىڭ كەزەكتى سەسسياسىنا دايىندىقتى پىسىقتاۋ ەكەندىگىن تىلگە تيەك ەتتى.
«بۇگىن ءبىز قحا دەپۋتاتتىق توپ وكىلدەرى استانا قالاسىنداعى ەتنومادەني بىرلەستىكتەردىڭ بەلسەندى مۇشەلەرىمەن كەزدەسىپ, اسسامبلەيانىڭ كەزەكتى سەسسياسىنا دايىندىقتى پىسىقتاۋ ۇستىندەمىز. XXV سەسسيانىڭ كۇن تارتىبىنە شىعارىلىپ, تالقىلاناتىن ماسەلەلەردى وسىنداي باسقوسۋلار ارقىلى ناقتىلاۋدامىز. ارينە, ءبىزدىڭ ايتاتىن اڭگىمەمىز قاي كەزدە دە تاتۋلىق پەن بەيبىتشىلىك بولۋى ءتيىس. ويتكەنى, ىنتىماق, بىرلىك, كەلىسىم بولماعان جەردە قارىشتى داميتىن ەكونوميكا دا, ءوسىپ-وركەندەيتىن كاسىپورىن نەمەسە ساپالى قىزمەت كورسەتۋ سالاسى دا كەڭ قانات جايمايدى. سوندىقتان دا مۇنداي كەڭەستەردى الداعى ۋاقىتتا رەسپۋبليكامىزدىڭ بارلىق وڭىرلەرىندە ۇيىمداستىرۋدى جوسپارلاپ وتىرمىز. ال بۇگىنگى باسقوسۋدا تالقىلانۋى ءتيىس تاقىرىپ – قحا اياسىنداعى مادەني بىرلەستىكتەردى قارجىلاندىرۋدىڭ مۇمكىندىگىن ارتتىرۋ مەن قازاق ءتىلىن وقىتىپ, ۇيرەتۋ ارقىلى ونىڭ قولدانىس اياسىن كەڭەيتۋ بولىپ تابىلادى», – دەدى ۆ.بوجكو.
سونداي-اق, كەزدەسۋ بارىسىندا قوعام دامۋىنىڭ وزەكتى ماسەلەلەرىن شەشۋدەگى قازاقستان حالقى اسسامبلەياسىنىڭ ءرولىن ارتتىرۋ جايى ايتىلىپ, ەتنوسارالىق جانە كونفەسسياارالىق قارىم-قاتىناستاردى ۇيلەستىرۋ سالاسىندا ەل پارلامەنتىنىڭ قحا مەن مەملەكەتتىك ورگاندارمەن جانە ازاماتتىق قوعام ينستيتۋتتارىمەن ءوزارا ءتيىمدى ءىس-قيمىلدارىن قامتاماسىز ەتۋدىڭ نەگىزگى باعىتتارى ءسوز بولدى.
ەستەرىڭىزگە سالا كەتەيىك, كەلەر ايدىڭ سوڭعى سارسەنبىسىندە استاناداعى بەيبىتشىلىك جانە كەلىسىم سارايىندا «جاڭعىرۋدىڭ نەگىزى – تۇراقتىلىق, بىرلىك, كەلىسىم» كۇن تارتىبىمەن قازاقستان حالقى اسسامبلەياسىنىڭ XXV سەسسياسى وتەدى دەپ كۇتىلۋدە.
نۇرلىبەك دوسىباي,
«ەگەمەن قازاقستان»
