ءىس-شاراعا پارلامەنت دەپۋتاتتارى, مادەنيەت جانە سپورت ءمينيسترى ا.مۇحامەدي ۇلى, ەلىمىزدىڭ تانىمال مادەنيەت جانە ونەر قايراتكەرلەرى قاتىستى.
مەملەكەتتىك حاتشى قۇتتىقتاۋ سوزىندە ەل دامۋىنداعى مادەنيەت پەن ونەردىڭ ماڭىزدى ءرولىنە قازاقستان پرەزيدەنتىنىڭ ايرىقشا ءمان بەرەتىنىن اتاپ ءوتتى. تاۋەلسىزدىك جىلدارىندا «ءمادەني مۇرا» مەملەكەتتىك باعدارلاماسى جۇزەگە اسىرىلدى, ءبۇگىندە 52 تەاتر تابىستى جۇمىس ىستەيدى, جاڭادان «استانا وپەرا», «استانا بالەت» تەاترلارى, سونداي-اق, قازاق ۇلتتىق ونەر ۋنيۆەرسيتەتى, قازاق ۇلتتىق حورەوگرافيا اكادەمياسى اشىلدى.
سونىمەن قاتار, گۇلشارا ءابدىقالىقوۆا 2016 جىلى قۇرىلعان قازاقستان تەاترلارى قاۋىمداستىعى ەلىمىزدىڭ رۋحاني-ءمادەني ومىرىنە جانە جاستاردىڭ شىعارماشىلىق الەۋەتىن دامىتۋعا ەلەۋلى ۇلەس قوساتىنىنا, «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋدا مەملەكەت باسشىسى ايقىنداپ بەرگەن ماقساتتاردى ىسكە اسىرۋعا سەپتىگىن تيگىزەتىنىنە سەنىم ءبىلدىردى.
«ساحناگەر» ۇلتتىق تەاتر سىيلىعى ەڭبەككە دەگەن وڭ كوزقاراس قالىپتاستىراتىن شىعارمالار تۋدىرىپ, ەلدىڭ ءبىرتۇتاس مادەني كەڭىستىگى اياسىن كەڭەيتۋگە, قازاقستاندىق پاتريوتيزمدى دامىتۋعا, ۇلتتىق مادەنيەتكە دەگەن سۇيىسپەنشىلىكتى ارتتىرۋعا قوسقان ۇلەسى ءۇشىن بەرىلەدى.
