كونفەرەنتسياعا بەلگىلى الاشتانۋشى عالىمدار, وبلىستىڭ زيالى قاۋىم وكىلدەرى, مەملەكەتتىك قۇرىلىمدار جانە ۇكىمەتتىك ەمەس ۇيىم مۇشەلەرى مەن جوعارى جانە ارناۋلى وقۋ ورىندارىنان كەلگەن وقىتۋشى-پروفەسسورلار, ستۋدەنت-جاستار قاتىستى.
الاش مۇراسىنا ارنالعان جيىندى قىزىلوردا وبلىسىنىڭ اكىمى قىرىمبەك كوشەرباەۆتىڭ العى سوزىمەن اشتى. عىلىمي-تەوريالىق كونفەرەنتسيا بارىسىندا ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى, قر ۇعا كوررەسپوندەنت-مۇشەسى, تاريح عىلىمدارىنىڭ دوكتورى, پروفەسسور حانگەلدى ءابجانوۆ, حالىقارالىق تۇركى اكادەمياسى ۇيىمىنىڭ پرەزيدەنتى, «ەگەمەن قازاقستان» رەسپۋبليكالىق گازەتى» اق باسقارما توراعاسى, تاريح عىلىمدارىنىڭ دوكتورى دارحان قىدىرالى, قر پارلامەنتى سەناتىنىڭ دەپۋتاتى, ساياساتتانۋ عىلىمدارىنىڭ دوكتورى, پروفەسسور مۇرات باحتيار ۇلى, گازي ۋنيۆەرسيتەتىنىڭ قاۋىمداستىرىلعان پروفەسسورى (تۇركيا), تاريح عىلىمدارىنىڭ دوكتورى گۇلجانات قۇرمانعاليەۆا, وزبەكستان عىلىم اكادەمياسى تاريح ينستيتۋتىنىڭ ءبولىم مەڭگەرۋشىسى, تاريح عىلىمدارىنىڭ دوكتورى, پروفەسسور كاحرامون رادجابوۆ, مەملەكەت تاريحى ينستيتۋتىنىڭ باس عىلىمي قىزمەتكەرى, تاريح عىلىمدارىنىڭ كانديداتى كۇلپاش ءىلياسوۆ بايانداما جاسادى.
كونفەرەنتسيا اياسىندا الاشورداشىلار مەن الاشتانۋشى عالىمداردىڭ ارنايى كىتاپ كورمەسى قويىلدى.
ەرجان بايتىلەس,
«ەگەمەن قازاقستان».
