قويىلىمنىڭ باستى كەيىپكەرلەرى اقان سەرى مەن اقتوقتى رولدەرىن تەاتردىڭ جاس اكتەرلەرى ەرنات مۇحامەتحانوۆ پەن الميرا ايتجانوۆا سومدادى. تەاتردىڭ قاناتبەك نيازبەكوۆ, سايراش قوپاباەۆا, تۇرسىنبەك دۇزباەۆ سىندى ساقا اكتەرلەرى حازىرەت, دامەلى (اقتوقتىنىڭ شەشەسى), قوڭقاي (اقتوقتىنىڭ اكەسى) بەينەلەرىن ساتىمەن الىپ شىعا ءبىلدى. جالمۇقان (سىرىم ماراتبەك), ءمارزيا ء(مادينا يسينا), مىلقاۋ (قاميت قالىق), سەيىت (جاسۇلان سەركەتاەۆ), مۇرات (ميراس رازحانوۆ), سەردالى اقىن (قايرات مۇقىشەۆ), بالتا (دارحان سادىباەۆ), قاراساقال (ارىستانبەك مۇقيات), جىلكەلدى (ەرتاي حاسەنوۆ) رولدەرىندەگى ونەرپازداردىڭ ونەرىن دە كوپشىلىك جىلى قابىلدادى.
− تەاترىمىزدا 2000 جىلى «قوزى كورپەش-بايان سۇلۋ» قويىلعان ەدى. سودان بەرگى ۋاقىتتا ەشقانداي كلاسسيكا قويىلمادى. «اقان سەرى-اقتوقتى» سىندى كۇردەلى قويىلىمدى نە ءۇشىن قويىپ وتىرمىز؟ بىرىنشىدەن, بۇل كورەرمەندەر ءۇشىن قاجەت. ەكىنشىدەن, اكتەرلەردىڭ شەبەرلىگىن ارتتىرۋ ءۇشىن كەرەك. عابەڭ سەكىلدى كلاسسيك جازۋشىلاردىڭ كوركەم سوزدەرى تەاتر اكتەرلەرىنىڭ تانىم كوكجيەگىن كەڭەيتە تۇسەرى انىق. بۇل تۋىندى قازىر رەسپۋبليكادا سيرەك ساحنالانادى. قازىر الماتىداعى م.اۋەزوۆ تەاترى مەن ءبىزدىڭ تەاتردا قويىلىپ جاتىر. پرەمەرانى حالىق وتە جاقسى قابىلدادى. اتا-اجەلەرىمىز دە, ورتا بۋىن وكىلدەرى دە, جاستار دا وسىنداي كلاسسيكالىق دۇنيەلەردىڭ كەرەك ەكەندىگىن ايتىپ, جىلى لەبىزدەرىن ءبىلدىردى. جوسپارىمىز كوپ. قازىر ءارتۇرلى جانرداعى قويىلىمداردى دايىنداپ جاتىرمىز. الداعى ۋاقىتتا كورە جاتارسىزدار, – دەيدى تەاتردىڭ كوركەمدىك جەتەكشىسى ساحان اكەلەەۆ.
ازامات قاسىم, «ەگەمەن قازاقستان»
وسكەمەن
