كەلىسسوزدەر بارىسىندا قازاقستان پرەزيدەنتى نۇرسۇلتان نازارباەۆتىڭ ءباا-عا ءۇستىمىزدەگى جىلدىڭ 15-16 قاڭتارىندا جاساعان رەسمي ساپارىنىڭ اياسىندا جوعارى دەڭگەيدە قول جەتكىزىلگەن ۋاعدالاستىقتاردىڭ ىسكە اسىرىلۋ بارىسىنىڭ الدىن الا ناتيجەسى, وعان قوسا, ىنتىماقتاستىقتىڭ ماڭىزدى باعىتتارى بويىنشا بىرلەسكەن ينۆەستيتسيالىق جوبالاردى پىسىقتاپ, ىسكە قوسۋ ماسەلەلەرى تالقىلاندى.
كەزدەسۋدە اتىراۋ وبلىسىنداعى جىلدىق قۋاتتىلىعى 800 مىڭ توننا پوليپروپيلەن شىعارۋعا جەتەتىن مۇناي-گاز-حيميا كەشەنى قۇرىلىسىنىڭ جوباسىنا باسا نازار اۋدارىلدى.
بۇدان بولەك, ءابۋ-دابي مەن دۋبايدىڭ يندۋستريالىق ايماقتارى مەن دامۋشى قالالارىن ساۋد ارابياسىنىڭ شەكاراسىمەن بايلانىستىراتىن, ۇزىندىعى 406 شاقىرىم بولاتىن تەمىر جول قۇرىلىسىنىڭ جوباسى قارالدى. ايتا كەتەيىك, كولىك-لوگيستيكا سالاسىندا امىرلىكتەر اۋماعىندا بىرلەسكەن ينفراقۇرىلىمدىق جوبالاردى ىسكە اسىرۋعا «قازاقستان تەمىر جولى» ۇك» اق پەن «Etihad Rail» ۇلتتىق تەمىر جول كومپانياسىنىڭ ء(باا) قاتىسۋى قاراستىرىلعان. سونىمەن بىرگە, قازاقستانداعى اۋەجاي ينفراقۇرىلىمىن «Abu Dhabi Airports Corporation (ADAC)» كومپانياسىمەن بىرلەسىپ دامىتۋ ماسەلەسى تالقىلاندى.
قارجى سالاسىندا «بايتەرەك» ۇبح» اق پەن «Mubadala Investment Company» مەملەكەتتىك ينۆەستيتسيالىق كومپانياسى اراسىندا جالپى جارعىلىق كاپيتالى تەڭ ۇلەستە 500 ملن اقش دوللارى بولاتىن, كەيىننەن 1 ملرد اقش دوللارىنا دەيىن ۇلعايتىلاتىن, قازاقستان-ءباا ءبىرلەسكەن ينۆەستيتسيالىق قورىن جاقىن ارادا قۇرۋعا ازىرلىك جۇمىستارى قۇپتالدى.
سونداي-اق, ءباا-ءنىڭ اتوم ەنەرگەتيكاسى جونىندەگى كورپوراتسياسى (ENEC) مەن «قازاتومونەركاسىپ» ۇاك» اق اراسىندا اتوم قۋاتىن بەيبىت ماقساتتا پايدالانۋ سالاسىنداعى ىنتىماقتاستىق ماسەلەلەرى قارالدى. ايتا كەتەيىك, بۇل سالا بويىنشا ءباا-دە قۇراستىرىلىپ جاتقان جانە قۇرىلىسى جوسپارلانعان رەاكتورلاردىڭ قاجەتتىلىكتەرىن قامتاماسىز ەتۋ ماقساتىندا قازاقستاننان تابيعي ۋران, بايىتىلعان ۋران ونىمدەرى تۇرىندە شيكىزات جەتكىزۋ كوزدەلۋدە.
كەزدەسۋدىڭ قورىتىندىسى بويىنشا امىرلىكتەر تاراپى ءوزارا ىنتىماقتاستىقتىڭ باسىم باعىتتارى بويىنشا قولعا الىنعان ءبىرلەسكەن جوبالاردى ىلگەرىلەتۋ ۇدەرىسىنە كوڭىلدەرى تولاتىنىن, قازاقستان جاعىنىڭ بيىل 22 مامىردا استانادا قازاقستان-ءامىرلىكتەر بيزنەس-فورۋمىن وتكىزۋ تۋرالى باستاماسىن ەرەكشە اتاپ ءوتتى.
كەلىسسوزدەرگە قازاقستان ەنەرگەتيكا ءمينيسترى ق.بوزىمباەۆ, «قازاقستان تەمىر جولى» ۇك» اق پرەزيدەنتى ق.الپىسباەۆ, «قازاتومونەركاسىپ» ۇاك» اق باسقارما توراعاسى ا.جۇماعاليەۆ جانە قازاقستاننىڭ ءباا-دەگى ەلشىسى ق.لاما ءشارىپ قاتىستى.
دايىنداعان
جولدىباي بازار,
«ەگەمەن قازاقستان»
