2030 جىلعا قاراي ەلوردانىڭ تۇرعىن ءۇي قورى 2 ەسەدەن ارتىق كوبەيىپ, 37 ملن شارشى مەترگە جەتەدى. سونىڭ ىشىندە كوپپاتەرلى ۇيلەر كولەمى 32 ملن شارشى مەتر بولسا, جەر ۇيلەر 5 ملن شارشى مەترگە جەتەدى دەگەن بولجام بار.
قۇرىلىس جۇمىستارى بوس جاتقان 6,9 مىڭ گەكتار جەرگە جۇرگىزىلمەك. سونىمەن قاتار, 2,5 مىڭ گەكتار جەردى الىپ جاتقان اپاتتى ۇيلەردى ءسۇرىپ, ونىڭ ورنىنا جاڭا تۇرعىن ءۇي سالۋ دا قاراستىرىلعان.
ايتا كەتەرلىگى, 2030 جىلعا دەيىن جەكە تۇرعىن ءۇي قۇرىلىسىنىڭ جالپى قۇرىلىستاعى ۇلەسى 15,7 پايىزدى قۇراماق. سول ۋاقىتقا دەيىن استانا حالقى 1 ملن 220 مىڭعا دەيىن كوبەيدى دەگەن بولجام بار.
جەر ۇيلەر ەرەيمەنتاۋ, قاراعاندى تاس جولى مەن وڭتۇستىك-شىعىس باعىتىنداعى جەرلەرگە, قوسشى اۋىلى, قورعالجىن مەن قوستاناي باعىتتارىنداعى جول بويىنا سالىنۋ جوسپارلانعان.
