«ءبارىمىز ونىڭ قانداي ماقساتپەن تەراكت جاساعانىن ەشقاشان بىلە المايمىز. ونىڭ قۇپياسى وزىمەن بىرگە قايتىس بولدى... ول بۇل وقيعانى جالعىز ءوزى جاساعان. ول - فاكت», - دەيدى لوندوندىق پوليتسيا باسشىسىنىڭ ورىنباسارى نەيل باسۋ.
ايتا كەتەيىك, لوندونداعى تەراكت سارسەنبى كۇنى تۋريستەر ەڭ كوپ كەلەتىن Westminster كوپىرىندە بولعان. جانكەشتى كولىكپەن كوپىردىڭ جانىنداعى جاياۋ جۇرگىنشىلەر جولىنا شىعىپ, بىرنەشە ادامدى باسىپ كەتكەن. سوندان كەيىن, پارلامەنت عيماراتىنا قاراي بەتتەگەن جەرىنەن ونى پوليتسيا قىزمەتكەرلەرى توقتاتقان. قىلمىسكەر پوليتسي قىزمەتكەرىنە پىشاق سۇعىپ, ارتىنان ءوزى قايتىس بولعان.
تەررورشى دەپ تانىلعان 52 جاستاعى حاليد ماسۋد بريتانيا ازاماتى. سوڭعى مالىمەتتەر بويىنشا, تەراكتتان 4 ادام قايتىس بولىپ, 10 ەلدىڭ 50 ازاماتى ءتۇرلى دەڭگەيدەگى دەنە جاراقاتىن العان.
