قازاقستاندىق فۋتبولشى گراناتكين تۋرنيرىندە ەرەكشە كوزگە تۇسكەندىكتەن, «زەنيت» كومانداسىنىڭ وكىلدەرى قىزىعۋشىلىقتارىن جاسىرمادى. «زەنيت-2» ۇجىمىمەن بىرگە جيىندارعا شاقىردى.
«17 جاستاعى قازاقستاندىق ويىنشى گراناتكين تۋرنيرىندە ءوزىن جاقسى قىرىنان كورسەتىپ, ۇزدىك شابۋىلشى اتاندى. ەسىمى ۇزاق بولعاندىقتان ونى ەركوش دەپ ەركەلەتىپ اتايمىز. «زەنيتتىڭ» جاستارىمەن بىرگە جاتتىقتى. مۇندا دا قاراپ قالمادى, ءتورت گول سوعا ءبىلدى. وعان ءتىپتى, يسپانيالىقتار دا نازار اۋدارا باستادى. سوندىقتان مۇمكىندىكتى جىبەرمەي رەسەيلىك كلۋبتار ونى ءوز قاتارىنا قوسۋدى, ءتىپتى ازاماتتىق بەرىپ, رەسەي قۇراماسىنا شاقىرۋدى ويلاۋى ءتيىس», – دەدى دميتري سەليۋك.
ايتا كەتەيىك, سەيداحمەت «زەنيتپەن» بىرگە يتاليادا Viareggio Cup تۋرنيرىنە قاتىستى. مۇندا كەزەكتى ويىنداردىڭ بىرىندە ءبىر تايمدا ءتورت دوپ سوقتى. سونداي-اق, وقۋ-جاتتىعۋ جيىندارى كەزىندە ادەمى گولىمەن دە كوزگە ءتۇستى. بىراق ول فيفا-نىڭ ەرەجەسى بويىنشا 18 جاسقا تولماعاندىقتان, پيتەرلىك كلۋبپەن كەلىسىمشارتقا وتىرا المايدى.
قازىرگى ۋاقىتتا ەركەبۇلان سەيداحمەت «تاراز» ۇجىمىنىڭ ويىنشىسى اتاندى. ونىڭ كەلىسىمشارتى ءبىر جىلعا جارامدى.
