شوتلانديا پارلامەنتى تاۋەلسىزدىك تۋرالى قايتا رەفەرەندۋم وتكىزۋ تۋرالى ۇسىنىستى قابىلدادى, دەپ حابارلايدى BBC.
دەپۋتاتتار 2018 جىلدىڭ كۇزى مەن 2019 جىلدىڭ كوكتەمى اراسىندا ماسەلەنى قايتا داۋىسقا سالۋعا كەلىستى.
جاڭا رەفەرەندۋم وتكىزۋدى قولداپ وڭىرلىك پارلامەنتتىڭ 69 دەپۋتاتى داۋىس بەرسە, 59-ى قارسى شىقتى.
ايتا كەتەيىك, شوتلانديا بريتانيانىڭ ەو-دان شىعۋىنا قارسىلىق بىلدىرۋدە.
بريتانيادا ەو-دان شىعۋ تۋرالى رەفەرەندۋم كەزىندە شوتلانديانىڭ 62 پايىزى برەكسيتكە قارسى بولعان ەدى.
ستەردجەن بريتانيادان تاۋەلسىزدىك الاتىنى تۋرالى سۇراۋ جىبەرۋى ءۇشىن الدىمەن جەرگىلىكتى پارلامەنتتىڭ ماقۇلداۋىن الۋى ءتيىس.
ءوز كەزەگىندە بريتانيا ۇكىمەتى شوتلانديانىڭ برەكسيتپەن قاباتتاسىپ ءوز تاۋەلسىزدىكتەرىنە ۇمتىلۋىن مۇلدە قولدامايتىنىن جانە وعان بارلىق جولدى جاۋىپ تاستايتىنىن مالىمدەگەن ەدى.
2014 جىلدىڭ قىركۇيەگىندە مۇنداي رەفەرەندۋم شوتلانديادا وتكەن. ول كەزدە تاۋەلسىزدىك الۋعا ۇمتىلۋشىلار جەڭىلىپ قالعان. داۋىس بەرگەندەردىڭ 55,3 پايىزى تاۋەلسىزدىككە قارسىلىق تانىتقان ەدى.
