وسى ماقساتتا, ماقتاارال اۋدانىندا اۋىلشارۋاشىلىعى كووپەراتيۆتەرىن قۇرۋدى ۇيىمداستىرۋ, كووپەراتيۆتەردى مەملەكەتتىك قولداۋ قۇرالدارى مەن ونىڭ ءتيىمدى جولدارى تۋرالى مامانداندىرىلعان كەزەكتى كوشپەلى سەمينار ءوتتى.
وڭتۇستىك قازاقستان وبلىسى اكىمدىگىنىڭ ۇيىمداستىرۋىمەن وتكەن «كووپەراتسيا-اگرو-ونەركاسىپ كەشەنىن دامىتۋدىڭ نەگىزى» اتتى سەميناردا ماقتا مەن قارقىندى باۋ شارۋاشىلىعىن دامىتۋ جايى ايتىلدى.
اگروونەركاسىپ كەشەنىن دامىتۋدىڭ جاڭا مەملەكەتتىك باعدارلاماسى اياسىندا اۋداندا 87 اۋىل شارۋاشىلىعى وندىرىستىك كووپەارتيۆتەرى قۇرىلدى. اشىلعان اۋىل شارۋاشىلىعى وندىرىستىك كووپەراتيۆتەرگە تەحنيكا الۋعا, اعىن سۋمەن قامتاماسىز ەتۋگە, مينەرالدى تىڭايتقىشتار تاسىمالداۋعا, ەنتوموفاكتار ءوندىرۋ ءۇشىن مەملەكەت تاراپىنان ءتۇرلى قولداۋلار كورسەتىلۋدە.
سەمينارعا جەتەكشىلىك ەتكەن وقو اۋىل شارۋاشىلىعى باسقارماسى باسشىسىنىڭ ورىنباسارى اسقار قانىبەكوۆ وڭىردەگى ماقتا ەگىسىنىڭ 80% ماقتارال اۋدانىنا تيەسىلى ەكەنىن ايتىپ, ءونىمنىڭ تۇسىمدىلىگىن ارتتىرۋعا كۇش سالۋ كەرەكتىگىن جەتكىزدى. ماقتارالدىق شارۋالار ماقتا ء شيتىنىڭ تۇقىمىن ء الى دە كورشىلەس ەلدەردەن الىپ كەلەتىنىن ايتىپ, مەملەكەت تۇقىم شارۋاشىلىعىن وزىمىزدە دامىتۋعا ەرەكشە كوڭىل ء بولىپ, ارنايى وسى باعىتقا سۋبسيديا ءبولىپ وتىرعاندىعىن اتاپ ءوتتى.
سەمينارعا جينالعاندار ماقتا مەن جەمىس-جيدەك ءوسىرۋ بويىنشا شەبەرلىكتەرىن شىڭداپ, وسى سالاداعى وزىق تەحنولوگيالارمەن تانىستى. جيىندا ماقتا شارۋاشىلىعىن دامىتۋ, وعان مەملەكەتتەن بەرىلەتىن جەڭىلدىكتەردى الۋ بويىنشا «نۇر-كەتەباي» وندىرىستىك كووپەراتيۆ باسشىسى ء سادۋ بەكەنوۆ ء وز تاجىريبەسىمەن ءبولىستى.
اتالعان كووپەراتيۆ 2016 جىلى قايتا جاساقتالىپ قۇرىلسا, بۇگىندە مۇندا 242 شارۋا مۇشەلىككە ەنگەن. بىرلىك پەن ەسەلى ەڭبەكتىڭ ارقاسىندا 1125 گا جەردى يگەرىپ وتىر.
ايتا كەتەيىك, وتكەن جىلى ماقتارال اۋدانىندا 83 مىڭ گەكتاردان استام جەرگە ماقتا داقىلى ەگىلىپ, ورتاشا ونىمدىلىك 26,3 تس/گا قۇرادى. ياعني ماقتارالدىق ديقاندار 218,5 مىڭ توننا اق التىن جيناپ العان. ال اۋدانداعى ەگىستىكتەردى ءارتاراپتاندىرۋ جۇمىستارىنىڭ ناتيجەسىندە بيىلعى جىلى بولجامدىق مالىمەتتەرگە سايكەس اۋدان شارۋالارى 80 مىڭ گا القاپقا ماقتا داقىلىن ەگۋدى جوسپارلاپ وتىر.
