تەلەارنا اشىلعان كۇنى كورەرمەن نازارىنا كومپوزيتور ءشامشى قالداياقوۆ جايىنداعى «ءان اعا» سەريالىنىڭ 1-ءشى ەپيزودى, «قۇراق كورپە» ليريكالىق كومەدياسى كورەرمەن نازارىنا ۇسىنىلادى. "التىن قورىمىزدى ۇرپاق يگىلىگىنە جاراتۋدى كوزدەگەن جاڭا ارنانى ءبىز ەلدىڭ ارناسى بولسىن دەگەن نيەتپەن "ەل ارنا" دەپ اتادىق. جاڭا تەلەارنا ءبۇتىن ءبىر بۋىنعا اسەر ەتكەن شاكەن ايمانوۆ, ءماجيت بەگالين, ابدوللا قارساقباەۆ, سۇلتان قوجىقوۆ سياقتى مايتالمانداردىڭ تۋىندىلارىن بۇگىنگى ۇرپاققا كەڭىنەن ناسيxاتتاۋعا تاماشا مۇمكىندىك بەرەدى. سونىمەن قاتار ءبىزدىڭ ماقساتىمىز - ءبىلىم, عىلىم مەن ونەر سالاسىنا ارنالعان دەرەكتى فيلمدەر مەن تانىمدىق باعدارلامالاردىڭ كورەرمەنگە بارىنشا قولجەتىمدى بولۋىنا ىقپال ەتۋ, ەلىمىزدىڭ اقپاراتتىق كەڭىستىگىن ءوز تۋىندىلارىمىزبەن قامتۋ. بۇل ارنانىڭ اشىلۋى كينو سالاسىنداعى جاس ماماندار ءۇشىن دە ۇلكەن قولداۋ دەپ بىلەمىن. ەندى, ولاردىڭ شىعارمالارى xالىقتىڭ نازارىنا كەڭىنەن ۇسىنىلاتىن بولادى", - دەدى جاڭا تەلەارنانىڭ اشىلۋ سالتاناتىندا سويلەگەن قازاقستاننىڭ اقپارات جانە كوممۋنيكاتسيالار ءمينيسترى داۋرەن اباەۆ.
ۆەدومستۆو باسشىسى كورەرمەننىڭ بۇل جوبانى كوپ كۇتكەنىن ايتتى. «بۇعان الەۋمەتتىك جەلىدە جازىلىپ جاتقان پىكىرلەر, مينيسترلىككە ەلىمىزدىڭ جەر-جەرىنەن كەلگەن حاتتار جانە ءباسپاسوزدىڭ بۇل ماسەلەگە نازار اۋدارىپ وتىرعانى دالەل. جاڭا تەلەارنا كوڭىلدەرىڭىزدەن شىعارىنا سەنىمدىمىن» دەدى داۋرەن اباەۆ.
