«استانادا 9 قىركۇيەكتە وتەتىن كاسىپقوي بوكس كەشى «سارىارقا» ۆەلوترەگىندە وتەدى. سپورت كەشەنىنىڭ سىيىمدىلىعى 10 مىڭ ادام. رينگ اينالاسىنا 2-3 مىڭ ورىندىق قويۋعا بولادى. باس-اياعى 13 مىڭعا جۋىق جانكۇيەر كەلەدى دەپ كۇتىلۋدە. جەكپە-جەك الدىندا 3 ءباسپاسوز ءماسليحاتى جانە اشىق جاتتىعۋ وتەدى. جەكپە-جەك بىتىسىمەن, سارىارقا ۆەلوترەگىنىڭ ءباسپاسوز زالىندا بوكسشىلاردىڭ قاتىسۋىمەن رەسمي ءباسپاسوز ءماسليحاتىن جاسايمىز. ەسكەرتە كەتەتىن ءبىر جايت "الماتى ارەنادا" وتكەن كاسىپقوي بوكس كەشىندە 15 مىڭعا جۋىق حالىق كەلىپ, بيلەت جەتپەي كىرە الماي قالعاندارى وتە كوپ بولدى. سول ءۇشىن بيلەت ساتىلىمعا شىعا سالىپ, تەزىرەك الىپ قويۋلارىڭىزدى سۇرانامىز. بيلەت شامامەن تامىز ايىنىڭ 1 جۇلدىزىندا ساتىلىمعا شىعادى. بۇل جولى دا باعالارى قولجەتىمدى بولادى. ايتا كەتەيىك, كاسىپقوي بوكس كەشىنىڭ باستى جەكپە-جەگىندە جەڭىلمەگەن بوكسشى قانات يسلام جۇدىرىقتاسادى. سونداي-اق, ەلىمىزدىڭ ماقتانىشى, الەم چەمپيونى بەيبىت شۇمەنوۆ تە وسى بوكس كەشى اياسىندا جەكپە-جەك وتكىزەدى دەپ كۇتىلۋدە. باسقا دا كاسىپقوي بوكسشىلارمەن كەلىسسوزدەر جۇرگىزىلۋدە», – دەپ جازدى بەرىك سۇلتان.
ايتا كەتەيىك, مادەنيەت جانە سپورت ءمينيسترى ارىستانبەك مۇxامەدي ۇلى بوكس كەشىنىڭ 9 قىركۇيەككە بەلگىلەنگەنىن ايتتى. بىراق مينيسترلىكتىڭ ءباسپاسوز قىزمەتىنىڭ xابارلاعانىنداي, بۇل الدىن الا مەرزىمى. جۇمىس بارىسىندا بۇل كۇن ءالى دە وزگەرۋى مۇمكىن.
وسىعان دەيىن قانات يسلامنىڭ جاتتىعۋعا كىرىسكەنى حابارلانعان. استانادا وتەتىن بوكس كەشىنە دەيىن ول ءبىر رەت شارشى الاڭعا شىعۋدى جوسپارلاپ وتىر. الداعى ون كۇننىڭ ىشىندە قارسىلاسى مەن وتەتىن ورنى جانە كۇنى بەلگىلى بولادى.
ال بەيبىت شۇمەنوۆ 29 ءساۋىر كۇنى لاس-ۆەگاستا (اقش) كۋبالىق يۋنيەر دورتيكوسپەن كۇش سىناسادى.
