كەزدەسۋ بارىسىندا تاراپتار ءتۇرلى سالالار بويىنشا ەكىجاقتى ىنتىماقتاستىقتى دامىتۋ ماسەلەلەرىن تالقىلادى. س.نۇرتاەۆ ءوز كەزەگىندە قازاقستاننىڭ مالتامەن ساۋدا-ەكونوميكالىق ىقپالداستىقتى ارتتىرۋعا قىزىعۋشىلىق تانىتىپ وتىرعانىن جەتكىزدى. قازاقستاندىق ديپلومات, سونداي-اق, ەكىجاقتى بايلانىستا تۋريزم جانە ءبىلىم سالالارىنىڭ الار ورنىن اتاپ كورسەتتى.
سونىمەن قاتار, س.نۇرتاەۆ قازاقستانداعى ساياسي جانە ەكونوميكالىق وڭ ءوزگەرىستەر جونىندە, ەكسپو-2017 حالىقارالىق كورمەسىنە دايىندىق بارىسى تۇرعىسىندا جانە ەلىمىزدىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قىزمەتى تۋرالى ايتىپ بەردى. سونداي-اق, ول قازاقستاننىڭ حالىقارالىق بىتىمگەرشىلىك باستامالارىنا دا نازار اۋداردى. بۇدان بولەك, ەلشى «نۇرلى جول» باعدارلاماسى جانە «100 ناقتى قادام» ۇلت جوسپارى اياسىندا قازاقستان ەكونوميكاسىن ءارتاراپتاندىرۋ, ينۆەستيتسيالىق كليماتتى جاقسارتۋ, جەكەشەلەندىرۋ ماسەلەلەرىنە توقتالدى.
مالتا پرەزيدەنتى ماري-لۋيز كولەيرو پرەكا ءوز كەزەگىندە ەكىجاقتى ىنتىماقتاستىقتىڭ دامۋىنا تىلەكتەستىگىن بىلدىرە كەلىپ, مالتانىڭ قازاقستانمەن ءتۇرلى سالالار بويىنشا قارىم-قاتىناس ورناتۋعا دايىن ەكەنىن اتاپ كورسەتتى. سونداي-اق, ول ەۋروپالىق كەڭەستىڭ ءىس باسىنداعى توراعاسى (2017 جىلدىڭ قاڭتار-ماۋسىم ايلارى) بولىپ سانالاتىن مالتا رەسپۋبليكاسىنىڭ پرەزيدەنتى رەتىندە ەكى ەل قاتىناسىن قازاقستان-ەۋروپالىق وداق بايلانىستارى جەلىسىنىڭ اياسىندا دامىتۋدىڭ ماڭىزدىلىعىن ءسوز ەتتى.
