ەكى جاقتىڭ اراسىنداعى ساۋدا-ساتتىق پەن ىنتىماقتاستىقتى نىعايتاتىن اتالمىش فورۋمدا ۆ2ۆ فورماتىندا كەلىسسوزدەر جۇرگىزىلىپ, وندا وڭتۇستىكقازاقستاندىق دەلەگاتتار فارم ونىمدەرى نارىعىنىڭ ءورىسىن كەڭەيتۋگە قول جەتكىزدى.
ياعني, بيزنەس وكىلدەرىنىڭ باسى بىرىككەن جيىندا «وڭتۇستىك قازاقستان فارماتسەۆتيكالىق كلاستەر قاۋىمداستىعى» زاڭدى تۇلعالار بىرلەستىگىنىڭ پرەزيدەنتى ب.نۇرماشەۆ پەن وزبەكستاندىق «ۋزفارمسانوات» مەملەكەتتىك اكتسيونەرلىك كونتسەرن باسقارما توراعاسى م.دۋسمۋراتوۆ كاسىپورىندار اراسىنداعى ءوزارا ىنتىماقتاستىق جونىندەگى مەموراندۋمعا قول قويدى. ناتيجەسىندە, تاشكەنت پەن شىمكەنت قالاسىندا ەكى ەلدىڭ فارماتسەۆتيكا كومپانيالارىنىڭ ونىمدەرى ساتىلاتىن ساۋدا ءۇيى اشىلماق. ياعني, وزبەكستاندا اشىلاتىن ساۋدا ۇيىندە وقو فارماتسەۆتيكا كومپانيالارىنىڭ ونىمدەرى ساتىلسا, شىمكەنت قالاسىندا اشىلاتىن ساۋدا ۇيىندە وزبەكستاندىق فارم ونىمدەرى ساۋدالانادى.
ايتا كەتەيىك, رەسپۋبليكاداعى ءوندىرىلىپ جاتقان فارماتسەۆتيكالىق پرەپاراتتاردىڭ جارتىسىنا جۋىعى وڭتۇستىكتىڭ ۇلەسىندە. بۇل ەلىمىزدە فارماتسەۆتيكا كلاستەرى دامىعان بىردەن-ءبىر ءوڭىر - وڭتۇستىك قازاقستان ەكەنى انىق.
ەستەرىڭىزگە سالساق, وتكەن اپتادا وزبەكستان رەسپۋبليكاسىنىڭ پرەزيدەنتى شاۆحات ميرزيەەۆتىڭ قازاقستانعا مەملەكەتتىك ساپارى شەڭبەرىندە استانادا قازاق-وزبەك بيزنەس فورۋمى وتكەن بولاتىن.
وعان ەكى ەلدىڭ 500-گە تارتا كاسىپكەرى مەن ۇلتتىق كومپانيا جانە مەملەكەتتىك ۇيىم وكىلدەرى قاتىستى.ۆسە پراۆا زاششيششەنى.
